我就係覺得有原因都ok 例如照顧家人
如果黃佢點做我會體諒，藍就點都唔會體諒，當然佢哋都有自由咁做
呢d擺明牆頭草ga la. 有時我會諗佢地咁講係自我安慰，覺得set 左個年期（6年），有盡頭既，捱過去就可以揀stay or leave, 咁會對當下生活好過d，覺得咬咬牙忍一忍就好。好過唔開心又無盡頭咁捱，會比較消極。
但其實，邊個知6年後香港會點，可能人工同大6同步呢？仲點返黎搵錢？
3個讚
我唔知佢地嘅ok為乜
不過佢地想多本護照多過避秦囉
當環境唔變，自己都脫節啦，而家走嘅都人到中年，返嚟5張幾，點玩丫
如果為仔女賺本護照，咪老實囉
佢地要預埋返轉頭唔work, 可能做生意太空人都或者仲ok嘅
而家唔係97年前加拿大回流嘅故事啦
唔止ok 唔少仲話好過英國添，咁好點解當初要走？
1個讚
為仔女
都唔知啲人係天真定太正面，仲諗住幾年後一樣會好似而家咁高人工咁易搵錢
唔俾人割韭菜已經偷笑啦
3個讚
響UK 搵唔到工…唔緊要…為仔女
響UK 比人歧視…唔緊要…為仔女
響UK 電費貴…唔緊要…為仔女
響UK 做口中低下工作…唔緊要…為仔女
就係為仔女,.為仔女…為仔女…就帶埋D仔女黎到呢個搵唔到工, 比人歧視, 電費費…可能要做低下工作的番邦工作…陰公豬
1個讚
大把女人生完仔…休幾年都第二個世界啦
有時真係要為自己諗多啲，為仔女係啱，但自己要放開少少適應下，問下自己為乜移民
1個讚
呢樣可以理解既, 就好似返工咁, 成日話等埋出bonus 就辭職, 俾個希望自己容易D捱埋落去, 到真係出左 bonus, 可能情況又唔同左, 咪唔走囉.
2個讚
所以我覺得自我安慰既說話有時唔需太認真，正如隔離位同事日日嗌quit, 點知自己走左佢都仲係度一樣。
再加上如果仔女本身香港讀書好地地，有fd, 黎度反而難適應，讀書情況一般，又比父母情勒一切都為佢好先要全家人咁樣捱，其實都幾無辜。
去d中學secrets會睇到好多呢d呻。有d係香港屋企情況係可以唔睇價錢消費，成日去旅行坐的士，去到澳洲少出門，要格價，個中學生話完全唔明過黎捱係為咩。
2個讚
冇真係識人回流.
我就打算女大學or 大學畢業後旅居東南亞, 都係因為英國有7個月冬天嘅原故, 到時唔知稅務制度如何, 如離英超過180日, 海外收入如可以不打稅, 會更促使我旅居
我相信有好多都係咁諗，大不了就返香港，以前都係咁返ga la d 人。都忘記左當時香港經濟係金融風暴後起飛成點，呢家仲有無呢支歌仔唱先。。。
1個讚
睇下回流咩原因啦，如果回流但冇忘記初心我個人又覺得冇問題，始終佢自己喺英國實實在在生活唔鍾意又唔到我哋外人指點，為搵錢就天真少少
離少少題：有個英國人問我（都幾批判tone ）：你哋香港人過嚟而唔留港同xx黨fight，道德上有冇內疚？我嗰一刻真係答唔到佢，到而家我都諗如果有留港朋友咁諗我會點（好彩冇）
留港嘅會討厭移民嘅成日睇高自己一格，根本冇留喺香港頂，仔女連中文都唔識香港歷史又唔記得，日日Cotsco, 有乜資格覺得自己好勁；移民嘅會恥笑留港嘅活喺comfort zone，甚至endorse個政權（例如交稅）
沒完沒了嘅指責，嘥氣
初心囉，黃嘅喺邊嘅都守住初心，唔好理其他人講乜
1個讚
無呢個打算、除非變天…
1個讚
我唔敢講，本人是淡友，完
1個讚
Define下乜嘢叫貪：貪英籍而移民係咪貪？貪香港人工高唔移民係咪貪？邊樣貪啲？貪係咪道德層面錯？
我都R哂頭
為仔女嘅仲R頭
明明知道有問題先走, 轉頭又話香港好
如果咁好咁點解要仔女走
仔女留低仲少競爭添, 條路仲舒服
3個讚