月初完轉新工，因為上手走得好快得有兩日交接，其實工作都唔係難。公司就老闆兩公婆和一個送貨，佢地都係好人黎。但我而家成日係度諗自己係咪真係適合做，有兩個問題就成日卡左係某啲位度。
- 老闆娘有腦退化
- 佢地既運作係無系統紀錄唔清晰
老闆得星期一二係香港，三至六就返上廠，我係負責出單和小小會計嘢，有資料就開單，但啲資料唔清晰又無價錢，往往都會做成我開唔到單。左問右問先至有答案。有時會跌入老闆娘既無限輪迴之中，往往就會攪到遲放工，根本就係無必要既遲走。
好多時就係因為老闆娘成日問埋嘢已經做左既嘢，我就要摷番比佢睇，我啲嘢就比佢攪亂晒。成日就浪費晒啲時間係度摷嘢摷價錢。
呢兩個星期都係度諗，係咪繼續做落去。
同埋佢地既運作方式佢地唔鍾意用 email，所以我會負責睇 email，乜都 whatsapp 去佢地手機度。
我自己本身係鍾意做細公司人唔多唔會好煩，但佢地咁無系統做嘢法啲嘢係亂但佢地自己唔覺，覺得佢地做左咁多年都係咁無問題。
我呢兩個星期都成日諗係咪繼續做落去，我個心係唔想走老闆老闆娘都係好黎，但咁既做嘢方式，我真係覺得浪費時間，同埋老闆娘成日講之前做左十幾年個個點點個時日日三四十張單都係咁做晚晚做到七八點，咁乜資料都無等佢地搵或計出黎想做到咁夜都唔得，我做嘢唔鍾意磨爛蓆嗱嗱做晒放工。
我呢個之前有做左十幾年既人因為某啲原因老闆老闆娘叫佢走。之後請左一個做左一個月就話身體理由唔做，我上手就做左四個月走，而家想睇下大家有咩諗法。
呢個又未必可以兩全其美
不過返工最緊要係，份糧值唔值得呢個付出。OT無論因為多嘢做定係老闆唔醒都一樣，反正都未必改變到。
你留係度嘅好處係：老闆人好、細公司、整體唔算忙
想走原因主要係唔喜歡老闆做事方式（另外會學唔到野唔知你care唔care）
公司文化呢樣嘢，入來之前都唔容易知道。主要考慮係：你睇下如果留低，你覺得成個package值唔值得？如果走，有咩其他選擇？
係, 我而家就係紏結在老闆做事方式. 其實我都有同企人講, 老公就無出聲, 我囡話你咁樣不如走搵過第二份.
會學唔到野唔知你care唔care <<< 一把年紀唔知有咩學 
唔知你幾歲，又唔知你背景係點，好難講，就以你所講嘅資料，呢份工入咗就一世，無得升，佢地慣咗本身舊一套，好難叫佢地接受新一套，你唯有用自己方法再配合佢地去做
1個讚
係咪好大年紀, 真心佢以前方法冇效率又要迫人跟, 呢個係死症.
騎牛搵馬啦
2個讚
SOFT SKILL學一世, 你可以攪得掂公司D長老都係一門學問…
我人到中年都無乜大志，工作地點都近屋企，就咁睇唔太需要 OT，只係而家因為而家成日啲嘢左搵右搵，又無資料所以一有貨落就會攪到遲走。同埋老闆娘佢有腦退化剛發生完既事佢會唔記得不停問。我都係度諗緊點樣可以用我既方法去解決啲問題。
都唔係咁易, 好多嘢都唔知, 我自己習慣係跟左之前做法先, 發現有咩問題會問同上司講提意我既想法睇下佢地係咪接受.
大我唔係好多, 始終係老闆係廠佬讀書唔多, 做左三十幾年都係咁既方式所以好 old school.
其實平時相處都無問題, 只係發單個時先最 tick 其他都唔係問題. 同埋佢地運作上係好 old school 所以而家生意麻麻地係有原因.
好似老闆娘腦退化, 佢睇完醫生都會返黎同我講有時仲會傾下問我既睇法. 上次咁啱得啱橋有個客打黎我接個電話佢係咁講啲嘢係我地做, 但查過電腦資料無紀錄, 問老闆佢一向記性好好都話無印象做過, 到老闆聽都話無印象來回左幾次後我細聲同老闆講唔緊要比尺寸我地照報, 老闆就跟住同個客講仲約左佢攞樣板. 之後傾下傾下發現原來個客屋企人都有腦退化問題超過十年, 聽左個客既建議去第二間醫院睇.
1個讚
咁以你所講，其實呢份工對你現時情況係唔錯，你應該都做咗一段時，相信基本運作應該掌握到，雖然你慣跟返上一手去做，但呢個正正係每間公司通病，原先套可行就永遠唔想有變動，所以新手只可以跟返去做，一有轉變，舊嘅就好似世界未日咁嘈到折天，因為佢地唔想再學，我都遇好多，唯有由自己個part做起，對外就用返舊一套。
腦退化係好大問題，佢知有呢個情況，但唔代表佢接受到呢個情況，何況對佢嚟講，真係係印象，對於重要決定，你可以試下寫底佢，就算佢唔記得都唔需要怪佢，因為佢真係唔記得，我估另一個問題係呢間公司重可以運作幾耐，老闆娘個角色係咩？ 如果算係重要，touchwood，有咩事，老闆會唔會關門去照顧老闆娘？ 定會有人接手？
我今個月6號開始返工，老闆娘都知自己有呢個問題，老闆好多時都會同我講佢係咁唔使理佢，佢地都有積極去睇醫生之前仲搵轉介左個教授話有新藥去治療但只係減慢退化速度，但療程要做一年半先知成效隻藥舊年7月先至引入香港。香港既成效仲未有確實既數據。
而家多數都係老闆攪，但啲客好都會要搵老闆娘，我唯有就聽佢講乜，就提佢寫低左啲單未比左大陸未咁，等佢唔使漏單。
慢慢啦，腦退化無得好轉，只有減慢惡化，做好自己本分就可以
1個讚
嗯，始終新工係需要磨合時間，我呢兩星期都反覆諗係咪唔做，其實工作上唔太差加上老闆和老闆娘都係好人，所以次次諗完之後第二日返工又好似無乜嘢就無再諗。
1個讚
係呀，我份工諗唔做諗咗都成年都仲做緊
辭職都提過兩次之後又留返低。
你話頭人到中年都冇勇氣搵過第二份工，始終選擇唔多。
我公司都係細，亂，九唔搭八，又係老細做咗幾十年都係咁，依然用返佢自己嗰套，明明有更加快嘅方式。
不過一直都留意緊有冇第二份工可以轉，同埋自己都繼續增值吓，咩都好。
做嘢做得耐都知職場上來來去去都係個啲問題，老闆、上司、同事和工作都唔會有完美只係衡量可接受既程度。
2個讚