咁你個B有無睇過醫生？
我嗰個就嘔得好輕鬆，好似攞嚟玩你咁，而且越嘔越長肉，就連我哥細個都係嘔到好大個但都長肉。
如果嘔到瘦真係會擔心。
我見到fb有個做助產士嘅朋友成日show off自己仲餵緊人奶，佢個b接近兩歲，
我就好反感囉 
(可能加埋佢係藍屍)
正如我一開始因種種因素決定開刀
都畀身邊好多人質疑我點解唔順產。。。
其實每個媽媽都有自己難處同考慮點
做乜d鍵盤「 育兒專家」硬係要加自己個套去人哋身上 
我想講無論順產定開刀，人奶定奶粉，
每個媽咪都係好愛錫自己個小朋友 (意外懷孕又唔想要就例外啦)
1個讚
我bb 3個半月 全人奶
頭一個月埋身餵但同你一樣有一邊乳頭點都唔肯啜，到最後決定泵出黎餵。
BB 到依家都係會谷屎谷屁然後發忟喊有時仲會谷到嘔，最初頭新手爸爸媽媽真係唔明點解會咁，明明食人奶唔係最易便便架咩？ 到最後自己睇開d 習慣左就冇事
1個讚
我識得一個媽媽餵到3歲仲埋身餵緊人奶，仲好自豪自己有恒心（我都認同），不過見佢成日呻個仔無時無刻都要奶，唔知點戒好。
1個讚
同我個女情況好似
我工人負責湊日頭，我負責由夜晚湊到天光，頭一個月係凌晨無訓過因為佢每餐奶都嘔，唔嘔得多大約每次嘔10至20ml左右，但有機會食飽一餐嘔幾次，佢每次訓訓下知道要嘔之前會喊，試過因為我奶奶堅持要我掃完風即刻擺落床唔可以抱慣晒，結果佢幾個鐘後突然尖叫爆喊口鼻一齊嘔差d窒息，好彩我果陣唔係訓緊覺9秒9抱起佢拍背隻。（從此我勁嬲佢，佢講咩育兒意見我都唔會再聽）
一餐奶至少掃2至3次風，食飽再抱半個鐘至一個鐘，但都係一樣嘔，閒閒地一日換3套衫2條包被，我餵奶用無香tempo 墊下巴所以無洗紗巾煩惱。
我奶奶仲成日challenge 我係咪打橫個奶樽餵令佢吸好多風，我內心係想爆粗，打橫個樽點餵呀係咪弱智架?
就係咁，頭一個月佢幾乎係係我臂彎中渡過，因為只有抱住佢佢係唔嘔，就算嘔少少都可以即刻棟高佢唔會窒息，有時食飽奶先痾屎，無辦法唔放低換片，一放低即刻係嘴角湧d奶出黎，真係唔知顧上面好定下面好，有時我老公得閒 ，我就叫佢係上面幫手接佢嘔d奶，我照顧下身換屎片。由於佢算大碼b,完全跟得上生長線，次次健康院問姑娘醫生嘔奶問題都無人認真看待，淨係叫我掃風同唔好餵咁急，which is 我一直都做緊，無一個advice係有實際作用。
而家我個女2個半月，好明顯嘔少左，同埋得出個心得就係餵完奶掃完風放低佢訓一陣就突然喊醒，好多時係有胃氣burp唔出，會連埋d奶帶出黎造成嘔奶，有時我仲會聽到佢有野係喉嚨浪緊出黎但佢好努力想忍住吞番落去，通常哩d情況我就會打棟抱佢等佢個頭托係我肩膀開始拍佢背掃風，7成機會真係會burp到胃氣出黎，跟住佢好快會訓番。我以前都唔知完來飲完奶過左成個幾2個鐘原來仲可以burp到，如果我一早知可能頭一個月就唔洗咁痛苦，完全唔知點解佢成晚訓一陣就喊醒，搞到我都好懷疑人生
坦白講，佢既問題令我地經常抱住佢，連帶佢而家真係習慣晒會開始扭抱，但我覺得哩d野係無可避免，我寧願佢抱慣晒都好過窒息，小朋友好快就唔再需要你抱，反正要抱都只係抱幾年，等佢大d，你想抱佢都唔比啦
