因為屋企siblings/工人姐姐只講英文
父母識聽識講英文，就會唔講廣東話。
我都正想叫佢放棄中文，慳返啲時間而家提早學下Spanish/french 好過
我知道呢個已經係好舊嘅post
但好想分享下我哋屋企嘅情況
小朋友讀local幼稚園 英文小學(CMS) 而家移咗民喺歐洲小語種國家
當年幼稚園就中文叻啲 去到小學就英文
小學嘅時候 好似完全幫唔到佢啲中文咁
雙職父母 爸爸講英文 佢啲同學同家長又英文 課外活動又英文
我放工返到屋企已經好攰 加上我英文都好好 貪方便就一齊講英文
聚會有英文人又用英文 which都係大多數聚會
淨係得我同佢兩個嗰陣可以講廣東話
佢就小一已經好明顯 中文程度係學校non native嗰啲
而且佢唔識普通話 當時普教中 佢學唔到
學校嘢都係勉強做完就算 默書fail就fail咁
咁我嗰陣都有同老師家長嗰啲傾過下
大多數小朋友都係 中文同英文 真係得一個真係去到native
中文好好嗰啲 英文就算唔差 佢哋講都似local 同埋prefer中文
（因為我冇睇過佢哋寫嘢嗰啲 所以我唔知佢哋讀寫係咪好勁 但成績可以好好嘅 畢竟香港小學英文對vocab嗰啲唔係咁高要求 讀書叻就夠accurate考到好成績）
而我亦都接受咗 我嗰個唔係雙語嘅材料 英文好過中文 咁都ok啦 好過唔識英文啦 我都冇力做啲咩
然後我哋搬咗去歐洲 當德國啦
小朋友9歲嚟到 就學德文 學咗年幾就終於可以轉local小學讀 愈讀愈好 德文好大進步
升到中學 佢多啲朋友 又多啲去同同學玩咁
我德文唔掂嘅情況下 就覺得佢native咁款
老師亦都話佢唔適合上non native嗰個補底班
咁我就覺得 以前咁多配套都做唔到bilingual 但點解呢邊做到？
好明顯 佢就係屋企同本身英文 學校德文 咁嘅環境佢就好好多
但係呢 佢德文又未至於可以native咁
我自己有學 做嘢都會見到 所以formal啲嘅字眼都識 反而佢唔識
同埋偶爾有啲好深嘅測驗 佢都會話 佢根本唔識嗰啲字 冇辦法（成績唔太差 所以都唔係大多數）
不過我唔sure佢英文係formal language都識
而佢嘅廣東話 近年就愈嚟愈冇耐性聽同講
好多嘢都唔識聽 但短句都仲ok
我估如果佢浸下 係可以講到嘅
但係呢邊就做唔到喇 佢都冇興趣
學校有教法文做third language 佢好有興趣
但係教得好淺 佢學到中學畢業都未必真係識
但佢學得好開心 仲令到佢好願意學其他語言
而中文 無論係廣東話定普通話都唔肯
我唔知我小朋友嘅經歴有冇參考價值
可能都係好特殊嘅例子
但我自己學語言 都好感受到 每個語言都要學要練 唔係係咁易有聽下就得
所以我自己嘅經驗就係 一個語言好唔好 好大部份係花咗幾多心機同時間
但talk唔talk得就睇環境
唔好意思 好長氣 我仲想分享埋自己嘅經歴 下一個comment
3個讚
我自己係local school大
但係中學時期好鍾意睇電視 覺得美劇好睇啲 又幫到學英文 加上自己覺得英文重要 所以有好努力 到大學嘅時候 已經係native嘅程度 呃得下人
但係唔係academic英文好嗰隻
後來拍拖 居住環境 同埋返工都係英文為主 生埋仔上面就講咗
平時生活就大部份都講英文 香港嘅環境 廣東話嗰份仲要俾普通話分薄埋
我自己都不知不覺用少咗中文 而家移咗民 中文多數係forum同whatsapp用 講得唔多
自己有學其他語言 唔同學法 都係半桶水咁
識好多字但唔識講
最近我發現 我廣東話係比唔上英文
第一係舒適度差一截 講英文舒服好多
第二係因為唔太識formal中文 畢竟未真係用過 又唔識non hk style嘅formal中文 做嘢想試下都做唔到 呢方面同埋學術就淨係識英文
第三係因為廣東話會code mixing 插咗啲英文字 英文grammar都錯唔晒 又冇人糾正我 我有留意到同朋友講嘢有時會咁（可能呢兩段comment都係咁）
即係就算我local school大 當年中文都好好
大咗個環境唔同咗 都係英文dominate咗
有時做嘢講電話 冇面對面 人哋都冇諗過我係亞洲人
有啲由細識到大嘅朋友都覺得好神奇
我父母係草根 冇乜期望
所以而家做人阿媽 都好似可以隨遇而安
不過如果中英文真係要揀一個 我其實都prefer英文
自己同小朋友都係 因為英文真係全世界發達國家都用到 將來接觸到嘅人 多數喺學校點都有學過下（歐美國家 其他國家嘅中產家庭都係）
要識英文 先有空間去學其他語言
所以我覺得自己都算冇"揀"錯嘅