老公對睇電話同俾小朋友食咩都有要求，但我爸媽配合唔到，我又唔想話自己爸媽，始終湊小朋友係辛苦，我明白電子奶嘴同零食吸引力，如果有要求就不如自己湊，我夾係中間好辛苦，好想喺度呻下 
如果你唔做嘢，你老公支撐晒所有家庭開支又是否可行？
得咪你湊。
又或者你做嘢又可否支撐所有家庭開支？由佢湊，佢鐘意點湊都得。
1個讚
自己湊、請工人
2個讚
你老公咁有要求叫佢自己湊，佢叫請幾日假自己湊下先！
6個讚
長老邊識教，要教好唯有FTM或者請姐姐。
我都好驚果d細細個就比小朋友電話放題，零食放題
1個讚
無錯
通常講就天下無敵 叫佢親身試試
4個讚
你快過我打
2個讚
長老只係睇下㗎咋，唔可以期望佢哋好有水準
2個讚
既然咁有要求的，叫佢自己湊返
叫得四大長老湊，都預左有啲野無得100%控制到
除非長老好過份，例如餐餐老麥，電話電視放題就話唔妥啫
如果只係每日睇下電視，食下零食，我覺得無傷大雅
利申：對育兒都有少少要求，於是小朋友未出世已經做緊ftm
4個讚
因為我好憎啲人唔做又要有要求
11個讚
唔洗同佢嘈，叫佢放一星期大假，自己湊下得唔得？要人幫手湊，就唔好咁多要求。
3個讚
好少男人反而有要求
1個讚
唔使講咁多，佢有要求就佢搞掂，你直接講我冇辦法我搞唔掂，你有方法你可以去做
3個讚
正常要求
我都唔肯比自己同老公長老湊啦
你地有冇請工人？寫低 schedule, menu 比工人跟住做。講明唔比睇同玩電話
冇工人就去請返個，$5000唔使 (唔計食住), 抵到爛。重可以裝埋 cam 昅住佢 tim
2個讚
可能因為係公公婆婆湊,掉轉係爺爺湊,即刻收聲
4個讚
一係申請做ftm, 睇下老公負唔負擔到lor. 又要馬仔好，又要馬仔不吃草，邊有咁著數ga?
3個讚
我同老婆都有工作，我地就係唔搵長老湊，寧願搵保姆，有咩事起來對長老根本好難出聲
1個讚
咁你覺得你老公嘅要求合唔合理？係咪對小朋友有益？如果佢講得啱就跟佢方法，對小朋友成長有害嘅就唔好做。點解又要計較邊個湊多啲邊個做多咗嘢，搵個小朋友嚟鬥氣，為人父母成熟啲好無？
長老湊唔好有要求，否則你夾係中間好易鬧交。情願請工人，起碼會聽下你意見先。不過工人你都唔好預佢又做好功課之類，你老公高要求的話我覺得你最好唔好做ftm, 一陣怪埋你湊得唔好就幣…真係比較少聽係男人高要求
2個讚
對住高要求嘅另一半，一定係叫佢自己處理，
佢請工人，佢唔撈自己湊，悉隨尊便。
我老公都係要求高嘅人，食飯彈三彈四～
我結婚前已講明唔煮飯，結果佢要學煮，十幾年來我無掂過一次鑊鏟。
4個讚