十五歲仲未有初經，政府初步驗過血一切正常，有照超聲波，話懷疑卵巢多囊（照不清同但唔fulfil 所有條件）醫生話仲唔來的話，只有比避孕藥食令佢有月經。現在睇了中醫兩個幾月，日日飲藥都未有。網上找不到有經驗的人分享。
請問如果睇婦科/生長科有冇介紹？
現在好似等運到
先謝謝大家
小朋友有無保險？
有手術住院
無門診，專科一般診金都幾百，如果情況同你講嘅一樣，咁只係要食藥治療
我屋企人有脊柱側彎, 1415歲都未有月經, 去醫院再做檢查, 証實因脊柱問題令部份器官受壓, 終於去做手術, 完成後一年到現在都有正常月經… 如果可以去私家做一次婦科檢查, 月經對女性嚟講都係一項重要生理指標…病向淺中醫… 祝早日找到病因, 早日康復…
我女而家十歲,初步評估遲發育,估計都係14-15歲先會初經,你小朋友小學時都係咁?
定本身無遲發育?
可能都算遲，但評估無話過佢遲。一向正常的高度，現在胸也有發育。
保健睇佢又冇脊柱問題，真係唔知點搞。轉另一個中醫，好可能都係等。我又冇聽過有人識中醫醫好過呢個case，畢竟唔知係咁啱等到定醫到
我個人認為要搵到原因, 所以我會提議先去睇西醫婦科, 搵到root cause, 再諗點處理… 到時再搵中醫調理會更好… 月經係女性反應hormone重要指標, 唔可以忽視…
1個讚
明白。政府西醫話乜到正常。驗過血/甲亢/荷爾蒙，我俾D報睇緊個中醫睇佢都話D數字正常。亦唔知邊度搵個合適的專科
佢話正常都唔奇,因為我記得好似係17歲都未黎M,西醫先會話有問題
好少有。但聽完都有D希望不會是大問題。小女就快16了。中西醫都話佢健康，就係冇來過經期。
女女平常會唔會壓力好大?
BMI正常?
覺得初經唔來既問題睇西醫>中醫
荷爾蒙冇問題我諗都係搵婦科西醫跟進吧,睇下仲有咩檢查可以做。
1個讚
首先，我好想講多謝媽媽你咁緊張個女，帶佢睇醫生，呢個問題可大可小，有可能影響佢將來生育… 我就有好慘痛經歷，容許我分享多d…
我嗰時15歲先嚟M(而我家姐係正常歲數嚟M)，我知父母有擔心，但佢地冇帶過我睇醫生，佢地可能只係問親戚/身邊人有冇偏方，之後買白鳳丸畀我食，咁的確食咗一段時間後(唔記得幾耐)，我終於初經來潮，但關唔關白鳳丸事就不得而之，每個人體質唔同，我都唔建議亂試，除非你帶個女睇中醫，而中醫話佢體質可以食。
嚟M後，其實我有好多年都係四季經，一年嚟4次，經期短，量唔多。我唔知我媽有冇問過我，我可能有同佢輕輕提過，但我屋企係覺得好多嘢都難以啟齒就扮唔知咩都唔講、講又講到唔清唔楚嗰d, 所以我四季經嘅問題，其實冇人理過。
到我22,23歲左右，因為嚴重暗瘡去睇西醫，醫生開避孕丸畀我食，我就順便同佢講其實我月經好唔準，係四季經。呢位女醫生係唔覺得有問題咁，仲話：｢咁都幾好呀，不過你第時想生仔就難d囉｣，就冇理喇，亦冇轉介我睇婦科之類… 當時廿歲頭嘅我，又點會諗到生仔咁長遠… 另外，避孕丸係治標不治本，醫暗瘡可能有dd幫助，但對你個女嘅問題可能係反效果，因為食咗避孕丸唔會排卵，而家你個女仲未嚟M係因為佢唔知咩原因仲未排卵，咁食避孕丸有咩幫助？只係製造假月經嘅錯覺，你地睇嗰個西醫好不負責任。
