其實唔知從何說起，由相識到結婚都成十年，小朋友都返緊幼稚園，而結左婚後先知他有焦慮問題，但其實都無睇醫生嗰啲，係當他發現左自己有癌症的時候又再引發出黎直到而家有幾年，癌症（初期）係醫好左，但他焦慮係睇住他好嚴重，起初我都陪住他，關心他，但他份人真係好負面。
而我喺生完bb之後亦都有產後抑鬱，直到而家我要食藥控制病情。
我真係好累，而家的我照顧到自己小朋友同自己已經係剛剛好。
但老公呢排日日都話要搵我傾心事，但我真係唔想聽，一聽我會諗太多，我控制唔倒自己，最後我會失眠，但他只會覺得他好辛苦，他要搵人做情緒垃圾桶。
我有搵過社工，搵心理醫生，搵婚姻輔導，但往往都係剛睇完嗰一星期會好啲，之後又會loop返個死胡同。
而家對於我黎講最好的狀態係我照顧小朋友同自己係開心。其它野唔想理唔想處理。
有時我會諗我係味太自私呢，老公咁需要我而我真係陪唔倒他，個狀況係嚴重到我同他有對話我都好驚，好辛苦，而他係唔會明白，盡管我反映多次。
而家的我真係抱住過一日得一日的心態，唔敢諗太遠，日子還是要過。
唔知呢到有無同路人可以分享下心路歷程呢？
我真係需要知音人傾訴下
感受到你好辛苦
老公有冇返工？擔心什麼事？可否叫佢做自己喜歡的活動轉移視線
你有冇覆診？
他有返工，成日話返工好大壓力，好驚自己會死，他鍾意打機而家都無心機打。
放假其實我會同小朋友出街比他休息，但對於他黎講唔足夠囉
有呀，一直都有覆診，醫生話我嚴重左，我都覺得係。
如果嚴重左，有冇加返藥嘅份量？同埋你老公有冇睇醫生食藥？
雖然個個係你老公，但你都唔好接收咁多負能量！要請佢停！
你話佢聽「你既說話影響到我，我都出現情緒問題。冇辦法，我想請你停止。暫停分享」
或者，每日15分鐘。夠鐘就停止
佢係無限負能量，你唔可能做佢垃圾桶
你仲有小朋友！小朋友應該帶來快樂，愉快。
請佢搵第二個方法發洩！錄音比自己聽、寫負能量日記！寫完請佢放低！
你都係！你係開心快樂既人！你個獨立個體！
叫自己聽完要放低！諗開心事
人生在世都好苦了，點解仲要令自己痛苦？
唔洗架！你得架！放走啲垃圾！掉哂佢！
8個讚
你唔係自私,我生完BB初期,我老公都成日發脾氣,我忍佢忍到自己大病一場,而家諗返覺得自己好傻做咩要為左BB忍佢,我C左唔通旨意佢照顧BB咩?! 你頂唔順就冷處理佢啦
2個讚
90%男人都搵個老婆包底
樓主你坦白同佢講你自己都頂唔順，真係冇辦法，你有事就冇人照顧bb，叫佢比時間同空間你
叫佢辭工啦~搞到咁仲做, 經濟有冇問題呀? 佢知唔知你有產後抑鬱? 知的話佢仲係咁放負比你好自私喎, 完全冇諗你感受…兩個負能量既人一齊, 愁上加愁
有，老公都有食藥，但副作用好勁，仲搵緊邊隻藥好啲
而家得他一個搵錢，我唔放心老公睇住個囡，一定好多tv放題，所以他辭都幾大件事，他而家情緒勒索我話我好重要（其實我已避好多，但同住一間屋，點避咁多）
我講又講過，喊又喊過，又崩潰過，係無講離婚，但我而家真係堅持得好辛苦
好多謝你的建議呀，我知我可以快樂，我攬住小朋友係快樂，係我曾經以為自己係有無限的快樂但我而家用盡左
1個讚
可不可以叫佢WhatsApp 錄音俾你？
好似好衰
訓練佢有佢講，你就當耳邊風？
1個讚
哇…聽到都覺得大壓力…驚佢會做傻事潻…可唔可以set一個時段比佢放負, 其餘時間小朋友日常生活為主呢…咁你都可以抖下, 唔駛無時無刻都驚佢又開口講…同埋快D叫佢轉工, 為左份工冇左健康冇左家庭唔值得呀~
可唔可以叫佢睇吓書去幫自己、幫你、幫bb，你哋全家人都想開開心心，吸引力法則好重要
身邊都有焦慮嘅人，所有嘢都係做唔到，小小事就放到好大後果好嚴重，其實真係會令其他人好崩潰。有時我會直接話你諗得會唔會太遠，有時又會直接傾有乜解決辦法而唔會比佢困係情緒入面，直接帶佢去解決辦法
其實只可以先將自己同bb行先，同佢講你做唔到佢嘅要求，坦白講：必要時分開都要
理性解決：你唔可以‘’冧‘’（崩潰），佢病佢都唔想，但同樣你‘’冧‘’都唔想，問佢如果你‘’冧‘’埋你同bb點？
會唔會令佢先生聽完更焦慮
佢先生會唔會去上認知行為治療好啲？
真係冇辦法，樓主一有事仲慘
1個讚