如果有牙齒印，我唔認為要還所謂嘅債先可以斷絕關係，因為個債根本唔存在
4個讚
無論好唔好感情，都唔應該將家用同還債等同啩﹖
2個讚
家用只要能力上俾到就俾，唔洗搞到咁大怨氣，有氣要發就同番你個老馮三口六面講清講楚。
我父母細個對我算係甘 物質呀學習都有被充足資源
即使唔同住 我被家用都被得好心甘情願
個數都係夠佢飲幾餐茶 好少…
覺得其實只係文化同教育影響。
上一代窮又人人都係諗住養兒防老咁咪變到啲廢老咁，但如果上一代有錢個啲一樣幫仔女買樓又盛。我見身邊有錢既老人家，個個都幫仔女買樓，最起碼都會幫俾首期。講到尾都係窮，自己無能力，然後窮既圈子個個都係養兒防老變左正常。
呢一代多人有錢左，學歷又高左，自然就唔洗食子文化。會諗自己以前點，唔想仔女都係咁。
其實圈子同教育真係影響好多，有時你會以為係自己思想所以會有某種諗法，但其實教育同朋輩一直都會影響你既諗法。
就好似一個國家經濟好唔好，真係有人咁細心睇庫房條數研究又同其他國家比較？其實都係人云亦云。
3個讚
師兄, 真心鐘意你呢段, 句句都有道理… 
同意, 我都好希望樓主可以講多少少佢咩情況。
都係個句，唔同住我覺得俾唔俾家用都冇所謂，但係同住衣食住行都要錢，俾個筆唔係叫家用，只係叫負責番自己既生活費，隨時其實父母仲係倒貼咁。
我而家都偏向咁諗，以前自己有10蚊恨不得用哂10蚊係仔女到，但近年目測身邊實例，同見到forum後生d 諗法，覺得都係對自己好d。
2個讚
其實點解要講埋仲咩生我出黎，無人叫你生？正一PK, 你唔想出世，就唔好游去你亞媽個子宮喇！
2個讚
我只係睇唔起有錢去旅行買名牌而無錢俾家用，搞到父母要繼續做嘢嘅人。去旅行買名牌真係不是必需，唔係人有我就要有。
2個讚
有啲歪理。精子根本無思想。
如果個小朋友講得出點解要生佢出嚟，其實佢都應該係好痛苦啦。
1個讚
我覺得如果父母同仔女都係咁計較既，真係分開兩個家庭，唔好再一齊住好過。
咁樣搞到仔女又覺得為咗父母無得旅行，父母又覺得因為仔女要繼續做。咁大家都唔好為大家，為自己人生負責返。
1個讚
你呢個說法非常好
你老豆射一次精有幾千萬條精子，咁都比你突圍而出游去粒卵子度，證明你都好趕住出世
父母係為咗自己生活而繼續做，公屋有好多，去到70歲做唔到保安就去做清潔。
如果咁都覺得可以隨便去旅行買名牌嘅話，呢個仔女真係應該當無生過
P.S.我真係唔太重視旅行同名牌，無係無所謂嘅，我反而想父母安享晚年。
我諗係case by case, 如果父母以前對自己唔好，而家又搬左出去住冇啃老，咁自己去旅行買名牌我又覺得冇所謂，唔係必然要俾父母。
但係我好睇唔起個種自己冇能力搬，內心又要怨，同住俾3,4000就覺得自己養父母，就指摘父母係養兒防老既人。係要幾唔識計數先會覺得每月幾千係養兒防到老。
3個讚
我覺得係價值觀同埋有無雙重標準既問題。
我果代有d 人岩岩畢業, 撞岩經濟唔好, 只係搵到份八九千蚊既工, 可能俾得二三千蚊俾屋企, 你就咁睇個數就嫌少, 但係可能扣埋MPF, 呢度已經係人地三份之一份糧, 仲未講有d 人本身家庭經濟未必係最窮果批, grant 又未必拎到full grant, 可能仲要問政府借番d 先夠讀大學。
同時又有人好似你咁講, 話無錢拎番屋企, 果頭就拎錢去旅行同買名牌。仲記得以前大台有個節目, 講d 人好恨買樓, 訪問有個港女叫macy, 聲稱為左買樓, 所以一個仙家用都唔俾屋企。呢d 都明顯係雙重標準。使響自己身上既就應份, 拎番屋企就話無錢?
當然, 亦有好多吸血鬼父母, 覺得仔女老馮要俾家用, 仲要係人工既一個大比例, 如果父母咁大貪, 咁仔女玩到唔俾家用兼反面亦不無原因。
3個讚
我識人55歲想提早退休，佢都已經唔洗小朋友供養搞得店自己，但佢仔女反對，想佢做多幾年可以幫輕買樓壓力，又或者之後幫手湊孫。
衰既父母係有，但其實都有好多吸血啃老當老馮既後生仔，但網上通常睇到既都係做父母就係原罪，因為你生，你要負責佢地人生到幾十歲到老。
我覺得都睇下個心態係點，如果我仔第日揾唔多，又冇能力搬，佢同我講唔好意思已經盡力，我會體諒佢。但如果佢覺得點解你仲問我攞3000蚊你生我養兒防老為家用，我應該會好嬲。
4個讚
係呀，我同老公好有興趣知道而家啲後生仔俾幾多錢家用。因為我哋喺公屋出入見到好多人用名牌（但又同父母住公屋），然後好多老人家都有繼續做嘢，唔使做都要幫手湊孫。
我哋諗嚟諗去都唔明，到底佢哋係俾幾多錢家用，先會咁捨得買名牌？