小朋友參加社區團體活動去迪士尼, 個團體有其他中學生, 但係冇小朋友嘅同校同學. 小朋友去迪士尼會搭團體安排嘅旅遊巴, 門票都係包埋, 係場內消費自己比. 我已經上網買左迪士尼餐卷.
小朋友麻麻地去迪士尼, 我自己都唔大興趣. 但請問大家, 會唔會自己另外買入場票同小朋友一齊?
我覺得門票唔平, 但係諗起小朋友自己一個去又可能會悶(?), 同埋可以同小朋友影相, 小朋友就話唔洗我去.
請問你地會唔會去呢? 謝謝 
呢個重要啲。佢唔想你去係怕麻煩到你定佢自己想同其他人玩？
我覺得佢冇其他同校同學自己可能會悶
一齊去有個開心回憶
唔好諗有咩玩，就至在同小朋友2人世界一日
幾好啊！我會跟埋去
2個讚
小朋友即係有幾小?
小朋友麻麻地去迪士尼又會幫佢報名咁得意既。
如果小朋友講到出口唔洗你去，我唔會去。小朋友都有佢地既交友模式，有個家長響度既話三句唔埋兩句就要跟返家長點點點，變左識唔到朋友。
4個讚
問吓小朋友想唔想你去先，可能佢個group有fd會去，到時未必想家長日一齊去嘅
如果小朋友想我去我都會去，入去行吓影吓相囉
就算唔識人,自己一個係迪士尼玩都ok架,大把野睇同玩~
利申,我去過迪士尼好多次
我想唱反調，我唔會去。
你小朋友係中學生，絕對有能力識到新朋友，加上團體多數會有少少集體活動時間比佢哋交流一下
我仔小五
佢周不時去興趣班，summer camp都係一個人去（我要返工，但求就手，唔會理佢有無frd)佢每次去完都識到新朋友，仲交換埋電話添～
2個讚
照去暗中觀察
樓主小朋友不想媽媽去
小學可以考慮陪
中學就唔好啦 佢又玩得唔盡興，又會比人笑
冇家長先容易識到朋友
佢開到口話唔洗你去，你照跟去就好老土架喇。
唔知你小朋友幾大，我小朋友去到小四就會有時唔想我跟去，所以我宜家有活動時，一定都會問咗佢ok我先會去，叫我唔駛去嘅，就算我心幾唔放心都要忍住，佢長大了，要慢慢學會放手。
3個讚
暗中觀察即係我都係要買飛入場
謝謝意見 
佢都係初中啫, 我個心仲係成日諗住佢手抱果陣
2個讚
明白, 佢F.1, 學校叫佢join一個團體活動, 但全班得佢一個參加, 咁啱嚟緊呢次個活動係去迪士尼
幾好呀，學校俾得佢JOIN都要睇到佢適合群體活動先會揀佢，多個機會同其他班同學仔交流。
F.1唔算好大，不過入迪士尼都好安全，媽媽可以放心。
留返D心血第日要去蛆國交流/強制遊學先擔心 
2個讚
學校活動更加放心
我本人F.2都自己搭地鐵去港島區男校campfire，不過當年啲人純品啲，去完無下文 
1個讚
尋日我再問小朋友洗唔洗我都去? 佢話"你鍾意啦", 唔知係咪因為我問得多, 佢覺得煩, 所以咁答我 
中一阿媽跟去學校活動？希望佢唔會俾同學仔笑
1個讚
8成係 見阿媽你好似好想跟去咁
都中一啦就由佢自己去啦
1個讚
樓主個係仔仔？(因為pizza Boy 我估)
唔係性別歧視不過如果中學既男仔有阿媽跟去會唔會有D embarrassed 咁
我個女 (6年班) 都唔鍾意我跟出跟入了
如果擔心安全既，我覺得Disney 都ok既
因為無佢果間學校嘅同學, 我驚佢自己一個人會覺得𢦀居居咁, 又驚冇人同佢影相(?), 驚佢一個人會悶