有無用？一直識唔到啱既人，speed dating/app都玩過，利申本人係女，35
除非你錢多啦
無用過。
樓主，你急住搵個伴結婚生仔？
係啊
35 歲好後生啫
緣份呢啲嘢真係好難講，唔急得架，最緊要放鬆啲。
我都係好遲先拍拖，屋企人又勁傳統，覺得你唔結婚生仔就唔係「正常人」。而家雖然結咗婚、生咗仔，終於做咗屋企人心目中嘅「正常嘢」。
不過回想起我單身嘅日子，最後悔就係無好好咁享受，做自己鐘意做嘅嘢，成日自憐。
1個讚
係呀, 到你有小朋友, 一大堆屋企野煩個陣…就好想回到單身時嘅自由自在.
其實而家身邊大把人都係單身, 佢地不知幾enjoy. 周不時去旅行. 錢花係自己身上 
4個讚
有時我諗番，我結婚可能只係為咗逃避我老豆（嗰陣時我同老公只係拍咗年零拖，都閃閃哋婚）。
我老豆講嘢真係好Q難聽，而家我細佬成為最新「受害者」（不過我知我細佬係不婚主義者嚟，我唯有心中默默為佢打氣）
所以樓主放鬆啲！緣份到你擋都擋唔住，你要做嘅第一件事係享受而家嘅生活
1個讚
樓主有無去下老蘭？ 去下旅行？
我老公有個女性朋友，就係唔知邊樣咁就搵到個鬼佬做老公。
有時緣份唔一定要本地人。
其實我明樓主心情
我都試過上一任男朋友分左手之後, 就一直都無人追, 之後感情真空左三四年, 眼見年紀愈黎愈大
最乞人憎係大學/中學同學/公司同事一個又一個結婚請飲, 有d 仲生埋仔post 晒上fb, 身邊已經無幾多個係真正single, 真係好難唔心急
我都曾經上交友網識人, 但係d 人都幾猴禽, 一hi 你講唔夠兩句就問你拎相睇, 同約你食飯咁。終於遇到有條友唔係第一日就問我拎相同叫我出街, 以為係好野啦, 點知傾左三日, 一方面聲稱自己教徒講到自己好好, 另一方面又講明佢同前女友婚前上過床乜乜物, 之後我直接block 埋佢
所以想同樓主講: 我明白你, 心急係正常既, 但另一方面交友app 真係好難識到正常男仔既我覺得。祝你快d 搵到你既Mr. Right! 
2個讚
朋友用交友app都識到下人出街
但啲男人我聽返朋友講都係Kam Kam 哋
一係一出嚟講啲賴係勁嘅嘢
一係離過婚（我自己睇都係喺屋企腳un in唔會郁果啲）
一係扮日本通
一係懶係懂得生活
千奇百怪…
1個讚
我係通過paid dating apps識到另一半。
不過再嚟過，我會揀報旅行團（焗住相處幾日）/去旅行或其他方式識人。
好處
1）少啲食家會俾錢去婚姻介紹所，識親都係認真想安定落嚟。
2）如果自身條件唔錯，的確都多專業行業嘅男士（但請緊記工作同人品、性格無掛鉤）
缺點
1）女多男少，聽返嚟，男嘅多數搵28歲左右嘅女仔
2）繼上，男士好多都約好多人。
你有心理準備佢二（或者再多）揀一；
又或者約會質素麻麻地，有機會係佢keep住約人，所以去餐廳只會點最平/最低消費（同見保險給經紀差唔多嘅感覺）
（我希望唔係我性格問題令佢要叫平嘢。因為有啲都有WhatsApp傾一排、約咗兩三次，同埋次次都係AA制。）
3）介紹所個服務只係約時間同卜餐廳，冇乜其他feedback。到後期只會叫你降低要求。
4）所謂background check其實靠自己提供，佢要呃人話咁易。
1個讚
不如搵個叻D嘅師傅問下可能仲好，我識幾個勁靚女嘅FD都單身多，有時條命真係整定！
1個讚
同意, 我覺得不妨一試, 唔好怪我迷信乜乜物物喇, 反正緣份本身就唔係科學可解釋
如果未遇到真命天子, 去搵風水佬問下意見都好丫, 當然你都要小心, 同埋清醒少少, 叻既師傅係唔會係咁叫你課金去佢度買野既, 係頂多教你擺個桃花陣催一催桃花, 同埋話俾你聽現實生活上可以做咩去提升機會。一係唔好問, 一係就寧願貴少少搵個多人睇要一早book 既
1個讚
我朋友話啲dating agencies好多用假身份嘅男人
題外話，之後有朋友揾師傅睇（我唔識玄學，唔知睇咗佢睇咗啲乜嘢），年半就識到男朋友兼好快結埋婚，但四五年就離婚
我自己塘邊鶴睇，就係兩個唔識得愛嘅人，行埋一齊，一有磨擦就散
我都贊成報貴價旅行團，就算真命天子唔喺團入面，都可能有團友覺得你唔錯，介紹自己圈子入邊嘅親友比你識
就算識唔到人，都真係去咗個旅行
2個讚
男女都有，我大伯上網識左個話自己四十鬆啲，出咗幾次街發現係七十年代中出世嘅
1個讚
頂，即係志明與春嬌嘅Brenda 