細個同兄弟姐妹一齊去單車公園學, 學唔識
大個咗, 屋企有成人單車, 有試過自己踩, 都係唔得
好驚雙腳離地嘅感覺, 好唔實在 
我係想學嘅, 可以全家一齊去 
請問有無人可以分享成功例子? 謝謝
我都想學… 由細到大我D平行力都差, 我都諗緊可以點學… 不過,我怕我D老骨頭會趺散… 
2個讚
去柴灣搵合昌單車行幫你，無痛學識踩單車，我屋企成功例子有2個
單車行老闆會分4個階段去教你逐步踩車，到時聽佢講自己練就得，一日唔得就學2日，不過我仔女踩開4轆既2hrs內已識踩
1個讚
小朋友唔同, 佢哋掌握平衡易好多… 不過, 我都會努力去試試…
非也，都有個妹妹長期4轆，可能唔聽指示有關。
佢都教大人，個度mixed group, 大人小孩都一齊聽，自己練。
你對自己有信心，好快學識。
1個讚
我小朋友都係嗰度學識，老闆好細心教！我好記佢講，最重要「平衡」、「望前面」！
人愈大, 愈細膽
我都係自小平衡力較差 
謝謝 
即時搵到佢嘅相關報導 研究下先
蔡老闆的經驗十分豐富，成功教識年紀最小約兩歲半的小朋友，年紀最大有70歲的老人家！他直言踩單車其實只有兩個重點：「一是平衡力，二是踩單車腳踏的動作。」
我自己都係細個父母唔俾踩、唔帶出去郊外玩，自己平衡力又差，所以一直都學唔到，係到左成人後有朋友幫手教，用左一日先學識。雖然而家都係踩得麻麻地同慢，不過只要肯試就一定得既
2個讚
我都好大個人, 廿幾歲先學。
明白係幾難, 因為人愈大愈有危機意識, 好自然怕跌。
果陣係有個識踩既朋友教我, 佢後面推我架車, 俾我試下平衡, 之後就搵個有"暗斜"既地方, 俾我試, 試試下就會感受到
2個讚
我都係廿令歲學識，有個男仔教我，佢後面扶車，學咗大半日掌握到個平衡感。之後每星期自己租車去練習，踩咗兩三日已經識踩。
1個讚
呢樣我好驚
斜 + 速度感我搞唔掂 加上皮包鐵 
暗斜係指睇落好似平路但有輕微斜既地方, 但因為有斜度, 個轆一定會向前。有咩事你一邊腳可以著地。
我記得果陣時去大水坑單車公園租車學踩, 出面有一段路就係呢d 微斜
另外落斜可以拉少少手掣, 可以減速, 不過暗斜都可以唔需要用呢招住
有單車就簡單
1,拆腳踏
2,坐位較到雙腳可以輕鬆踩地高度
3,搵地方當平衡車自己碌下，平地，應該好快可以雙腳離地碌，最好地方夠大可以練下轉彎同兜圈
4,好輕鬆雙腳離地碌之後裝返腳踏，再碌下，習慣後開始踩
就係咁
睇下住邊區，市區的話搵地方最難
算求生技能
香港唔識生存度，外國唔係太得
1個讚
學每様有冇心，65 歲學滑雪大有人在
有（輔助轆）單車，在尾轆旁邊加兩個小轆，
可以去租單車嗰度問吓，試吓踏單車嘅感覺。
這種有輔助轆單車，可能要搵多幾間租單車公司問吓有冇㗎。
只要你想學 不斷練 一定會識架喎
我都唔識踩，學極都平衡唔到，人大左，平衡力真係差啲
1個讚