信諾今次玩很大，做咗預先批核，俾埋錢個客，轉頭踢單，追數
發生咩事???
話說有人係佢度幫阿爸買咗份醫療，未夠一年索償，early claim，呢D情況，保險公司會check得好緊，可以話會全天候查，睇下會唔會有呃保險成份，而客人做咗pre approval, 批咗30萬出嚟，正路諗，咁批得pre approvel ，當然會覺得打後嘅賠償唔會有問題啦，點知，轉頭信諾就話客人投保時有D嘢無報，大鑊啦，踢單，再追返之前批嘅30萬
1個讚
其實網上醫療，預咗一定會出事，只係幾時邊個
噢… 批咗出嚟又追返轉頭… 真心頭痕…
最大問題係呢30萬己經用咗去醫病，醫療費無著落，重要嘔返30萬出嚟
從來唔信醫保，保險公司點會做蝕本生意，話乜都保個d咪好似今次咁，總搵到原因唔賠，check哂先保個d又有好多唔保事項，都唔知買來做乜
1個讚
睇下買幾大
當有得賠，但普通人月供一千幾百只能支付十萬八萬嘅手術檢查費
後生人 2x 歲病痛少，肯定唔抵
後生買落到 7x 歲，個個月供到 $2xxx，好貴下。都係保到小手術 only
我只買最基本大房，一年4000蚊。係前公司帶去私人，應該會保舊症。
我覺得醫保唔洗好貴，大病都係去公立。
無諗過明明已經pre approval 都可以反口?
因為如果踢單，即係話當呢張單無生效過，所以會追返，保險公司亦都會退返所有保費俾客
只係現時要睇最終問題係邊，係客度定係公司，而家好難講邊個錯
如果真係暪報係要嘔返出嚟