今時今日住兒童院細路係咪慘過乞兒

自由講場
1

先講少少背景，我個女讀北區某小三年級，佢同校都有唔少女同學住喺皇后山附近間兒童院。阿女時不時都會講吓學校嘅嘢俾我聽，所以都會知道佢同同學仔之間既野。

呀女個同學最近成日問我女攞嘢食所以friend咗，傾傾吓先知女仔原來係宿舍係冇飯食。兒童院wor，會冇飯食？問多兩句先知原來個女仔間兒童院一係宿舍發脾氣行出去，啲職員就會鎖宿舍門，鎖足幾個鐘，連食飯時間都唔比入翻去。如果肚餓就唯有去廚房偷水果，甚至聽講有細路試過餓到摷垃圾！冇錯，係摷垃圾呀！仲係要鎖門鎖到個細路女聽話（點叫聽話就唔知啦）先會開返門俾佢入返去，過左食飯時間就冇野食，一啲飯都唔留比啲細路食。發脾氣就冇飯食，又翻唔到房訓，咁樣應該都算體罰/虐兒啦掛…….

聽講仲要係院長叫啲職員鎖門唔比個女仔入翻去。問過做咩唔搵社工，個女仔係院長直接負責，所以啲社工想幫手都幫唔到…結果個女仔成日冇食過飯，第二朝又冇人叫佢起身返學，又再比人鬧。仲話之前試過曳得滯俾個院長罰佢出面訓幾日！個細路女話好驚，院長都迫佢出去訓唔比佢翻房，真係癲癲地。咁既人都做得院長有冇搞錯？

作為阿媽，我聽完心都噏埋，個細路先得三年級咁細個，去得兒童院都已經唔係好事，而家仲要咁樣比人蝦，乜而家啲兒童院可以咁無皇管架咩？

2

因咩事住兒童院？如果學校老師介入得唔得？

不過凡事唔好盡信一邊之言

3個讚
3

可能我已經脫節, 就咁睇樓主description, 我唔覺得有問題, 最起碼唔算虐兒先

4

聽返嚟嘅：

小朋友通告手冊成日冇人簽，比老師話，但明明係家舍家長失職（老師有冇同家舍家長溝通就唔知啦）

家舍入面小朋友唔一定個個都覺得自己慘，會吵吵鬧鬧咁傾偈，甚至會分享自己家長發生咩事，甚至會比較邊個犯錯返得勁啲啲，邊個要坐得耐啲，真係講笑咁講…反而大人聽到會心酸

有父母都坐緊監嘅小朋友，社工想同佢報學校交流團，但因為呀媽唔同意小朋友離開香港
所以小朋友十八歲前一直冇得離開香港

另一個小朋友，個社工係要來來回回出入監獄四五次，（我聽返嘅係，首先要家長同小朋友申請證件，搞掂證件又要家長同意比小朋友離境咁）先揾到父母簽曬應該簽嘅文件比小朋友成功報交流團（要好有心先會咁做）

5

你個女心地善良，樂於助人，你教得佢好好。

就咁樣睇，其實個女仔皮氣都好差，
有機會勸下個女仔少啲發皮氣，
要面對現實，學習點樣先唔會俾人罰，唔需要瞓出面，唔需要再捱餓。

佢住喺兒童院，自然有佢原因，
將來出嚟社會，要面對嘅困難可能更多，叫佢自己爭氣啲，努力。