我昨天去海洋公園，在其中一個水族館見到五彩繽紛的魚類，好興奮！打算隔著玻璃近距離錄影短片。可是，有一個4、5歲嘅男仔，全神貫注貼住玻璃睇咗好耐唔肯離開。我唯有再耐心等，等咗成5分鐘，其他參觀者都離開了，只剩下這個男仔仍在細心欣賞，跟佢後面嘅媽咪有問有答，兩母子十分投入。我便硬著頭皮輕聲對個男仔講：「小朋友，唔好意思呀⋯」句子未講完，佢媽好緊張向前攬實個仔。我都受驚，即刻話：「我冇傷害佢，你去報警啦！」點知個媽話：「呢度公眾地方，大家都可以用㗎！」噢！原來佢自知個仔阻住我影相，又知道我想佢個金菠蘿借咩一陣，只係唔甘心要個金菠蘿讓我呢個老女人
我恍然大悟，同老公無言以對，去另一個水族館吧！
好有趣！在另一個水族館，同樣有一家人在影相留念，我又同樣在旁等候埋位影相。這對父母一影完相，就催促一對子女快啲行開啦！唔好阻住人影相啦！
唔知你成件事係點，但因為你一個咁小嘅經歷，就開個咁嘅題，都太小題大做呀嘛！
其實一個4，5歲小朋友可以咁專心睇魚係好難得，可能佢真係好鐘意睇，反而我覺得點解係一個公聚場所影相咁怕有其他人入鏡？
你無端端叫人報警好有問題.
而且嗰度唔係排隊影相位影完要行開, 佢企幾耐睇幾耐都得.
如果冇人出聲問, 唔需要理有冇人想影無人全景而行開俾佢影.
影相位影完相提小朋友行開唔好阻住下一個都好正常.
全篇文寫出有問題嗰個係你.
樓主應該平時生活壓力好大。
就算對方反應大，完全唔明點解樓主要講「你去報警啦！」係有咩意思。
睇到我都黑人問號？？
佢明知大家都想睇，其實好應該讓一讓
正如公園設施，打千秋咁，係公家，個個有權玩，冇人話要玩幾多耐！
但係！！
好多人想玩既時候，係好應該玩下就讓下一位，輪流玩！
呢個家長明知又唔讓，係自私！
但係，樓主都好似太敏感，冇啦啦咩「報警」真係莫名其妙
其實錄完段片，放上網之後，又點？樓主會再睇？
唔好意思，我可能做左阿媽，我反而好欣賞個小朋友咁全神貫注去欣賞，唔係望鏡頭。
同人哋攬住小朋友，好正常，甚至小朋友有特別需要，個媽媽動作其實真係好正常
不過樓主下次not feel comfortable ，其實而家報東張先最有用
我常常勸喻家長，要陪伴小朋友成長，並不是代他們成長；對子女行為要觀察入微，但不要無微不至為他們代勞。家長的責任是訓練孩子的解難能力，讓他們有足夠能力去面對這個多變和複雜的世代。
有一次，一個小女孩在快餐店背靠著店內餐牌牌板，等候著正在排隊購餐的媽媽。我溫柔地去請小女孩站過一點，讓大家觀看到餐牌食品。她立即尶介地將身軀移開了一點，遠望著正排隊的媽媽，似乎求助。我立即向她媽媽大讚他女兒「好醒目」，之後兩母女便釋懷，展露著愉悅的笑容了。
我只是想表達一個道理：父母不要「太過份」保護孩子，常恐其子女被人「揾笨」、「吃虧」。除非孩子正在人身危險當中，否則，家長要「逐漸地」學習放手，讓小雛鷹一天比一天飛得高，飛得遠，才是成功的家長啊！
很多家長常焦慮不安，深怕自己孩子被人「欺淩」，幼嫩心靈被傷害了，甚至留下童年陰影。我必定告訴她們可以報警處理，但「絕大部份」思前想後，都自覺事情又未至如此惡劣，不了了之。
呢個情景，我都會諗個小朋友係咪有特殊需要。
小朋友專注咁望住一樣嘢好耐，人哋媽咪即刻攬實佢，因為可能會刺激到佢。
如果樓主係一個正常人，咁小事就即刻叫人報警，好似想撩交鬧多d。
原來你咁鐘意叫人報警
不如你試吓自己報啦
情況唔同.
喺水族館真係唔需要留意其他人係咪想影無人全景而行開讓俾佢.
嗰個家長可能根本冇留意過樓主, 亦唔知佢想影相.
係樓主突然行埋去佢小朋友身邊講嘢先作出反應.
你都幾鍾意叫人行開讓你.
快餐店你睇唔到餐牌咪行過一個身位或伸下個頭睇lo.
要開聲對方讓仲讚埋人真係多餘.
如果每發生呢啲事你都只識諗到叫人報警，樓主都唔見得有幾高解難能力
樓主改咗標題 本身係類似話個小朋友無抗逆力咁上下
跟住我睇到咁小事都叫人報警時 都跟住諗 原來大人個抗逆力都麻麻地 
細個去澳門，我地幾個細路同班大人分開坐(前後排），突然有個男人同我地講野，其中一個uncle即刻行過來企係我地同個男人中間，問有咩幫到佢。好彩個男人冇一開口就叫uncle報警。
父母見到有陌生人proceed自己仔女，仲要而家香港咁多閒雜人，反應大好正常，而且個阿媽亦冇對樓主講啲咩，樓主反應似想撩交哎
對話前後唔合理,
你叫人報警咁挑釁,
一般阿媽第一時間拖走個仔, 怕你係白卡,
如果火氣大反駁你, 會話"你突然行近我個仔, 我點知你想點啫", 而唔係無端端話"呢度係公眾地方大家可以用",
我估樓主中間有D對話無講出來
水族館見到五彩繽紛的魚類，好興奮
呢D係魚, 識游來游去, 又唔係博物館展品, 被人遮住就真係睇唔到,
你企係另一邊, 總會有魚游過來, 唔明點解你堅持要人借個位比你錄影 
佢會好detail 話你知，自己好有耐性咁等，好溫柔咁同人講嘢
佢係話依家小朋友跳樓係關父母事，唔好賴教育制度
點解同樣叫人讓開, 呢次又唔係叫人報警呢?
阿媽係正隔離, 比著我會同阿媽講, 叫佢地借借, 而唔係走去同小朋友講
叫人報警一D都唔溫柔 樓主露晒底, 肯定有野無講
我覺得好似任何人見到樓主都應該彈開