鄰居有滋擾行為但無傷害人, 好多時深夜時分大吵大鬧. 但如果佢有精神病, 我地怕刺激到佢變本加厲, 大家有無咩好方法? 有無遇過奇怪鄰居分享一下? 唔該
可能搬走都係一個唔錯的方法
1個讚
除咗你之外仲有沒有其他人講相同嘅問題，因為香港住屋咁密集，鄰居都應該俾佢嘈醒，有冇人試過報管理處 或者 報警。
1個讚
應該有病,交俾管理處攪啦,必要時佢地會報警,攪攪下可能會送佢入院
同層其他住戶都感受到, 不過因為大家情況唔同 (例如租客或自置物業), 選擇都有啲分別. 當中有一戶自置嘅選擇暫時搬走, 另外有租客表示再睇睇情況, 必要時退租. 我地係自置, 都有有考慮過搬走, 但唔係一時三刻可以做到, 都係繼續見步行步…… 無奈
管理處知道, 但可以做到嘅唔多
警察都知道 - 我地曾經一次佢比較激烈嘅行為決定報警, 警察有上黎了解, 但基於無證據證明係佢做, 都係表示愛莫能助
另外我地肯定佢係精神有問題, 因為佢曾經做出一啲傷害自己同破壞自己單位嘅行為… 有一定嘅心理壓力, 因為佢咁樣傷害… 遲早有一次, 佢決定唔係傷害自己, 而係傷害其他人咁點算
我想裝個cam 可以睇到屋外情況, 同必要時或者係有證據, 不過屋企人真係好怕佢, 怕對於佢覺得係挑釁行為, 刺激到佢…
贊成你立即裝個cam，萬一有咩事都可以有證據，
1個讚
首先裝cam,
另外, 佢有冇其他屋企人, 可唔可以試下口風?
我以前鄰居係白卡, 同住係佢阿爸, 平時我地扮無野同阿爸吹水, feel到阿爸係正常人,
有次白卡又做危險行為, 我地忍唔住同佢阿爸講, 再係咁我地報警, 佢阿爸都認同, 點知無幾耐之後突然差人白車一齊到, 原來係阿爸自己報警, 因為佢都搞唔掂個白卡
多謝你回覆同分享
我地觀察應該係獨居… 呢半年無見過有人探佢
其實冇，你只可以報警，然後睇吓可唔可以捉到佢入精神病院治療，其實都係幫佢嘅一個方法。
係咪可以搵社署幫手家訪下？
多謝大家回覆. 呢幾日係平靜嘅, 無咩事發生
我屋企人比較怕萬一, 想一動不如一靜. 我會搬出去暫住, 而佢地就密啲去啲短線團先. 眼不見為乾淨
建議你裝CAM/ 錄音或拍片(拍片最好拎多部手機顯示日期時間)，向管理處投訴或報警時作為證據。
如果住單楝樓，管理處未必幫到好多，唯有集思廣益，搵個較好嘅解決方法
1個讚
裝CAM有無問題?有人講係犯法.