幾年無認真做運動, 只係的得起心肝嘅時候一星期一次高溫瑜珈或 pilates
但隨住年紀越黎越大知道咁樣落去身體唔得 (4字頭), 但自己真係未有動力, 所以想搵個好PT, 培養一下做運動嘅習慣
請問有PT 介紹嗎? 香港島 (灣仔區), 一至五要放工後, 星期六日要就時間 (有小朋友).
唔該曬
我啱啱跟緊一個,只上左3堂,暫時ok啦,但因未跟過PT,所以唔知點為之好/唔好. 搵到尼間只係純粹近我返工地點,同時佢哋有教開長者(本人係七勞八損既長者 
)
佢可以試堂,如有興趣,再俾資料你.
好呀, 我PM 你傾傾… 唔該
我都啱啱開始跟pt上堂，不過我向tst唔啱你
但有pt跟係好啲，會跟埋飲食，就住你身體狀況去練，動作都會標準啲
1個讚
我就係了解我自己… 有啲錢都係要比人賺
你跟左幾耐? 咩驅使你開始? 有咩目標? 大家互相鼓勵
啱啱1個月，今日上磅，輕咗4kg，body fat 減咗2%，我自己好滿意
一嬲有做開運動，但生完bb之後肥咗好多，同埋年紀大咗好難減，啲肉鬆鬆哋，重訓先可以令到肌肉firm啲，同埋主要我係想減body fat，體重係其次，以往做帶氧運動係好難減到
跟pt好就好在有個人篤住做，跟飲食，但都係要靠自律
2個讚
我有個目標架，以往十幾年我都試過肥肥瘦瘦咁，而家生完bb真正收肚啦，想認認真真keep返身體維持向正常水平，體重、肌肉量、脂肪量想標準+穩定
我同你嘅方向近似, 幾年前生完小朋友+4字頭, 明顯體力, 新陳代謝無以前咁好
想身體好啲, 又體型靚啲
大家加油
1個讚
我陪朋友一齊搵過PT試堂,真係教到點樣正確發力(我本身識少少),我朋友有JOIN,我陪佢一次之後無啦~
Hello 大家好 
我從未玩過瑜珈，但真心年紀大(仲有幾年登陸)好想要做下運動，尤其係而家已經肥咗好多又落唔到磅之後…
請問大家仲有冇pilates training 嘅初哥 course 可以介紹吓？收費一般幾多？
同埋我都想搵人陪，如果大家有興趣或資料嘅話歡迎喺度講或PM我 
Hello 銅鑼灣啱唔啱? 有間細嘅studio 有reformer, 佢算all levels, 導師好有心機
另外都係銅鑼灣, 有間細嘅barre studio, 我覺得對於你情況都適合. 如果銅鑼灣啱可以PM 你
再唔係你可以試下class pass, 試下唔同嘅studios, 睇下邊間適合自己 
Thank you! 不過我係沙田柚, 九龍區都可以, 銅鑼灣我覺得有啲遠, 驚自己唔夠恆心呀！
噢咁唔好銅鑼灣啦
對於我自己, 如果做運動要持之以恆, 其中一個係地點一定要方便自己生活, 好似生活一部分咁… 有時真係懶 / 攰, 加上遠, 仲會多一個藉口
咁你不如class pass 試下唔同studio
我呢幾個月做返運動, 跟PT, 啱啱完成10堂, 剛買多10堂, 而家感覺良好, 會繼續