間唔中都見到網上有啲人話估計入籍後好多人會回流
又有人話聽聞有啲人適應唔到或搵唔到工，已經頂唔順回流咗
咁其實有冇啲唔係聽聞，真係識嘅人未等到入藉已經回流咗，不論係英美澳加等地
我暫時識嘅人知嘅人都冇人回流，另外，都有啲好奇有幾多人真係會打算入籍後回流？
三個真實cases，我識嘅:
-
太空人，個老婆搞唔掂兩個小朋友，都細細地
-
個老婆喺英國做手術失敗過身，老公搞唔掂兩個細，返香港
-
個老婆有嚴重抑鬱症，老公決定一家返香港，有小朋友嘅
唔識人回流咗，識人每次同老公鬧交都話要返香港
佢一直都唔想移民，但佢老公堅持為仔女一定要走，佢老公係唯一家庭收入支柱，佢局住要跟老公仔女移民
唔知呢家人可唔可以頂到入藉
好少聽係女人唔肯移民
1個讚
朋友未黎之前已經買左樓, 照計唔駛租/供樓已經好唔錯, 但佢話老公一直搵唔到野做, D錢好似開水喉咁有出無入, 個心好唔安定, 移民一年就一家大細返番香港. 後來先至知原來佢地兩公婆每人係香港都搵接近十萬一個月, 即係一家每月有成十九二十萬, 咁我都明白個落差咁大係難受D, 只不過唔明當初無諗清楚先至走咩
我前老細咁囉，都係唔肯走，冇仔女，佢話我勇，我叫佢將啲錢食多啲黃店 
1個讚
英國政府都預左好多人入左籍之後回流, 其實係對大家都有好處.
- 資源 - 姐係BNO visa 政策開放後係唔駛增加社會資源去應付移民班人因為預左有人走
- 香港人用小小錢到同6年時間換個護照返黎, 其實好抵
而家當然冇乜人會回流,到2026打後就會開始多架喇
2個讚
有病, 唔適應, 有突發事件要回流嘅, 我表示理解
但一開始已經plan晒回流, 我鄙視, 根本唔係擁護自由等核心價值而走, 純粹當買多個保險
8個讚
起碼都要入籍後先啦，交幾年稅
因為佢花咗好多精神時間金錢去谷對仔女，佢女中學終於入到香港最出名嗰間神校
只讀了神校一年就要走，佢好唔捨得就咁放棄辛苦經營所得嚟嘅一切
咁我明白，呢度啲學校又比唔上神校
朋友大女係香港讀神校，去到英國讀一間幾受香港人歡迎嘅女私校，佢讀咗一年話好唔鍾意呢度學習風氣，覺得浪費緊自己時間，堅決要返香港，又好好彩香港間神校肯收返佢，佢返返香港跟外婆住
佢細女鍾意英國唔想返香港，但朋友開始覺得喺度花咁多錢讀私校性價比唔高，俾佢細女揀中學入私校定state school，如果揀state school會將原本供私校畢錢留返俾佢，佢細女揀咗讀state school，佢同細女而家係英國生活好happy
佢老公就一直都留喺香港搵錢，佢以前係英國讀中學大學，好清楚唔鍾意呢個地方，所以唔會一齊去居留
其實稅都可以唔駛點比, 如果一早plan定回流你去lcol地方租6年屋就搞掂
做part time, 或姐minimun wage 又或姐做倉交得幾多稅? 你睇UK public expenditure 同人口要差唔多£15000 tax per person 先叫做net contributor, 有幾多人比15k 稅一年?
朋友個朋友都係呢個情況回流
1個讚
咁as a labour都係貢獻
真實回流左返黎既case都係加拿大，2單
一單係母女適應唔到，舊校回收，唔使留級
一單唔知原因，舊校回收，要留級
都係小學
打算出左visa就返黎既又有，又係加拿大
1個讚
我有好黃朋友老公係英籍，由細到PhD都喺英國，又係好唔鍾意英國，我朋友都諗如果佢移民都係靠自己BNO，而且要離婚，但佢哋冇仔女，感情又幾好，所以最後都留港
咁我問佢老公因咩事唔鍾意英國，佢話老公九十年代喺英國比人歧視欺淩受夠了，咁可能以前種族歧視好嚴重，我都明白嘅，個陰影好大
1個讚
我都識幾多人開宗明義係咁行，而且都預左小朋友返唔到香港讀書（因為中文，亦因為唔想）就繼續外國留學，父母就返香港搵錢，走時都未賣樓ga
我同我朋友講咁你老公有陰影無可厚非，佢哋喺香港生活都幾好，算啦唔好執著。我都想像到如果我由細到大喺個地方唔開心，點會想返去
有2個朋友都係去過英國讀書後都唔會再返去了。一個由high school到grad, 一個去讀大學。見大家都討論移民，佢2個永遠都笑而不語。
1個讚