早兩日參加了一個好多年冇見的後輩親戚的婚宴，對佢嘅印象仲停留係小學時候的樣子，好似忽然間長大成人…. 而前一次仲係手抱的Baby，已經成為亭亭玉立的大人…. 對我呢個當年大學生嘅姨姨當然全無印象。
同席的坐了很多長輩，全部都老了30年，大家的開場白都是好耐冇見，真係好耐冇見…. 樣子仲認得出，但多了很多很多歲月痕跡。幸好大家仍然健康，生活也不錯。
步入4字頭年紀開始大，對於生老病死呢個課題變得好敏感，面對年事已高的親戚，自知其實應該多些見面飲茶食飯孝敬吓，但每天營營役役，返工湊仔，最後想法往往不了了之，好似自己已經預見到下次見面很可能係下一單喜慶事/白事才會聚頭….
參加了一場喜宴，但竟然停留在心底的是滿滿的感慨。
忽然有感而發想抒發一下
差唔多年紀的，也有這種感覺嗎？
人生就係咁
留時間感慨不如留多啲時間比值得係花時間嘅人
同意呀～而呢種感覺慢慢就會習慣咗
所以有活動就盡量出席，下次永遠唔知仲見唔見到
祝福你身心健康，顧好自己最重要
有
以前會去拜年 你去完我度 我又會去返你度
即係同一家親戚會聚兩次
不過 自爺嫲公婆果輩走咗之後 後輩們就會自動停止拜年
其實細個時好多拜年美好回憶 逗利是、同表兄弟姐妹玩、食零食
而家新年好冷清
有呀，而家好驚唔個邊日會死，死左就乜都冇哂，仲有父母家人唔知仲可以一齊幾耐，可能突然唔知邊日佢地就唔係度，成日會擔心但明明唔應該擔心
40歲人，好聽過左半世人，唔好聽就過左3分2人生啦
而家只係至親人拜年咋
以前啲人唔同
我反而係親人大部份停
朋友keep到
我都係。
但係我覺得無所謂, d 表兄弟姊妹早就唔岩傾唔岩玩, 拜年一個二個低頭望住手機唔想理你, 或者借d 意坐一陣就走, 好無聊, 都係應酬一日既感覺
我覺得入 4重好後生，另一方面又開始年紀大。
慶幸自己早生，其實一 d都唔早，只係身邊 d friend 遲。後生生真係可以同仔女好似 friend 咁
過多廿年就真係老了
係呀 一樣無曬話題 連搵話題嘅意欲都無 
覺得有啲可惜
好耐以前仲同個ex一齊個時有跟佢去拜年，悶到一個點，個個自己玩手機，佢仲話我做乜玩咁多手機，頂佢
年紀越大就越覺得人生好多無奈，最好交托俾神，或非基督徒的聽天尤命，就唔使諗咁多人安排唔到嘅事
倪匡有次話佢從來冇煩惱，唔會唔開心。
因為問題解決唔到的話，佢就唔去諗，唔諗問題就自然唔會煩、唔會唔開心，
一直都好buy佢
拜年真係好痛苦，我由細到大最驚做嘅嘢，而家只去至親度拜年，初一初二夠晒
我都好感慨，因為我同一時段發生幾樣野
被醫生診斷為已進入更年期
膽固醇蹉界
配老花眼鏡
幾日之內發生，我都真係有少少難接受，我45，當我以為自己正當盛年卻原來已走下坡。想喊又唔敢，想傾訴又唔想放負
點會走下坡，只係身體狀況唔同，好小事，你仲有幾十年人生享受，會活得精彩。我陪你！
多謝你
我仲剛剛轉左工，我知自己能力做到，但心理上呢樣野好影響我