話說睇到一段台灣娛樂新聞, 關於藝人孫協志。
呢個孫協志, 好多年前同一個藝人韓瑜離婚, 離婚時透露部份原因同生唔到仔有關。
佢離婚後, 幾年前開始同另一個後生過佢十年既女藝人夏宇童拍拖。
今日睇到一篇娛樂新聞咁寫。
孫協志和夏宇童交往近5年，愈愛愈高調，不少人好奇兩人何時宣布喜訊？其實孫協志歷經一次失敗的婚姻，重新有了新愛人後，很珍惜這段緣分，也和夏宇童有「做人」的備孕共識。孫協志9年前和韓瑜離婚，曾坦言有部分原因是一直無法得子； 據悉，孫協志和夏宇童非常積極準備，彼此都很期待有好消息，打算先有後婚。
原文網址: 拒重演韓瑜事件 孫協志、夏宇童先求子再婚 | ETtoday星光雲 | ETtoday新聞雲
如果話個男人有壓力一定要傳宗接代, 男人想先有後婚都講得通。
但唔明點解個女人都肯, 如果話個女人本身唔恨結婚, 想同居一世, 又何必"先有後婚"? 吳君如生左個女, 咪一樣同陳可辛同居唔結婚。
同埋感覺個潛台詞, 好似係個女既如果生唔到仔, 個男既就有權換過個女朋友咁。
呢個夏宇童係康熙來了時代已上綜藝節目講8掛野，比我印象係努力工作搵人埋單既跑通告女星。
如果孫協志係好碼頭，唔排除一買一賣wo，佢都唔係第一個用肚換自由+錢既女星啦。
先有後婚俾我感覺係無咩愛情只為有後既婚姻。好似同邊個女人生都一樣。
我覺得大陸同台灣都好傳統，仲係會想生仔。而啲女人都有小小俾人洗左腦一定要生仔。同台灣上綜藝個啲都好識制造話題。有啲結婚離婚都上通告講。唔知佢係咪認真想先有後婚。
有同感。
但係宜家係有左, 先至肯結婚嘛? 咁如果佢自己都生唔到, 對方擺明唔要佢喎?
點解唔搵個肯結左婚先生仔既碼頭? 萬一自己生唔出, 離婚都可以分番多少先, 況且夏宇童都已經35 啦。
好明顯就係bargaining power 既問題啦，你估個女人唔想咩。
咁樣講，中間愛情成份有幾多？
等睇幾時有左結婚再離婚 
我想講, 通常上得通告多講夫妻關係既, 都唔少係後來離婚。
何妤文、劉雨柔、“小甜甜” (張可昀)、主持人Melody、依依(雙胞胎果個, 唔係陳依依)……
可能本身離婚就多，我覺得佢哋係咩都上通告講既人
生仔離婚又有通告可以上。不過係幾搞笑既，我都鐘意睇
勁wo! 你up 得晒佢地d名！！嚴立婷未離lor
我最估唔到melody 都離
小甜甜因咩事離？個時好似話有左？無左康熙已經跟唔到
睇求子都好笑架
佢好似近年先出黎主持番《十一點熱炒店》咋嘛, 我有諗過, 係唔係開始feel 到離婚邊緣, 先部署出番黎做節目。但佢果單離婚都好多花生。
又係一地花生呀, 好似話當初先有後婚, 跟住就爆出係老公對佢家暴, 搞搞下又走個咩教會出黎介入件事呀, 又隔空罵戰咁
(好開心, 呢度有人知邊個係台灣"小甜甜", 我好驚打呢個名d 人誤會左我講龔如心, 哈哈)
騎牛搵馬, 食住等
咪住先，我印象仲停留係個男人對住小甜甜一見鍾情，鍾意左好耐，非佢不娶咁ga wo, 做咩事會扭到咁，而且仲出埋教會，咁bb點算？
2岸叫得小甜甜既人都好特別。
岩岩諗起一件事, 果陣時韓瑜同孫協志離婚, 好似有傳過孫協志做生意欠落好多債, 要韓瑜動用自己d 錢幫手還債
睇左太多年康熙
小甜甜好明顯係求其想有人埋單結婚生仔
但就搵親都係衰嘅
佢開頭話結婚都估佢好快離婚
係 太缺愛既人情路都慘啲
我對小甜甜印象來自康熙，當時已唔鍾意佢，呢種性格總係覺得正常男人都怕左佢
只要搞笑既來賓我都鐘意個陣幾鐘意melody，估唔到佢會離婚
呢度有個訪問, 佢自己講離婚既事
但離婚既事, 都好多花生
好心啦，係咪男人黎架，追佢個時就英雄救美式交學費，離婚就claim 返錢，女都同你生2件啦，個d舊帳仲要提？無錢到咁？
記得melody 係ucla都薄有名氣，選美拎獎，出身本身都唔差，呢家夫家咁樣where爛塊面真係。。。
深夜簽紙有咩特別呢，自己唔睇清楚terms又賴人，搞笑ga wo
