慷他人之慨

話說我有個有牌子既袋(非luxury brand),諗住賣返出去,執返幾百蚊。亞媽見到話想用,雖然明明唔佢係既style,但自己亞媽叫到,就無所謂比佢用。

點知尋日返娘家,亞媽話要將個袋比啱啱係加拿大返黎既親戚,再拎返加拿大轉送比表妹。我聽到嬲到震!

第一,我個袋係比你用,唔係比你黎做人情,再轉送比人。
第二,要送禮就送全新既禮物,送個四隻角殘哂既二手袋,表妹收到有咩感受?

歸根到底,就係亞媽貪心,個袋跟本唔用,係唔係都拎左先。由細到大佢都係咁,之前係muji 買左個櫃,自己懶一直無拆箱砌,佢覺得我唔用,就叫我送比佢個啱啱搬屋既朋友,無諗過我要唔要!

慷他人之慨真係好黑人憎!

3個讚

其實如果睇開啲,送左比佢就唔好理佢會開心啲

2個讚

雖然話送左野比人、人地點處理你唔應該干預,但我亦明樓主嗰種嬲,我一心一意送比你,你連冷河都唔過就即送比人,嬲嘅係你唔treasure我份心

12個讚

通常啲阿媽都係咁

我之前都買左個Chanel但好少用
送左比我家姐
如果佢唔用我會叫佢賣左去啲錢自己袋

你同佢講:” 阿媽, 廚房D花膠好靚好厚, 成個pizza咁大隻, 咁啱我朋友想補身, 你又放係度唔食, 不如你送俾佢食啦.”

7個讚

我明樓主嬲乜

2個讚

睇嚟個包包響樓主心目中都有啲份量,否則駛鬼咁勞氣:joy:

老土

下次絕對唔會比佢

係手袋,唔該講返人話

一,你理得佢攞嚟做乜?送咗俾人就唔關你事㗎啦。
二,咁就好唔應該,陣間你媽答多句係你轉送俾佢仲死

搞清楚,比佢用同送比佢係兩回事,
一開始巳經表明唔係佢自己用就拎去賣,無眼屎乾淨盲。
佢一定會同表妹講係我送,佢好老土,鍾意做呢啲雞仔媒人,好彩比我發現,如果唔係就失禮死人。

2個讚

正!我下次就咁講:joy::joy:

真係送左出去,最慘係吃力不討好,人地未必想收2手袋

同感

我明
上次阿媽話隻面膜好好咁我俾咗盒佢
轉個頭佢送咗俾啊嫂做聖誕禮物
佢可能冇諗住啊嫂D嘢會周圍擺俾我見到,佢就即刻話原來佢仲有好幾塊mask 用唔晒所以比嫂
我話阿媽你唔用其實你可以俾返我因為我得果盒存貨架咋:joy:

好明白你嬲咩,因為我呀媽都會咁。
佢有個fd既仔想學整蛋糕,我呀媽就自己幫我應承左話教人整。
但是我果時返緊份星期一至五,日日ot夜晚11,12點先收工既工,你仲要我星期六教人,加上冇問過我願唔願意。
由細到大呀媽都間唔中做埋呢啲雞仔媒人,推我出去受…

1個讚

阿媽就係咁, 仔女既野就係自己既野.
某年聖誕我請朋友在家開party訂左隻火雞, 咁岩阿媽當晚要去佢朋友家聚會, 見到我攞左隻火雞返屋企就話要比佢攞去佢朋友家.
我當然唔比,但佢呢種心態我真嬲.

1個讚

咁又過分咗d喎

我媽通常會問下我要唔要,佢可唔可以俾人