7月尾會同小朋友& 公公婆婆去台北6日, 其中有3日我同小朋友會去台南探麻麻, 但公公婆婆( 75 yo)話唔跟我地去台南, 話佢地兩個留係台北ok.
請問各位, 有冇簡單行程可以比兩位老人家參考? so far公公好fit好行得, 婆婆都可以自己行, 不過慢d. 兩個都唔識講國語, 謝謝
1個讚
故宮博物院, 中正紀念堂(不過7月尾好似得2個展覽)
本來想講溫泉, 但又怕佢地浸得耐會唔舒服
想話淡水, 淡水老街, 漁人碼頭, 淡水紅毛城, 但又怕夏天太熱, 行太耐會中暑
貓空纜車?? 或者商場內搵cafe坐下
又或者阿公阿婆有冇咩試好, 偏好??
唔識國語有D… 麻煩,
如果唔係, 我會介紹去佢地買茶, 試下飲台灣出既茶, 又可以吹水, 又有地方去
坐係度沏茶, 再吹水, 吹足1,2個鐘
(我以買"東方美人"為首, 所以先去買茶, 但通常去到就會被R水吹, 
唔係話被R水吹, 應該係話, 因為等水滾, 呢段時間對方多數會同你講下野, 傾下計, 唔使dead air咁悶, 我諗, 如果佢見你唔識講國語, 應該會自言自語 或者唔出聲)
(肺炎之前, 而家唔知仲有冇))
唔知佢2老接唔接受到, 台北越式洗髮,
做身體驗查 (我朋友去做左, 不過好似話香港唔係間間都會咁接受份report"認受性")
等網友出手~
2個讚
不如直接問佢地有無咩想睇想食
Klxxk 報啲1日團，剛剛去完台北，報咗個北投、陽明山、地質公園1日遊，都ok
9個讚
多謝你嘅提議, 淡水, 中正紀念堂, 台北101係我暫時諗到公公婆婆可以自己去嘅
你講嘅越式洗髮我睇台灣youtuber有介紹, 幾舒服咁, 不過呢個我留比自己試好了.
咁行得走得就OK, 慢慢來唔緊要, 有中文字
可能得閒要打個電話問下佢地情況如何,
提佢地飲水同埋休息下
台北我自己無試過7,8月去, 9月去過幾次, 熱到痴左線
香港同台灣都應該係一樣咁熱
hey hey hey, 
希望有賽後報告 
好想知感覺係點 (我未試過)
1個讚
逗留飯店訓覺食飯
唔識講國語，咁聽唔聽得明？
食嘢個啲可以手指指，識聽小小會好啲。
暑假去係熱到核爆，行下地下街，商場，行下
坐下飲嘢食下午茶。
叫老人家袋定酒店咭片迷路就搭小黃返酒店。
電話卡買有得打電話個啲有咩就打比你地。
1個讚
大稻埕廸化街，好似都幾啱老人家去行吓，我同爸媽上年去台北，佢哋兩老都試過自己去嗰邊行吓食吓，佢哋都唔識普通話，都係的士來回。
如果遠少少北投都可能唔錯
1個讚
好嘅, 我睇睇, thank you 
我冇去台北十幾年啦
後生果陣一年去兩次,
而家點搭車係邊個站出, 完全冇晒記憶
好嘅, 婆婆唔鍾意戶外活動, 都係Hea吓食吓嘢咁
佢地都識聽少少國語, 係講唔得啫, 寫字佢地ok
1個讚
識聽小小都好。我試過 9 月和10月都係好熱梗
何況而家暑假。好多酒店附近都有按摩店，行到
攰就入去按下腳都好架。
唔知樓主屋企人年紀幾大？
我都覺得可以幫佢地報一日團，通常酒店都有自己相熟嘅團可以安排，咁就可以自己酒店接送，大熱天時有車車出車入，又有人睇住安排晒，起碼自己唔駛心掛掛。
如果唔係，叫佢地酒店附近hea下算啦。
1個讚
佢地7X歲啦
我自己都想join klook果d一日遊
但婆婆唔鍾意太多戶外活動…
食吓嘢hea吓佢就ok
咁年紀都大喎。
我之前酒店見嘅團好似去九份或者溫泉。
如果咁反而應該book間方便嘅酒店（eg台北車站或者西門町附近），怕熱就咁附近行下地下街、博物館，夜晚無咁熱就行下夜士，想去遠啲又有捷運。
如果唔介意錢，也可以包車送佢地周圍去佢地想去嘅地方。
1個讚
小黃都有得包車有晒行程，酒店門口接送
上網搵搵，幾好的
1個讚
係呀, 原本得我同小朋友兩個去, 我book間酒店係龍山寺果邊. 而家改左係台北車站附近. 萬一佢地搞唔掂坐捷運, 我都會比定錢佢地搭的士 
1個讚
該主題在最後一個回覆創建後180天后自動關閉。不再允許新的回覆。