自小係一個充滿比較 責備 打罵 鍾意講人是非既家庭長大 成長後係一個缺乏自信 唔敢表達自己意見 怕事 好怕人點睇自己 同依賴人 好怕孤獨 同易相信人
出黎工作 到識朋友 都好易建立自以為真心友誼 每次一開始總係好好感情 事後會因為一d利益突然疏遠你 永遠都係最傷果個 所以好怕人對自己好 覺得佢地都係想傷害人
內心唔夠強大 到而家都係一個未解決到既問題 唔知可以點去改變諗法 好多野都唔知自己想點
屋企人就可以唔理架啦 成屋都係冇用既人 唔可以令自己再沉落去 而家獨居緊 雖然情緒都會低落 但起碼脫離左負能量先
9個讚
用一生治癒童年
1個讚
表達自己見意唔使怕啦, 你岩既, 咁咪努力向住個岩既方向
如果係唔岩既, 咁咪吸收下人地原先意見, 同埋諗下自己有冇機會下次使用, 從中學習,
對方覺得唔岩聽既, 咁無野架, 為件事好, 就唔係為個人
咁咪等時間判斷, 邊一邊做得好D囉
岩傾岩講,就講多2句, 唔岩傾既, 都係講多2句
2個讚
好好面對童年，然後做個勇敢嘅人
童年冇得揀，但人生有得揀
14個讚
同埋唔好loop過左去又改變唔到嘅嘢
7個讚
有時又會充滿能量 有時又會意志低沉到覺得人生為左d咩 近排被一個自己好重視既人冷淡對待 本身同上司關係唔錯 私下仲有約出街 到佢而家正式坐正 公司內部又多鬥爭 我哋關係都改變左 佢對我已經冇多餘既一句說話 只爭下工事會溝通 係工事上我明白佢處境 但原來 升職可以令到一個人可以放棄友情 原來自己係佢心目中係咁可有可無 一切都係我以為…佢對我既態度什至比其他同事差…
我怪既係自己一開始冇睇清楚佢 只睇到佢既表面
經歷太多 好難再去相信一個人
情緒好既果排 的確可以做到好正面唔去諗 但放假既時候 情緒開始又黎 我諗我唔可以比自己得閒停落黎
2個讚
搵啲其他嘢做下
非常同意。我有個同事做野好騎尼，然後又成日歸咎因為細個時的童年家庭生活點點點
先唔講係咪真係有關，但其實同事間無興趣知亦無義務因此包容你。咁樣仲令人覺得好煩同想疏遠你
6個讚
放假通常好攰 只係休息 自己一個人就會亂諗 尤其一個人住
咁我一定唔係呢種 我工作能力正常 佢地都好想我返多d
同上司咁係因為關乎私人感情 同佢關係超越普通同事 但又未係拍拖 但佢似乎為事業放棄左 搞到我每日見到佢都好尷尬 我心都好難受
表面上我係好開朗積極 工作絕對冇問題 亦冇人會知我既內心世界
我細個個家庭都係差不多咁喎。或者以前好多家庭都係咁。
屋企人唔比較鄰居老師都會同你同其他人比較，屋企有老豆打，返到學校都會被老師體罰…
其實我覺得係樓主性格問題。
我以前認識一個同事，佢原生家庭好正常，但唔知點解佢個性格成日都同人比較，成日放負，成日覺自己唔好（明明已經活得比我好都話唔好）。
2個讚
咁可能係本身性格吧 中學時期我都係好開朗 係出黎做野開始 個人愈來愈唔開心 屋企人到而家都仲會比較人地仔女事業好 搵錢能力高
我係會有同人比較既心 但我係會真心為朋友過得好而開心 而我又唔算經常放負 係心情唔好時候會呻下
有啲人會loop自己悲劇主角
但真心關我事咩？
人比人，比死人mode
認同 呢個世界 永遠叻人都總有人叻過佢 取決自己態
自信呢樣野 從小我都係冇 然後 長大左 更加難去建立 覺得自己冇咩長處
總有嘅
係會有一定影響，但睇你自己點面對，如果拎住過去做藉口，永遠改變唔到，我嘅過去唔好你好多，但過去嘅影響唔到我，反而改變到我
4個讚
我會努力搵對方法改變 暫時仲嘗試建立自信既方法
向呢堆描述入面，我睇唔到有咩問題囉
你都應該接受自己嘅性格就係咁樣，唔好諗自己咁樣係唔好，唔好諗要點樣改變自己，唔好諗因為屋企人點點點令到自己點點點
開開心心過自己嘅人生，好多嘢你肯放啲睇，其實樣樣嘢就好簡單
2個讚