有個女人係我老公十幾年前做暑期工part time識既,佢話佢地果時好friend,但之後無聯絡,上年個女人inbox hi我老公,仲約佢兩個人食飯聚下舊!!!
當時我老公未知佢做保險,食飯時傾計先知,咁個女知我老公最近證實有糖尿病,咁就順便叫佢買份保險,而我老公都有講明想保邊d部位,如果無就取消保單,個女人都話ok,會再約之後果幾日同我老公簽單!
由保單未簽開始,佢日日whatsapp我老公講’早晨’‘晚安’,間唔中有send自拍相,食D咩都要msg…咁我老公當然都有回應佢啦,仲傾得好投契!咁當然我同老公為依件事嘈左幾次…
到保單出左結果話唔保果D部位,保險女都有照承諾取消份保單,但從此就失聯無搵過我老公,IG 亦unfollowed我老公! 咁我同我老公講而家分明人地係為生意先搵你,仲講咩係真心朋友為你好果d廢話。
今日我睇佢部電話時,佢好緊張即刻拎走仲在手機垃圾桶del相,我係咁問佢有咩事咁唔見得光,挫挫下我老公就自爆尋日有飯局當中仲有佢,驚俾我知道會嘈,del哂所有相係唔想我誤會,我只覺得如果光明正大既點解要del,都算,佢話果女人同佢講sorry咁耐無搵佢,我老公仲同我講佢地做番朋友,我真係聽到莫名其妙.唔知係果女人有問題定我老公有問題多d?!
我真係好嬲我老公,所以google果女人既名,點知俾我搵到有人早兩年前開ig數臭果女人,話佢玩弄感情 , 收完禮物仲分手失蹤!(ps.果女201x年已婚有兩個小朋友的), 我直頭覺得個女人用依d技倆黎搵生意!
