香港文匯報訊（記者 黎梓田）SEASONS PLACE昨日銷情熾熱，當中更有買家(鄭先生)趁買入心水單位的一刻，把握機會向愛人求婚，一同紀念人生的重大日子。會德豐地產副主席兼常務董事黃光耀先生，更特別高歌一曲《一生愛你一個》，以特別禮物、香檳及蛋糕，祝賀一對買家。消息指，該對買家剛好又買了「一對」單位，可謂好事成雙。
(source: 文匯報)
有人搵到現場條片 
有樓有高潮
1個讚
我又覺得幾sweet, 可能大家計劃咗買層樓來結婚
就向呢個咁重要既日子求埋婚
唔知咩玩法反而係 會德豐地產副主席兼常務董事黃光耀先生，更特別高歌一曲《一生愛你一個》 
2個讚
睇片的感覺好尷尬
前面一台買家仲喺到傾緊啲買樓條款
後面高歌一曲，勁high
其他人就繼續買樓，但應該嘈到未必聽到
買樓現場人多地方唔大，點解揀呢個時刻去求
離開左售樓處會更好。
1個讚
會德豐係好鐘意玩呢D嘢 買家唔玩, 佢地自己都玩
當年我陪家人去買會德豐嘅樓 簽緊合約 & 好留心咁聽緊條款果陣
主席突然向我地後面開香檳 好high咁拎住支咪大聲講嘢
又無啦啦隊杯香檳過來
講真, 我同家人果刻都無心情飲 
婚姻建立係層樓。
1個讚
做戲
3個讚
我識人真係咁諗，佢同我幾個舊同學講到出口
自己心諗咪算，個人可能心窮得太耐
1個讚
有人buy呢套
但我都係唔buy，我想靜靜地簽約，唔想做全場焦點
4個讚
層樓落邊個名?
好明顯，一個人供唔掂
3個讚
副主席立即識做唱歌，明顯同果對情侶夾定啦。
就當呢對情侶唔係演員，是普通巿民在賣樓現場求婚，呢個舉動好物質主義，一點都唔浪漫。
假如昨日買唔成樓，男方仲求唔求婚呢？究竟是男方定女方想買樓呢？層樓是邊個名？假如是男方想買，咁即係女方要確定佢有樓，先肯嫁？定係女方買到樓，男方立即求婚，到時可以分身家？
在 Taylor swift 演唱會求婚，就話因為氣氛好，機會難得啫。售樓處求婚，假如日後間屋有乜冬瓜豆腐 （新X界柏傲莊三期都會拆樓重建），咁仲結唔結呢？
售樓處求婚，咁巿儈的事，真係香港先會發生。（想像一下，如果唔係買樓，而係買到架名車，買到架遊艇，又或者在古董拍賣場求婚，外國有無人會咁做呢？）
4個讚