因為5月出新一季，所以突然醒起呢個節目。
（如果冇Amazon prime, 就用自己方法睇）
有睇開top gear, 或留意英國節目，應該知Jeremy clarkson 係乜水。
成個節目就係呢個有錢佬買地種菜養牛羊，當然係現代農作方式。最記得佢架有冷氣嘅拖拉機係Lamborghini, 然後被自己農場嘅員工寸太大架，說明書係德文，冇人識睇。
成個節目好搞笑，但又輕輕鬆鬆學到野，會令人反思英國農民處境
好有興趣，謝推介
1個讚
好似幾有趣咁喎
1個讚
想知其實當地人點睇佢？我睇top gear 覺得佢好好笑，但啲笑位政治不正確，節目效果又塑造佢成日蝦hamster。有興趣想知其實當地觀眾點睇佢？
整體英國人點睇我唔知,
但local居民(佢塊地所屬嗰條村) 一開頭好反對佢, 因為名人效應, 好多村外人入村, 結果梗係好影響村民生活。雖然後來大家基本上唔算反對佢, 因為佢做左好多野改善佢自己嘅問題, 但最終council否決左佢一個大project, 起因就係一個本地居民索性搵律師反對