近年發覺佢好小事就大吵大鬧，好似一同佢講唔好咁做，例如家務上嘅小事，佢就發哂癲話，仲講粗口，其實有冇人知燥狂症係咪就係咁。
2個讚
以前係咪咁？
醫學上係冇「躁狂症」呢個病，只有「躁鬱症」
「躁鬱症」係情緒會有高漲又有低落，一時會暴躁一時會抑鬱，唔會淨係長期躁底
如果你老公淨係躁底，咁應該只係脾氣唔好，唔係有情緒病
7個讚
以前佢都有發脾氣，但係好少，同埋通常係我激嬲佢先，但依家係我無激嬲佢，只普通講話唔好咁做，即好少事嘅野，佢就發哂癲，係近呢年先咁
1個讚
佢係無唔開心抑鬱, 即只係燥底，但佢好似撻著左，控制唔到狂鬧，好似痴左線咁，所以我想知係咪有燥狂症呢個病，如果係，我真係好想佢去睇醫生，因為最受苦的就是我
咁妳有無關心吓佢？或者了解吓佢最近會唔會有咩事唔開心所以咁燥底？
咩年紀？更年期？
1個讚
正想講呢個
有D人(不論男女) 都係咁
2個讚
無喎，佢咁惡，好難想關心佢
我仲嬲緊。上次佢發癲完，第2日買花say sorry, 隔左一個禮拜又來料
40中
男人更年期會變到咁，但應該唔係人人都咁掛，最慘唔敢同人講，只有自己承受，諗起都想cry
家人以前有燥狂症, 會極度hyper, , 瘋狂購物, 不停同人傾計, 但十分容易與人起爭執, 什麼活動都參加, 停不下來, 沒有時間休息, 攪到身體負荷唔到, 確診後要食藥控制
佢又唔似係咁喎，咁佢即係搵人來發脾氣啫
我覺得睇吓妳有幾愛佢了。我都明佢發脾氣，梗係佢唔啱。其實男人都需要人關心的。(咁若果佢唔講都冇辦法好難會逼到佢，但係你都可以表達你對佢嘅關心)
若果以前佢本身唔係咁樣，最近變成咁可能真係有啲嘢發生咗。
正如我同我男朋友拍拖初期，佢脾氣都好暴躁，特別好多時候工作時好唔順利。我係食咗好多唔好嘅脾氣，我都覺得好委屈，甚至成日喊。
每一次佢發完脾氣，過一排我都會關心吓佢。都會俾佢知道其實佢發脾氣我都會唔開心。特別男人好少主動講佢自己唔順利嘅嘢，更加唔會想喺自己女朋友或者老婆面前表達自己嘅軟弱。
但係經過呢幾年，佢真係改變咗好多。就算佢工作幾唔如意都好，佢會主動提吓，我就唔會追問落去。因為都知道佢需要時間去冷靜同埋消化。但係適當時候我都會有一兩個message關心吓佢。
呢幾年佢真係已經好少再發脾氣。幾唔開心都好，佢自己選擇收埋自己消化一兩日。甚至會主動話俾我聽佢嘅唔順利，表達自己嘅軟弱。
正如若果你唔開心，你突然間發咗脾氣，我估你都唔會想個老公唔理你掛？起碼都希望佢會關心吓你了解吓你。
3個讚
謝謝你，你真係一個體貼女友
but我依家嬲緊，大家都唔講野, 好難依家要我開口關心佢，我做唔到咁點解佢唔關心下我吖，我知做人係要相向，佢對我其實幾好，好錫我嘅但一發癲就覺得自己對，唔會錯，果次真係忍唔住喊，佢仲話喊咩，好似係佢做錯咁，我仲委屈
呢下係好難頂嘅。睇下過多幾日點先啦，我依家仲未下氣
係冇架，冇淨係躁狂症，但又唔代表佢冇情緒問題，如果經常發脾氣到佢自己都控制唔到自己，或者已經影響日常生活/工作、同身邊嘅人嘅關係，咁可能就要搵專業人士幫吓手
另外想講一點，如果你老公真係情緒/精神出現問題，導致佢控制唔到自己發脾氣，其實最受苦嘅人一定係佢自己，冇嘢慘得過失去自主能力
難聽啲講，佢真係有病，你頂唔住隨時可以離開佢，但佢自己係冇得離開自己，最worst就係以為死就可以解決問題…
因為佢好自我中心，唔覺自己有問題，有問題都係人地令到佢咁嘅。昨天佢同我講返野，無事了，因為我唔舒服，佢過來關心我，仲整左野俾我食。我知佢係錫我嘅，不過突然失控鬧人，令到我好驚，真係唔知幾時講左d咩引發，好似炸彈咁，變左唔想同佢接觸咁多但佢又好似無事發生，同我不停講野，分享野。我其實好想同佢詳細傾呢樣野但又唔知從何說起
當然唔係人人
我意思係男女都有機會有更年期情緒控制唔到既問題
anyway 俾個隔空抱抱你，你一定好辛苦
我媽咪個好朋友都有類似經歷
不過佢老公發脾氣時仲會整爛D家私，最後去咗心理輔導又睇醫生食藥 (不過佢哋美國)
1個讚
多謝你個隔空抱抱
依家諗起佢都試過整爛傢俬，真係好驚驚。
2個讚
我老公都係甘顛，自我中心，自己乜都岩，人地提議下都寸人，出街對人又無禮貌，我同佢成日講個女係睇你學做人㗎，佢第時以你甘衰我憎死你。