我地係雙職家庭，有2 個小朋友，大既讀緊私立小學，每月學費、校車、午餐已過$10000，細既本來打算讀同一間小學，但最近考到一間幾好既直資，多功課同比較遠（比私小早1小時起床），但開支大約每月$5000-6000，老公而家想讀然後幫大既試插班，咁每月就可慳成萬蚊。
老公工作穩定但好大壓力，每日返工都唔開心，由於呢2 年加息，每月供樓開支大左好多，所以我地每月扣除所有必要開支都冇乜錢剩，連搭飛機成家去旅行都冇多餘錢，加上我老公為人一向負面同悲觀，見到身邊朋友仔女都係讀直資同津校，學費平所以可以一年去3、4 次日本，佢開始覺得唔知為乜，點解每月辛苦返工而d 錢冇洗係自己身上，不如將2 個小朋友轉去直資或津校。
我自己係唔介意而家捱下，等低息時我地既財政狀況會輕鬆d , 我覺得既然小朋友有能力考到入一間好熱門的私小，少功課，讀得開心，有語境，唔洗煩呈分試，我唔介意呢幾年冇得去旅行，去一去日本都冇4 萬，一年冇12 萬，我個人會選擇投資係小朋友教育上。
但老公唔係咁唸，佢覺得自己份人工比哂供樓、學費，投資教育又唔一定有同樣嘅回報，自己衣食行都慳住使好唔開心，寧願好似其他人一家人一年去3、4 次旅行比小朋友擴闊眼界，自己都會開心返d.
2 個小朋友都好鍾意私立個間小學，如果先比細讀另一間直資，而大既轉唔到校繼續留係原校，細既日日要做咁多功課一定唔開心，對佢好似唔多公平…
請教各位如果係你地會點揀，謝謝大家意見
有無得喺其他方面慳D?
Gigi_2016:
老公工作穩定但好大壓力，每日返工都唔開心
咁大壓力冇得去旅行放鬆下又真係慘左啲
投資教育又唔一定有同樣嘅回報，自己衣食行都慳住使好唔開心
其實佢唔係冇道理
Gigi_2016:
直資，多功課
有冇諗過咁多功課的話，到時跟功課點算，我驚你地仲辛苦
咁其實為錢愁當然係最頭痛嘅位啦，有乜理由以教育去遷就一家之主個精神健康喎
我覺得…今時今日, 仲攪到苦行會咁又為乜…
而家先小學, 隨時都要等多15年先出身, 到時都唔知乜世界囉
無了期嘅捱係痛苦
係就係，但插班唔成功點安排？兩個分開讀真係玩死大人…
長遠計，你地環境係應該揀平嘅讀嘅，大人壓力少左，對小朋友都會寬容啲。
好簡單，一係你搵份人工再高啲頂返條學費
我自問兩個小朋友條學習路好唔同，一個私幼升直資，一個學卷升津校。我覺得分別唔大，教育嘅野，唔好以為俾左錢就實好啲。試完我就覺得分別不大，學券及津校甚至更適合我家。
如果撇除國民教育個d，其實香港津貼直資學校教出來嘅學生成績唔差，係多功課重操練，但上到中學會容易追進度，既然係留港，我會慳左而家讀私校嘅開支，儲起俾仔女出國讀大學，所謂happy私校，上到中學就一d都唔happy
換個角度如果每日返工唔開心，一啲錢淨都冇嗰個係你，旅行都冇。但你老公淨係顧住個仔教育，叫你捱叫你忍，你會點？
其實冇錢就唔好讀私校
睇餸食飯
老公顧慮冇錯，條橡筋長期拉到咁行遲早斷。
如果要犧牲好多嘢（包括家庭和諧、加重財政壓力致嚴重地步）只係為仔女讀直私，我個人覺得真係唔值。返工壓力大，連少少娛樂要求都做唔到長遠人都癲，而且再大啲，班小朋友就會比較，點解邊個暑假去澳洲，我哋去長洲？唔係支持虛榮，而係要有心理準備，讀直私小朋友係乜背景，佢哋去旅行真係take it for granted, 到時你又會唔忍心，但又點都慳唔到舊錢出嚟，屋企仲大衝突。
屋企有財政壓力，所有人（包括細路）都要一齊分擔。唔好淨諗小朋友，你嘅世界除咗佢哋，仲有你自己同老公，仲要諗退休。我反對財政唔容許下勒緊褲頭遷就晒個細路，更何況冇直私唔會死，有能力好多好津小可以插班；到財政狀況改善，出國讀書都仲得。所以比著我或者會兩個轉晒同一間直資減輕負擔。
P.S. 媽媽你嘅世界唔係得兩個細路仔，佢哋再大啲，原生家庭亦唔再係佢哋全世界。不如趁今次機會同佢哋財務教育下，亦等佢哋知道唔係所有嘢只係等接受而唔洗付出。
仲要捱幾耐？幾時先會低息？
但你老公依家就明明確確見到，工作辛勞但因為小朋友讀書搞到屋企無多餘錢去旅行去玩去放鬆，連衣食住行都要慳
唔清楚兩個小朋友的教育開支佔屋企支出幾多，但如果cut左呢萬幾蚊可以減輕家庭經濟壓力，我會cut左佢換嚟家庭幸福
Gigi_2016:
細既日日要做咁多功課一定唔開心
私校無功課？
(勿打頭)