識人2夫婦加埋月入超過6萬 同99住 冇供樓壓力
生左個b就畀99湊 家用就只畀7千 仲要煮埋2公婆飯
有冇良心啊? 仔就識生 奉旨要老人家湊都算
畀得雞碎咁多 直頭虐老
我作為全職媽媽 深知照顧細路係幾咁辛苦 絕對唔忍心畀長輩湊仔 好在老公負擔得到 畀我辭職照顧細路
講真 計唔掂數就咪學人生仔
要生就諗清諗楚 唔好咁不負責任 畀老人家湊當搞掂
請個保母/工人 或者去育嬰園 托兒所 幫輕下都好
諗埋啲縮數 虐待自己阿媽
大家點睇?
可能99好想湊，迫佢地生孫，咁俾個99湊又好正常喎，人地嘅野就咪理咁多啦
至於錢銀，你睇到嘅係7000，但背後可能好多納雜你又未必知，冇乜必要咁批評
4個讚
個99同個細仔係度呻辛苦 細仔又唔敢同個阿哥講
鍾意湊都唔係畀得7千咁少掛 煮埋2公婆飯湊埋仔…
啱嘅 人地家事咪理咁多 我又幫唔到啲乜
下如果當初係99迫生孫，真係做得出架，你話湊我先生喎，而家你嫌辛苦，冇野下嘛
如果真係頂唔住自然會出聲啦
6個讚
99 自願就算
3個讚
好老實講 個奶奶有份縱出黎架喎 自己辛苦又唔敢講 淨係識同細仔呻 對住大仔就鵪鶉
18個讚
當事人即奶奶如果真係頂唔順，我又唔信佢唔會維護自己權益唔直接出聲。
好多時有幾名子女老人都是想得到關心或純呻下，亦未必講晒事實全部，有時唔洗太上心，也要避免未審先判太偏見。
6個讚
喜唔喜歡湊孫就真係難講 俾佢湊時好多時都多怨言 到阿孫分開住時又唔捨得又呻悶
不過如錢銀有怨言 就應該無咩誤會
7千蚊係小左D 包食包湊孫包間房包家用
… 如無怨言咁就真係人地家事 咩都睇唔到
3個讚
你情我願，唔好將自己一套套落人地度，每個家庭有自己運作方式
2個讚
聽唔少呢啲情況，個99永遠都唔同當事人承認辛苦同錢少。
受害人唔出聲，要個benefit緊嘅人自己醒覺，你覺得可能性有幾高？
4個讚
只能夠講一個願打一個願捱
1個讚
就囉、佢99肯無計、影響到你就自己決絕點
有時老人家尤其女人唔知點解好鍾意乜都呻，明明其實唔係真係好差，仲好享受，但都講到好攞命咁。純粹提議下，佢講嘅同佢真實感受好唔同，可能佢未必真係好辛苦。
例子好似我諗個個仔女都會問阿媽有咩要幫手，但佢又話唔洗或者到你真係幫手時又話你唔識做/返工攰唔洗幫，但可能轉個頭又同老豆姨媽姑姐講無人幫手啲家務得佢一個做晒好辛苦。
如果你係想幫佢，你搵個中間人，等個阿媽同個仔溝通下。仔有時係冇咁細心，新抱又未必會干涉（正所謂自己阿媽自己搞）。
10個讚
好同意呢點! 同埋上一代有d 人可能生活圈子窄, 好似無咩話題, 成日開口埋口都講人是非
4個讚
簡直可怕、連仔女都唔放過、搞到好唔和諧、到你認真同佢處理就話無諗過咁、做左衰人咁、有時真係聽完就算、不能認真
3個讚
一家唔知一家事
有一種老人家，係最鍾意一路呻一路做，對住細仔呻大仔，對住個女呻新抱，但你叫佢唔好理唔好做，佢係十萬樣理由話要幫
無得睇唔過眼架喇，只可以睇開啲
（利申，男家屋企有個，最後搞到兄妹決裂
）
11個讚
湊孫呢家野好易令手足間出現矛盾，幫佢湊唔幫我湊呢d，或者俾哂阿媽湊想做死人咩呢d，成日都攞出來嘈
4個讚
你講起我就覺得身邊九成老人家都係咁
5個讚
7千好有良心了
大把0家用+又食又拎
5個讚
我估你係細新抱？
細仔醒目，聽完阿媽呻就算，佢出手我敢講到時兩兄弟反面，奶奶到時又一定話唔係咁嘅意思。
只要唔影響到你（eg 暗示你加家用），其實冇乜好嬲
11個讚