想問下大家, 有冇人搭過土耳其航空返香港? 睇到佢地的飛行時間好似都幾短(15-17個鐘), 比阿聯酋航空短得多, 而且票價都平一大截, 行李仲要包30KG, 但唔知佢地嘅機位好唔好坐? 餐飲又會唔會差? 行李包30KG喺咪只限寄艙? 有冇另計手提上機行李? 有幾重? 希望有親身體驗嘅朋友可以分享下.
前兩年搭過。話喺伊斯坦堡停2⃣️個鐘，後來delay 超過4個鐘，停咗6個鐘。嗰排都係咁，但又從來冇update 飛行時間。
其他方面冇咩特別，唔記得。
1個讚
搭過幾次，我覺得膳食及坐位都幾好，只係經濟倉D空姐及機場地勤（包括香港嗰班）非常非常非常冇乜禮貌！同埋唔知點解次次我都好好釆，派餐、派茶水硬係派灟我一個，次次都要追
同埋伊斯坦堡機場痴線咁大，我唔多鍾意𨍭機行咁耐，係好多嘢商店，但行行吓其實都係賣返嗰D土產，我又唔好牌子嘢，都唔會響哩個時間買嘢。
不過如果你搭長途機需要好好瞓覺的話，你要考慮一點，由英國出發最少要搭兩程先返到香港，飛杜拜及伊斯坦堡都好，我當兩程機都係八個鐘左右，每程食兩餐，中間只得幾個鐘休息，可能你話我可以唔食，但你唔食人哋都要食，起碼你要拉返直椅背，一定騷擾到你瞓覺。咁樣連續飛兩程，我個人覺得會更辛苦。我鍾意經歐洲國家轉機，一程好短、另一程十幾個鐘，長嗰程食完飯之後，就算睇完一套電影，我都仲有好長時間可以大覺瞓，當然我只係建議，你要考慮返自己身體需要
4個讚
冇坐過
但行李嚟講，應該要check返買飛果時先知，通常跟身手袋，加寄倉
有啲好啲就跟多個手提細喼
你而家張飛有幾平？
1個讚
不過有人話歐洲轉機，時間太短可能行李走唔切
6千有找。因為從伯明翰飛，可選擇的航空公司不多。
2個讚
咁都算平嘅
留意下中間轉機嘅時間會唔會太趕
阿聯酋及土耳其都搭過，前者服務同食物好；後者機場正同埋行李30kg多，我對搭飛機冇乜要求，所以兩者都會再搭
1個讚
年多前曾經由香港飛英國，廉航劃位要另付費，包伙食，質素一般，寄倉行李不限件數，不磅秤手提行李(手提行李 7kg + 隨身袋)，轉機也不用拿寄倉行李，期間空姐對有需要人士（如帶嬰兒之女士）特別照顧。
在伊斯坦堡轉機有簡單過境手續，但關員不太認識bno 護照，要另行請示啊頭才放行。過境時間長的話，會包觀光，再長些好像包酒店。
香港至伊斯坦堡，飛機座位正常，伊斯坦堡至英國時是細機(不是Birmingham)，完全唔夠位放手提行李，空姐一開始已經好有火氣，故此早點登機會較好。
以上是舊資訊以作參考，不知有否改變。
1個讚
咁我又未試過，不過我多數經漢莎網站買，因為飛德國班次都密，通常揀轉機時間長小小，費事咁趕啦
1個讚
漢莎有冇從伯明翰來往香港嘅航班？
去skyscanner 睇下
有，我哋都係伯明翰出入
好在我冇講 ‘’cheap 得金‘’
2個讚
離題講下，唔想幫襯中資嘅，可以用Google flight
1個讚
即係咩？
呢個都中資埋了
我成日見到kayak 賣廣告，但冇研究
x程 海外版
Sor…呢個我都唔曉呀 