有返緊工, 不討厭, 當然有時會覺得灰, 上年尾因為覺得個junior有問題, 但supervisor唔覺, 感覺格格不入, 但依家個supervisor都知個junior有問題, 又無咁灰。
半professional行業, 覺得自己未ready去見工, 即未好充足revise knowledge與追貼行業updates, 應唔應該見? 仲有見果份應該幾忙, 多OT, 我做開D工都通常準時放工, 事業心不重, 希望新工都不多OT, 應該見定推? 怕見得唔好, 有record, 第時再apply會被即丟, 有打算hea到下年初再搵工, 因覺得未ready, 想慢慢revise與update後再搵, 矛盾壓力中. thx
如果完全未ready 轉工咁見係為咩目的?
換過情節, 如果有興趣轉, 就算只係少少, 咁呢個可以當練習機會
一般人interview 會緊張, 需要時間去組織思路, 或者諗吓自己嘅經驗應該分享邊啲同埋點分享
如果一開始就見自己心儀嘅工, 萬一臨場表現唔好就機會唔大
我自己個人經驗係見多幾份覺得普通嘅當鍛練, 先再搵一啲自己好中意嘅工種或公司去報同見, 咁成功機會會大好多
轉過幾多份工? 點解當初揀而家份工? 而家為乜有轉工念頭?
有想過見下當warm up, 但係係大公司, 即集團旗下有幾間list co, apply時會問以前有無申請過, 怕in得衰, 下次in都無得in
好少, 上次轉工已n年前, 近年人工加幅小左, 上年年尾時工作氛圍覺得灰, 近期又ok, 搵工都是最近搵, 目前唔係逼切要走, 但做左咁耐, 係咪應該要轉下
我係你會唔去in
未ready 去到表現都未必好
走既決心唔大, 又冇事業心, 去到新環境又忙又要pick up
我唔會見, 等到對現工心灰意冷先再搵工
你已經報咗定係未報先？
報咗就準備吓去見工好啲
我自己Hea hea 吓會太舒服習慣咗留係comfort zone
同埋永遠都覺得未準備好
到你頂唔順先搵工又可能要搵一陣
咁你有呢個憂慮都啱
見下工冇壞
人揀你, 你揀人
見完有offer又唔一定做
又可以了解自己喺巿場上仲有冇競爭力
睇完唔係好明其實樓主你apply咗未？依堆問題應該apply前就要諗，如果apply完先諗起有依堆問題，其實都係借口，即係你都唔係好想走／好想要依份工啫，咁嘅話就算啦，無謂去見晒自己時間。
Anyway，就算依刻唔見你手上份工，如果你係諗住做返依行，咁就keep住update下自己啦，應該隨時都要ready好自己先，唔係等有份工出現才慢慢諗堆問題，到時就算有份好工喺面前，你都只會覺得自己未update未ready。
好明顯你無睇清楚, topic已表明, 亦講左"仲有見果份應該幾忙, 多OT", 不嬲有updates, 出左咩新updates我好清楚, 但你話深入一定唔係, 不過你應該都係唔明