我不嬲都對英國有讚有彈㗎，不過可能我自己表達得唔好，容易激動，見諒。
我就算點彈都要感恩能夠嚟英國嘅機會，亦唔可以下下懷緬香港，攞啲港女陋習出嚟
可以周圍住下，不嬲都係好。
港女陋習？食買玩？我又唔覺食買玩係陋習
係到生活耐左，我覺得港女好正，又有見識又做得嘢。好有城市感
1個讚
我既2023年由阿姐請長假（事後計返超過半年），無啦啦act左佢個位開始，但好快因為有左又退左落黎
但呢個咁短既時間裏面都handle左件好重要既工作，得到認同，係我個行，我既年資做呢個post，仲要臨危受命，都算係咁，亦感恩因此發現好多資深同事好肯幫忙配合，係我呢年一個好難得既經驗。
有第一胎時阿姐都係請假（但當時跟另一個阿姐），頂左好多野，好忙，我成日覺得係太操勞所以令阿B好輕磅。第二次懷孕比第一次辛苦，但捱下捱下又到淡季，同成日提醒自己bb為先，最後今年有尐考績做得唔好，影響左appraisal，都介懷左一陣，但我又提自己人生好多野都好重要，呢個只係一片好短暫既風景，我覺得都係呢一年自己成長既進程。
九月放產假，十月生，再次享受做媽媽既日子，今次做到全人奶， 彌補左第一胎既遺憾 ，阿b又好湊過第一個，黎報恩，好感動。
總括黎睇，今年好事多過壞事，自己情緒狀態都好左好多，好感恩。
7個讚
千金難買好同事呀
1個讚
2023年經歴咗好多
- 自己team，同一日有人返工，有人升職，有人辭職
- 同一日自己身邊有人離世，有人公佈有咗bb
- 自己健康開始出現問題，事源因為一D原因睇醫生，然後藥劑師話去到某個年紀建議要驗血，結果發現自己血壓好有問題，過幾日仲要入急症
2024年希望解決健康問題，全心投入生活同工作
2個讚
最緊要身體健康
屋企係我壓力來源
保持距離係好好多
多謝你，好認同。
其實知年紀開始大，只係冇諗過咁快有問題。
1個讚
2023我過得唔開心
工作係升左職，但人事更麻煩，真係小人當道
移民又無我份，除咗老公唔肯，長老都係要照顧，冇勇氣揼低佢哋
最後我覺得如果唔改變，我真係會癲，我做咗樣喺別人眼中最傻決定：讀part time
好多人為咗移民去讀書，我相反仲係HK讀書，覺得自己好on 9
但我又覺得，我唔做啲嘢去改變，我會更depressed 。所以就算返工、湊細路，我都照讀
唔知聽日會點，唯有常存盼望
7個讚
唔傻，呢個決定好好，你永遠唔會知學咗嘅嘢幾時會用得著。
7個讚
點會？讀書係為知識為眼界，保持對知識嘅追求對世界嘅好奇心，喺邊度讀都有用。記住唔止為張cert，係為知識
3個讚
讀左嘅野係自己得益，咁忙仲肯抽時間讀書佩服你至真。坐言起行唔係個個做得到！
3個讚
想問下你呢個轉變係點樣可以做倒？有咩方法？純粹靠自己諗通係好難
2個讚
說來尷尬，我都冇辦法，好似每朝起身開大細咁得就得唔得就全日黑暗，好似禽日已經好唔掂
不過我有keep住自己忙不同事情、聽歌、跑步（太凍跑唔到）、搵朋友傾偈、每日做一件氹自己嘅事、寫低自己已經有幾叻幾努力幾不錯、睇下啲人病呀傷殘幾努力生存生活鼓勵自己…算唔算？
一唔得就遠離新聞，例如呢兩日肥佬黎案，我想追，但都係攤一陣先
整體好，但遠離以前嘅我爭太遠
以前我係天跌落嚟當被蓋
1個讚
跑步真係幾好。呢星期放假去親效外 d公園都見有英國人著好少衫跑，細路都照跑
跑起會好熱，唔冬架。慢行重冬
2個讚
跑步呢我最凍8°c，呢排暫停
我呢排先開始跑，都係跑一陣。
只限跑下平路，見d人係公園泥地，草地同浸水都照跑，好勁。
初初覺得佢地會唔會好冬，原來跑起勁熱。慢跑都好熱，出晒汗。
唔做運動就坐係到同食，出入又揸車。一日都未必行到二百跑，好似唔太健康
1個讚
其實關唔關飲食營養事?
1個讚
我唔鍾意食嘢關唔關事？
好呀，等我鼓起勇氣先，我8°c都ok，呢排又濕又凍就費事。感謝你
1個讚