老公祖家喺美國，嚟咗香港10幾年。我哋結婚五年，個仔差唔多三歲。
啊仔出世後頭兩年，因為疫情同埋太細個， 我堅持唔搭飛機。上年暑假第一次返去探佢阿媽， 留左兩個禮拜。 之後佢要求每年都要帶啊仔返去見佢媽一次。
我聽完之後極為抗拒。 啊仔10歲之前，我冇可能俾佢自己一個帶啊仔飛半個地球去美國， 我承受唔到佢可能受傷嘅風險。 但我每年只可以放一次兩個禮拜大假， 我唔想將每年唯一一次長假期用嚟探佢阿媽。
而最大原因係喺嗰兩個禮拜裏面，我完全感受唔到佢阿媽錫個孫。正常老人家對住個孫都會想同佢互動，同佢傾偈。 但佢除咗頭嗰兩日同阿仔睇故事書，跟住叫我拍video， 同埋喺佢朋友聚會上用個孫嚟曬命/ get attention之外，其餘時間基本上同同屋住冇分別。 啊仔食嘢哽親咳左成分鐘，我同老公走嚟走去幫佢拍背脊攞水，佢可以若無其事繼續食嘢，眼尾都冇望過佢，問都冇一句。 更加唔好講同佢玩，大部份時間大家好似同屋住咁。
老實講，我對餐廳隔離三唔識七個細路都熱情過佢對個孫，亦唔想再花錢及有限的年假飛20個鐘， 再忍受jet lag去見佢。小朋友好快大個，我想留返啲年假同佢一齊做啲帶比我哋愉快回憶嘅事。
但我老公對「每年返一次」十分堅持，呢樣嘢應該會成為我哋以後鬧交嘅原因。
想聽聽大家意見，係我自私定係佢要求過分？我可以點樣拆？
佢肯自己一個帶咪帶囉
我都想留D假同啊仔去唔同地方旅行
6個讚
咁你都幾專制，有爸爸睇住，會有咩危險，又唔係自己一個搭飛機
如果老公要樓主一個帶個仔飛，就話自私啫，但樓主老公都跟埋過去，又唔係單獨飛，睇住仔女係爸爸責任。
樓主唔飛埋過去，有兩星期me time, 爽呀
2個讚
樓主禾明你意思，無謂浪費時間，直接叫個死佬自己去吧
一年只係對14日、幾難頂都頂埋去啦、結婚又唔係斷六親、小朋友哽到已經有你同老公睇住、唔通你信個好日唔見既奶奶照顧咩
1個讚
而家呀仔細細個從你身上學習，但記住將來佢都會大個娶老婆
9個讚
替你感到幸福，身邊有個懂得體諒父母的丈夫。試想想日後你仔長大離開你，他不介意和老婆反對也一年都堅持坐長途機帶孫仔返黎探你比你見下，這份孝心多麽難得，這就是身教，因為父親細個也是這樣帶他去探嫲嫲的。 老人家怎樣和孫相處是她的做化，你怎樣待她是你的修養！
16個讚
你要同你仔有回愉快回憶，點解奶奶就唔可以？更何況老人家仲有幾多年而仲要分隔異地，你做人阿媽媽已經日日同個仔相處唔通唔算係回憶？
老人家縱個孫阿家嫂又不滿，唔理個孫阿家嫂又不滿。
2個讚
有兩個星期me time，俾著我已經開心到死，幫佢地執行李執都執唔切，有咁快得咁快走。 
9個讚
工人姐姐跟埋去"度假"得唔得? 我以前都係咁. 當然要姐姐肯先得.
難得老公帶個仔返去
你未當休息下 將假攞去同仔仔玩
在我睇係雙贏喎
一年見一次點都要掛
做人唔可以甘自私
2個讚
一年先一次，唔覺得過份。仲要你老公肯自己帶，好難得。欣賞你老公嘅孝心
2個讚