後來我到25歲，升左職加左人工有多餘錢先自己去睇中醫，我係睇荃灣南豐中醫村一位男醫師，我已經唔記得佢叫咩名，我當時只係就腳求其睇一個，但睇咗佢幾個月，食中藥同針灸後，真係改善左我四季經嘅問題，我開始每個月嚟M，雖然唔準時，但每年可能最多miss一兩個月，所以中醫對我係好有幫助，但我都係睇得太遲…
到我36歲打算生小朋友時，先發覺自己卵巢功能嚴重衰退，AMH卵巢儲備好低好低，近乎更年期。可能係自己冇好好照顧身體捱壞咗，但我諗更大原因係先天不足，卵巢一直處於沉睡狀態，遲經都可能係因為卵子唔多/卵巢冇反應/唔識排卵… 我好後悔自己25歲先去睇醫生調理，但都冇辦法，25歲之前又要還學債又要畀家用，根本冇閒錢每個月睇起碼$2000中醫…
結果我同老公使咗幾十萬做IVF，又經歷過失敗同傷痛，而家總算成功咗… 但到呢一刻，我諗返都會怪父母當初冇正視問題，令我受咗好多苦…
你係個好盡責嘅媽媽，希望你盡快帶個女去睇婦科同中醫，搵到問題根源同治療方法，及早處理，唔好拖。
9個讚
成功左就好啦,我朋友都類似咁,去CHECK先知卵巢有問題,佢40歲都IVF成功生左BB啦~
3個讚
好多謝你深入的分享吖。我希望盡早處理，等佢長大有個權決定要唔小朋友，同擔心佢無經期，長遠會有大癌症風險。
我六月尾會帶女女政府覆診。由二月至今每日飲中藥（中大中醫碩士），我提過針灸但中醫佢話調理先。至今仍未來到經，但中藥有令女女壯咗（之前偏小小瘦，但現在唔會肥）。
中間五月我帶佢另一個生長科私家西醫，佢話就咁睇抽血數字加女女的發育，佢似係正常，（佢睇唔到政府照聲波的片）佢話來經係要好幾個因素同時發生，而我女可能係冇黃體胴上落變化，建議問政府醫生我女子宮夠唔夠厚（有冇先天條件，經血係子宮內膜剝落）另外佢建議係俾女食西藥（通經），人工調節個黃體胴上落，食咗好直接有上落應該會立即有剝落，就即是子宮、卵巢function 到。佢話政府D藥都係食半年就停，唔會長期一世食，到時睇下身體學唔學到來經。佢覺得用西藥可以confirm 到子宮同卵巢正常，identify 到係黃體胴的問題。如果食完冇來，就即是不是黃體胴的問題，要再找個原因。
但我中醫唔係咁主張，覺得我可以照拎政府西藥但唔好比女食（怕西醫close 我女file) 然後照食佢中藥。三星期前佢教我地plot 體溫graph 睇有冇排卵期。現來係有低咗一低上番，要等埋呢個星期可否維持高體溫一星期。其實我都覺得調理的方向係好，但我都有擔心長期食中藥都有重金屬攝取，另外食中藥真係好似無了期咁等。
我自己都糾結，係咪都應該照食西藥（避孕/通經藥）先。老公唔緊張，我同女自己都唔點決定好。
佢都緊張學業，夜訓，但唔算好大壓力，唔會話一定要考第幾，都冇失眠。BMI 之前應該係僅摘界合格，食中藥後到現在合格的範圍內。謝謝意見
睇左唔食點覆診呀? 
當時資訊不發達，父母都唔知有問題，不要怪他們。因為9一16歲來經都正常。
我媽的朋友，17歲才M，個子高朓，所以我媽覺得，遲來M是好事，生得高。
1個讚
其實我都鐘意遲多過早,我14歲黎M,我有170
1個讚