如果唔一齊住，負擔到，而父母又唔係要求多，假設象徵式幾千，都好合理
如果一齊住，更加應該要比。唔係叫老馮，係叫責任
最怕啲人話「邊個叫你地生我出黎，生得我出要負責養我」之類既說話
你獨立個體，唔係廢人，養你要養到幾多歲？
發覺有啲人既思維好徧激，而且唔合理
4個讚
我覺得係宜家生活成本太高。根本已經做唔到有體面既生活再俾到係養活到上一輩既家用，唔係象徵式幾千蚊。
當你人工三萬(有啲人都未必有），要自己生活已經好炆，俾得多家用就姐係放棄之後自己出黎住既機會因為儲唔到錢。俾得小又會有人話俾咁小唔好當自己養緊老人家，自己個份都養唔到。
當搵三萬出嚟自住唔啃老都應該係月月清。仲未計一個唔覺意俾人炒左點算。
1個讚
有人話公屋有好多[富戶]
咁又咁講，好多上一代都好鐘意做嘢或者湊孫。
好多人將問題focus 響子女有無得選擇自己有無得黎呢個世界
但係忘記左, 做父母, 生左你出黎, 其實都有權選擇棄養, 係可以送你去孤兒院。睇《大時代》都知, 上一代養唔起咁多個小朋友, 好可能會將小朋友送去人地度跟師傅學師
香港呢代某d 人可能一直幸福開, 唔識感恩之餘, 唔識欣賞人地既付出之餘, 仲覺得人地欠左佢。覺得某d 野係必然, 但又唔諗下自己對個家有無付出, 當屋企係酒店。
5個讚
不能同意更多！
成日都覺得人地欠左佢咁
歪理
真係圈子同環境問題、我年代身邊大部分人畢業就講定要俾幾多家用、記得初畢業有段時間都好吃力、但個個係咁又無咩、仲要大部份結婚買樓都靠自己、明知父母都無能力幫
而家好環境既父母多左、如果身邊朋輩都唔駛俾/俾好少、自己仲要節衣縮食係會唔開心既
我都唔會、又未至於以前咁窮養、但一定要為自己打算、講到咁其實兩面都無錢又無感情多、唔係子女當為責任照俾家用、又或者父母話當無生過唔收咪算囉、其實投資都有賺有蝕、上一代可能生得多唔係一心養兒防老都好搏
1個讚
根本養小孩同老人成本都高左好多、社交媒體又多引誘同比較、個個想有慈父慈母啦
2個讚
唔做會唔會直接d呀
人比人比死人
做人係要知足嘅
有人唔駛俾家用，亦有人出世就做王子添
呢個年代學知足係好難，不過都要「逼」自己接受架啦，我哋已經幸福過好多第三世界嘅人…
1個讚
其實而家諗返，最唔明係點解讀大學時父母冇能力供書教學，我地要問政府grant loan交學費，一畢業就孭住十幾萬債要還5,6年，但父母一樣喺你一畢業出嚟做嘢就要你畀家用，話係你嘅責任，畀遲一日就追債咁追… 公屋出身，父母唔係話一個月要畀萬幾二萬銀租金咁大壓力，我返工又成日OT可能一日三餐都唔喺屋企食，食得佢幾多… 佢哋唔係冇咗仔女畀家用就生活唔到，純粹係覺得終於捱到你出身你係時候要報恩(係你欠佢嘅)，冇諗過我嗰時起薪點得一萬(當年讀完傳理出嚟做記者但人工都好低)，每月畀家用+還grant loan+自己日常洗費，係完全儲唔到錢，頭幾年真係覺得自己辛苦返工賺錢就係為還債，留多錢傍身都難，想儲到錢就唯有好慳冇娛樂未去過旅行… 唔係話唔想畀家用，但公道d, 如果當年等我還清政府條數先開始追我畀家用，或者政府條數佢地幫手孭下，好似合理d? 因為本身供書教學好似係父母責任？未講由細到大屋企都冇錢栽培子女，全家搭飛機去旅行一次都冇(後來有都係我哋畀錢請父母去)… 即係窮養子女但就旨意子女賺錢回報，我覺得就有d講唔過去…
絕對覺得係。
當年我父母好窮，但佢地都死慳死抵儲錢俾我讀書（永遠last day交學費，交完學費戶口清零果種），為既就係唔想我畢業一出黎要還債。我係好感激佢地。
我同老公都有共識，有經濟基礎先好生小朋友，一有左小朋友，我地咩都好慳，為既就係想負擔小朋友往後既學費。
但上一代好多父母都唔係咁諗。
認同，上一代父母大部分係人生我生，冇諗過點解要生，天生天養冇做長遠規劃。希望呢款天生天養既諗法去到我地呢代就停。
2個讚
九年免費教育，再讀自負盈虧
佢哋可能覺得讀大學係extra添
1個讚
你父母真係好好，因為孭住條學債真係差好遠，出嚟做嘢頭幾年係經濟同人生自由都冇… 如果屋企冇催畀家用都好d，會鬆動好多，但追債咁要你畀，完全唔諗你處境，就真係好慘
你唔將上一代的錯誤延續落去真係好好
1個讚
到佢哋催我生仔，都仲係咁講，話天生天養，窮有窮養，我哋3姊弟都係咁養大… 我心諗，即係你地仲係唔知我哋成長過程有幾多缺失同創傷… 可能仲以為自己係模範父母…
係再讀子女自行埋單
唉，窮仲要生三個，真係痴線
我父母都係咁，生左3個，3個都上到大學，佢成日都話天生天養夠喇。最緊要上堂聽書，唔洗浪費錢補習。細個唔覺，大左回望自己童年好多時都因為冇錢要辛苦左好多。不過我又冇好怪佢地既，我父母自己都冇學識，佢地既眼界就係得咁多。自己承受過，而家都會希望俾好d 既環境俾仔女。
3個讚