如題, 呢件事應該係台灣發生既, 我自己都接受唔到。
二手衫通常都係問過對方想唔想要先送啦
都唔會咁樣去飲就當禮物送俾人呀?
每個父母都想子女健健康康地成長，加上現時政府有額外提供生育津貼，在能力範圍內自然想給予小朋友最好的東西。早前有新手媽媽分享在囡囡滿月宴上收到的禮物，直指親朋好友紛紛送禮祝賀，但收到一份由同事送贈的「超離譜」禮物！怒斥該名同事竟然向剛滿月的囡囡送上二手BB奶嘴及奶樽，令她感到唔衛生兼唔尊重，豈料身邊眾人卻反轟她無情，最後更恐怕要辭職先收到科？
早前，一位新手媽媽就在討論區上發文，直指自己剛為囡囡擺完滿月宴，當晚亦收到許多親朋好友送上禮物祝賀，令她十分感動。惟在拆禮物時，卻發現一份由同事所送贈的「超離譜」禮物，更因這份禮物導致她與同事的關係變差及尷尬！
她指自己在拆禮物時，竟發現有人向她送贈了整整一箱二手嬰兒用品，「連奶瓶奶嘴也是，好幾件兔裝領口都還有黃斑」。因為該盒禮物沒有署名和卡片，因此為了找出「真兇」，「我跟先生只能把當天兩場的錄影回放」，而最後發現是「跟我很熟的同事送的」，對方亦承認是自己所贈，更「一直辯解她是好意」。奈何事主認為「她女兒都小2了，東西都放多久了還好意思送人」，因此覺得對方的禮物無謂又寒酸。
最令事主憤怒的，是送禮的同事竟將二人就禮物的對話分享到公司群組，更揚言想其他同事幫手評理，「她一開口就說她的東西都是名牌的，而且小孩才穿沒幾次，不知道我在鬧甚麼」，而其他同事亦幫她說話，直指「二手的比較好帶」、「有給就要惜福」、「她也是幫我省錢」。事主對此感到又嬲又無奈，最後更直接表示自己打算待公司合約結束後就順勢離職，不想再看到公司同事。
大批網民留言力撐事主，直指「滿月是要送新的、「怎拿二手送人還可拿滿月禮」、「滿月沒人送二手物品」，又坦言「小孩都小二了，幼兒的東西少說放了7年」、「奶嘴、奶瓶 就算是全新的，也要思考一下 到底要不要用」。亦有網民教路「二手衣要送要先問」、確認好品項對方能接受再送」、「我自己的經驗也是收到一整包萬年包屁衣跟受潮的尿布，衣服還有沒洗乾淨的奶塊跟便便，好好的心意都被糟蹋了」。
(source: AM730 quote 爆料公社)
1個讚
同事唔係朋友，佢送俾我，唔啱用我會直接還返俾佢話唔需要喇，你留俾有需要嘅人啦，多謝你抽時間出席。
唔會為呢個人動氣，起碼佢都俾面出席，只係大家對於禮物嘅價值觀唔同啫。
6個讚
我又咁諗，通常一般人都會覺得如果認為冇用嘅嘢已經一早掉咗！送禮物嗰個應該係好重視哩個箱裏面D嘢，認為全部都好值得保留，先至放咗咁多年唔捨得掉！而家佢將D珍藏抬去送俾事主，但個箱裏面有咁多嘢，事主偏偏將重點放咗響舊奶咀、舊奶樽同發黃衫仔嗰度，仲話人哋寒酸，所以送禮嗰個覺得自已被冒犯，我估佢應該係講咗D搞到人哋嬲到震，所以人哋先截圖share俾同事睇。其實個事主唔like嗰份禮物，查到知邊個送就夠啦，箱嘢有啱嘅咪留返，冇用就自己處理咗佢咪算囉！走去同人嘈真係唔識做人
5個讚
係呀係係台灣發生，之前已經睇過，
二手衫真係睇下人介唔介意先，同比人
都揀下會唔會有積發黃就唔比人。奶嘴
會篤大個孔一定唔會比人，奶樽就睇下
人地介唔介意。
但二手嘢我唔會當滿月或百日宴既禮咁
送比人。
3個讚
這些塑膠東西，用過嘅有破損，仲要係咁多年前嘅，再用嘅 可能釋放有害物質，
以前啲人無知識 ，就話這類二手物資係祝福嚟架，
估唔到今時今日都唔進化，
2個讚
送2手野比人禮貌上應該問下人先
可能人地大把錢，唔要你啲舊野呢？！
而且，放入口點2手比人啊
但我都成日送走舊玩具、舊圖書比朋友、鄰居!
舊衫係一啲名牌/貴少少既先會送
平價衫褲(h&m之類)除非超新，否則都直接掉(或者比工人，佢哋會回收)
不過家人由細都教，收禮物 - 鍾唔鍾意都唔應該係人哋面前講，都要禮貌地收下
所以…唔知點講
2個讚
咁又係喎！咁又cheap啲
呢啲場合點都應該買新野！
舊野係唔可以當一份「禮物」
3個讚
其實好多台灣人係咁, 仲有婆媳姑嫂關係啲思想都仲係好守舊.
個感覺應該係香港結婚擺酒請飲, 有個同事送一堆二手廚具俾你做禮物, 無俾人情, 然後又食又拎 (台灣BB滿月主人家係要送滿月禮俾客人)
於是新人就問同事, 呢份禮物係你送架可?
之後就愈搞愈大
1個讚
唔好話用過
未剪牌唔啱用嘅，比人前都會問清楚人地啱唔啱用先
所以我覺得事主其他同事都偏幫送二手禮物果個同事都幾奇怪
1個讚
討論區