想問大家，你哋入公或私家醫院，有冇遇到鄰床好煩病人？可否舉例有咩行為，令你覺得好難頂，你哋又點應付？有冇試過面斥？
我最近入院，遇到一個退休公務員，唔使講都係Nancy肺老。除咗瞓覺及進餐外，佢無時無刻撩我傾偈，但句句認 
認 
，仲要佢講就係真理，我講佢就一句得埋嚟，話我講係假消息，仲有難頂係講一句，就（哈…哈…哈） 笑收尾。佢醫療有十分一支付優惠，不斷讚政府之前派錢、及佢盛讚HK$2元乘車優惠。但就話贊成其他政府支出加價，好自私！
最嬲終於等到醫生巡房，醫生同我傾病情，佢不斷搭嘴，導致醫生同我都 die air O 哂嘴！我將佢同我床之間布廉，拉出啲唔想佢不斷望到我，因怕佢又借意撩我傾偈，但佢又每次拉番開，而且對住我做運動，做乜都面向我，但又唔拉埋布廉！其他床位都唔啋佢，我都要不斷借玩手機、及扮瞓覺避佢，但佢成日自言自語，煩到嘔！
叫佢唔好嘈住我休息
有！入院幾次都試過
最後我長期唔搭嘴，用個背脊得住佢，當佢冇到
其實D婆婆大吵大鬧都難頂架，嘈到姑娘禁水禁食幾日先冇力嘈
有次同阿仔住私院半私家房, 隔離床位小妹妹勁嘈, 病咗都好好精力, 嘈到淩晨2點幾, 然後朝早7點又再嘈過…
而佢阿媽可能怕黑, 瞓覺時特登開著部電視, 結果成晚就好似幻彩詠香江咁, 閃閃閃閃閃 
好彩我仔瞓到, 但我果幾晚就差唔多無瞓過 
係咪真係公務員？我奶奶都係公務員佢住院睇
醫生係正苦睇係一豪子都唔使出。
請問你有冇忍唔住話過佢?
佢話佢係機電工程署做，入公院及門診只需俾十份之一，會唔會你奶奶仲在職未退休?
我諗最簡單係塞耳筒聽歌睇劇，佢講乜都扮聽唔到（就算真係聽到佢啲煩音)，我諗佢唔會咁痴拎走你耳筒啩。
你依種都未算最煩，依啲人要爆佢一大鑊先啱，反正同佢無親駛乜俾面佢。
或者問下姑娘有冇得調位，因為隔離條友搔擾你無得休息（試下無妨，講咗你無損失，博下都好）。
我屋企人入院時，試過隔離床老人家初初見都好溫文，我地去探病時仲成日請我地食嘢飲嘢（好彩無食，後尾先知原來個老人家唔肯食藥，所以佢啲零食同飲料係加咗藥嘅），原來去到夜晚會變另一個人，會不停癲叫／會周圍扔屎，所以我屋企人住時係惶恐渡日，我地都提出咗轉床，初初無位無得調，後尾其他房有位就調走了。
係唔係失智症？佢地會玩屎同大叫。
當日有護士長話病床緊張，見我冇乜大病行得走得又醒目，問我可否願意調出走廊，我即時答應仲即執嘢，佢當堂呆咗話係問定先，因如果有重病病人收症，因要換片及各樣護理問題，要瞓房有布廉，所以問定我先，話唔係即時需要。其實我係寧靜瞓走廊，都唔願意對住佢，可見佢真係幾咁煩及討厭 !
我有時床邊屙鴨仔(尿壺)留小便檢驗，要拉埋幾邊布廉，但我都己經係唔怕羞，只係怕有人探病家屬見唔慣，所以先盡量拉埋少少我背住企屙(我係男)，佢就成日拉埋開布廉，話布廉拉開佢開唔到床頭櫃，一定要拉埋布廉先方便 … 我唔知咩邏輯及道理，乜唔係拉直哂布廉更唔阻佢開櫃咩? 而家布廉改左摺趟不織布，收埋及拉開都好齊整，比舊式真布廉更唔掗空間，更加阻礙唔到佢開門，根本佢就搵藉口，要打開哂布廉，長時間留意我得閒就搵我傾偈，其實有佢講冇我講
公務員應該係一般唔使比，但私家房（公院有啲）比1/10
但佢係退休公務員已十多年，佢都係住公院一般大房，話只用支付十份之一費用，不斷曬命 ! 其實多年前我都遇過一個，又係自稱在職公務員，佢問我嘢老馮要答佢咁，但佢講完我問番佢嘢，.佢就債神秘話唔方便講，自此我就西面唔啋佢。有次淩晨五點佢好似公園榕樹頭底阿伯，撩床邊幾個瞓唔著肺老大聲吹水。當年醫院繁忙全晚唔熜燈，我習慣完全黑暗先瞓得著，果晚已經捱左好多個鐘先瞓得著，俾佢嘈醒後我就開音樂大聲過佢，佢知衰先收聲勸其他人瞓，莫非公務員尤其低級都格衰?
其實住得政府或者私家嘅非單人房就預咗隔離唔知咩人
睇佢徵狀似係
一次係喺隔籬病房，雙人房，個老母朝頭早佢小朋友起身(7pm左右）佢就會拉櫈，發出十級刺耳嘅吱吱吱聲，嚇到我同bb即時醒晒。
真係好想送佢18真言，可惜當年後生面皮薄冇，後悔至今。
其實我知佢唔係特登，不過有啲人係一啲sense都冇的，呢種人好應該俾人母親下先會正常。
我自己屋企人嘅經驗，
通常呢啲老人家擺唔耐。
佢自我控制能力有限，
日頭仲控制到，
夜晚攰左神經衰弱就會失控，好似人狼咁。
醫護同周圍嘅人都辛苦。
已退休公務員，我奶奶係做醫房助理，
佢做緊後期開始轉制佢無轉制，所以退
休後都係跟番公務員福利有醫療和長棒，
仲可免費睇牙醫。
同埋在職個是都一樣係唔使比錢睇醫生，住
院都係免費。
會唔會係公務員配偶？配偶都有福利
但我唔記得係比幾多，奶奶未退休前
老爺入院住左成個半年，都係比好小
住院費。但係退休後配偶係咪都仲有我
就唔清楚，因為我老爺已經走左耐。
一定有好多勞嘈廢老
有次我老公入院
佢斜對面床個呀叔成身爛晒 講野又好大聲
到探病時間
原來係一個大學同學個呀爸黎