4個讚
有無試過比bb打側訓或者搵斜枕long起少少訓？
咁的話應該就算嘔奶都唔怕窒息
1個讚
佢訓張床有15度傾斜，當然都係嘔啦
後來有進化打側訓，不過訓一個鐘要去幫佢轉位囉，如果唔係責住一邊幾個鐘怕佢唔舒服
我女上年年中出世，係懷孕期間間唔中都會睇吓 BK，有啲媽媽真係好恐怖，好似唔餵人奶就唔係稱職媽媽咁，為免影響情緒我後來都好少睇。
每個媽媽同 BB 都有唔同體質，照顧嘅方法都唔一樣，最緊要自己覺得舒服，自己 OK 自然有心力湊 B。
2個讚
加油呀！好快就過，佢哋大得好快㗎！
我有個朋友佢好容易飽，佢話佢BB時又係嘔奶王，嘔到七彩，大大吓就冇事，係唔食得太多。但係佢咪又係生得高大健康正常，佢好大個至知原來佢個胃係天生細，要少食多餐，但冇大問題
2個讚
斜枕乜都試過都無用
最幣佢n 年前幫人湊個小朋友， 所以我老公覺得佢好有經驗，咩都啱！
咁得意既佢 如果有個人話佢n年前做過醫生
之後n年都無做 而家搵佢做手術肯唔肯?
呢d野要update先有用架嘛 年代都唔同左啦
我大女頭一個月日日嘔兩三次
150ml要分三四次餵, 中間掃好多次风
頭一個月日夜倒轉, 日头有陪月就瞓
陪月一走同你望天光
我貧血又攰又無奶, 個半月大就番工
唯有泵幾多食几多
人奶真係無得勉強
第二胎個B有耐性, 我又冇番工
第一個月都係好掙扎
以为又唔可以餵人奶
好彩第二個月就食得好好
餵人奶真係媽媽同BB嘅缘份
冇得餵人奶初時真係會好心酸
但断左奶乜都食得酒又飲得超級爽
谂番轉頭, 真係谂番轉頭先覺
我兩胎好彩有好多人幫手
唔算好難湊, 都觉得好辛苦
你呢個真係好難搞
但日子好快過
一齐加油
1個讚
相信個個bb都唔同，
因為好多人講會發生既事我都冇遇到過，唔知好彩定唔好彩，bb好快長大，努力。
1個讚
其實唔洗理人講乜，餵人奶有餵人奶既身酸，唔餵又有唔餵既難處。餵到歲半比老人家辛足講左接近兩年你d奶點點點，停左奶都可以繼續賴，真係痾屎唔出都賴你d奶，個種壓力真係唔係講笑，令好多媽媽抑鬱。
相反，唔餵人奶既又有好多閒言閒語。
所以我一於少理，個仔係我嘅我話事，冇人可以改變，所以唔洗理。
文字間都FEEL到有幾辛苦
加油丫媽媽!!!
話時話,第一胎就打大佬
第二胎一定好輕鬆好好湊
真架, 諗下佢 LOL
有d媽咪真係有一套standard 覺得你唔跟佢就唔啱 十惡不赦咁
我開刀 佢哋就話順產好d 覺得你怕痛怕辛苦
其實我仔臍帶纏頸 醫生建議開刀
大佬 你估麻醉針退左個傷口唔痛咩
之後餵奶 泵極得少少
兩邊30分鐘倒埋都冇30ml
個仔唔夠食 又黃
餵奶粉即刻問 係咪泵得唔夠密 係咪唔勤力餵
後來我傷口發炎食抗生素
一個月火速掛泵
人地問就直接話無奶我都無辦法
我bb又係好多肚風同埋難掃風，聽你咁講咪成晚唔洗訓
隔一陣佢又要起身食奶
佢思覺失調嗎??
又要自豪又呻唔知點戒。
我以前都入過母乳版睇﹐
真係嚇都嚇死﹐
唔餵人奶好似十惡不赦咁。
不過女都八歲了…