Team 裏面有個比較junior 同事, 年資經驗較淺, 黎左接近1年, 學曬基本嘅野, 但工作上仍然經常犯一啲低級錯誤, 似係唔夠留心, 無仔細諗下自己做緊咩, 點解要做, 同點樣做先效果好, 似收到order 就做… 都明白係打份工, 返工放工係無錯, 但佢成日犯呢啲錯, 令同team 要執佢手尾嘅同事都幾痛苦
大家有無經驗分享下點樣幫佢改善? 唔該
叫佢寫低，做完double check
比佢自己執返自己手尾得唔得呀？
成日有人幫，永遠唔知自己比左幾多麻煩人地
5個讚
點解要同佢執手尾？
好似老師咁，紅筆圈低、改正
跟本佢就唔上心，改到佢自己記得為止/唔做為止
做錯彈番俾佢再做。
如果佢有直接跟客，就由個客丙佢就會識做番啱。呢個係我個人經驗中最快最見效。
3個讚
叫佢改返岩
其實有無諗過當年自己都係Junior 一名，無錯過咩？ 現時呢一代主要問題係唔想負責任，有咩問題就可以一句＂係你話咁做＂，最大原因就係上面一樣玩推卸責任，佢做錯就話＂點解唔問我先＂，＂邊個叫你咁做＂簡單講， junior 點做都係錯，試問邊個會上心做呀，香港人心態，永遠都係雞蛋裏挑骨頭，做成點，點都要搵少少嘢出嚟
3個讚
多謝大家嘅回覆
可以再諗多啲點樣比佢改正返自己嘅錯誤
我地部門嘅工作無論對外對內都係好似serve 客人咁, 所以我地大部分野特別文件, 會一個同事做完, 另一個同事check, 確保質素同準確度
我無打擊佢嘅意思; 每個人都有機會犯錯, 包括我自己, 但原則上唔重複犯同樣嘅錯, 否則原地踏步
我希望可以幫佢提升, 亦都令佢身邊同事少啲壓力
我自己嘅宗旨係, 希望team member 由進入我團隊, 到離開我團隊中間, 係見到自己有提升, 無論工作上或個人身心而言
個人身心就諗多左啦
唔需要幫人教仔，佢自己肯學就會提升
3個讚
首先要佢對份工上心
有心做唔怕教
如果佢只係諗住過日晨，就慳返啖氣算
2個讚
我睇咗你開頭message，都唔覺你打擊同事啊。
只係希望問吓大家意見，點樣去幫呢個同事。