因爲見過太多case係年紀大生唔到bb
或者做ivf好多好多次都失敗，覺得好辛苦
呢度又好少人討論
宜家未想結婚同生bb
只從知道呢個方法之後就好想試試
唔知有人可以分享下自己既經驗，
係香港凍定其他地方凍好
近排有見到香港KOL分享台灣凍卵，
宜家好似仲有粒數保證，如果日後真係要做ivf又比香港平，
順便去台灣玩下，當旅行好似都唔錯XD
有能力絕對係凍左先
台灣凍平過香港好多, 當買個保險
但就係考慮要係邊度凍，
係香港就比較貴，又冇乜人討論，但日後真係要做ivf就方便好多
凍係台灣就平、服務好咯，但又好遠，要係咁飛
所以會suggest去台灣凍比較好？
係有朋友係台灣凍可唔可以分享下？
其實大部分都唔係太了解
都係偏向係台灣做,又近又平
亂入
好似都好多人都係台灣做IVF，因為平
所以如果凍卵都係個邊做，到時一次過IVF埋都合理既
香港雪卵貴好多, 我有朋友之後差唔多8-9年前雪就已經要10萬
你都有凍呀? 有冇話邊間比較好
經驗可以share~~~
咁又係，凍卵都係為左以後又想生。齋凍好係度度都差唔多，唔知香港凍同台灣凍有冇差別呢
哇 10萬係港幣？凍幾粒啊，有d貴
香港凍既？
我喺香港同台灣都做過IVF，台灣絕對性價比高
價錢：如果講完成整個療程(取卵到植入)，香港私家坐底$15萬，台灣大約$4-5萬。因為我係做IVF唔係齋雪卵，所以唔知齋雪卵嘅價錢，但你預台灣係香港嘅1/3左右。
技術：香港生殖科嘅技術係好落後，醫生思想、用藥同做法比較保守。我本身卵巢儲備好低，每次只係取到2-4粒卵，得到1-2個Day 3胚胎。喺台灣取卵，醫生見我對針藥反應差(即係打咗幾日針都谷唔到多d卵泡)，佢就行低劑量，打針日數都少，大約打8日針左右，就可以取卵，通常有幾多都取到出嚟(只不過係我個case最多得4粒)，一半受精率嚟講我就會有2個胚胎，通常有一粒係質素最好的8I級(即係完美分裂到8個細胞，冇碎片)，另外嗰粒就會差少少。呢個係我自己本身嘅限制，即係每個cycle就係得一粒有用嘅卵子，用針藥谷到多幾粒出嚟都係太弱用唔到，無論幾努力結果都係差唔多，但每次有一個8I對我嚟講已經好好。
之後喺香港因為排到QM公立，就做咗一次取卵，佢哋得一條formula，無論你多卵少卵都係嗰支針、高劑量，我同佢地講我喺台灣嘅經驗係低劑量好d，佢哋唔信，話我卵少就更加需要高劑量，我打完7日針返去，原本有5個卵泡，得返2個，另外有2個係新生出嚟，好細粒，因為同大嗰2粒size差太遠，我知冇乜可能追到，如果繼續打高劑量谷細嗰2粒，有可能大嗰2粒會谷得大過頭熟過頭，用唔到，正常情況應該係保大嗰2粒，但佢哋都係繼續要我打高劑量，再打多咗一個禮拜，我total打咗14日針先取卵，我未試過拖咁耐，結果係有4粒取晒出嚟，但細嗰2粒都爛咗用唔到，大嗰2粒由得佢哋同精子自由戀愛自然結合(台灣一律用ICSI人工授精)，結果得一粒受到精(台灣會有2粒受精)，仲要去到Day 2得2I級，即係只係分裂咗2個細胞，就算跟台灣培養多一日去到Day 3，以呢個分裂速度應該都係得4個細胞，係屬於冇乜希望嘅結果，即係植入咗都生存唔到。
我extreme case，卵子同胚胎數量係少，你聽落可能會覺得1粒同2粒差唔多(但對我嚟講係天淵之別)，但如果你計百分比，我喺台灣做嘅受精率係50%亦起碼每次都幫我培養到一個滿分嘅胚胎，但香港喺打多一倍針、用多一倍時間嘅情況下，受精率係25%，培養出嚟嘅胚胎質素都好差，我覺得除咗佢哋lab的技術唔好之外，要我喺對針藥反應不佳的情況下打高劑量同拖長療程時間，都係好大原因令我唯一質素好嗰粒卵子都｢熟過頭｣而唔能夠成為滿分嘅胚胎。如果你用正常人一次取到10+卵嚟講，喺台灣做會有5個胚胎，喺香港做就得返2-3個胚胎，甚至更少，因為好大機會喺打針取卵嗰一步已經撻咗Q，取唔到咁多卵出嚟。
我知你問緊嘅係雪卵，但你都要考慮埋到你想生嘅時候要解凍卵子培養胚胎的後續，雖然你喺香港雪卵會睇私家而唔係公立，但私家同公立醫生嘅知識同技術會唔會差好遠呢？我覺得應該唔會差好遠，香港IVF落後係整體性的，係成個field都追唔到世界其他地方，好多做IVF嘅醫生係婦產科，唔係生殖科，但台灣嗰d係生殖科專業醫生。但香港收得好貴好貴，台灣只係1/3價錢，你計埋機票酒店錢都平過香港。
如果你檢查過自己身體狀況，卵巢功能仲好好，仲有好多儲備，又冇咩婦科病，咁或者你喺香港做都有機會有好結果，但如果你是但一樣嘢唔合格，有難度，咁我建議你唔好喺香港嘥錢嘥時間，去台灣好過。