2023年大家都瘋狂去旅行. 我們也去了倫敦, 牛津(終於回去了), 溫哥華, 京都, 大阪, 東京, 橫濱, 箱根, 伊東, 山梨等等.
好像準備一月再去日本.
今年頭八個月都是holiday mode, 仔仔沒有怎樣做作業或溫習. 九月開始重開turbo, 主打數學和英文閱讀理解. 下年也要研究一下creative writing.
興趣班方面, 仔仔開始了學打網球, 也會繼續學劍擊和音樂劇. 他很喜歡這三樣. 今年他在兩個話劇表演中擔任了男主角, 能力受到老師和家長們的贊同.
同時要兼顧額外學習, 各興趣班, 玩樂及空暇, 真的不容易. 下年或後年考到那幾間學校任何一間, 我就可以收工去玩了! (考不到都可以收工
)
目標有點高有點遠. 不過沿途風景美麗.
Goodbye 2023 and wish you all a happy new year
到我
話說到左UK, settle down就搵工
2023都算搵到間大公司叫做文職，雖然人工低，但算輕鬆嘅工作，又響呢間公司遇到香港人有得吹下水圍爐，又識左班唔同國藉嘅同事，都ok嘅
旅行就只係周邊城市嘅day trip, 去左轉丹麥，真心北歐真係從來唔響我嘅旅行目的地名單嘅，2024再發掘下嘅新地點。
屋又算搬定，又識左新鄰居，大家都算愉快嘅
係年尾又感冒，上年又係咁，大概係咁啦
呢一年對我黎講係好難過，
媽媽入院發現有 Cancer 住左兩
星期本來話可以出院在家照顧，
點知之後發現更多問題醫院都無
再提出院，5月份就走左。
媽咪走左後對於我黎講係好心痛
我係接受唔到佢走得咁快，說時
遲那時快我伯娘就係我媽走左一
個月後走左，再過兩星期後我有
兩姨媽都係差多時間走左。
而我一直都覺得個心好痛，我囡
不停要的幫佢整呢整個樣等忙下，
但幫助都唔大。瞓得唔好成日不自
覺會流淚。
老公都算體貼我講左幾之去旅行
散心，但我都係無動力心情時好
時壞，十月尾終於去左轉日本，以
為可以放鬆下，咁啱個 trip 其中一
日係我生日，本來都無乜嘢忽然間
又諗起媽咪。返左香港後又打回原
型, 不停無限輪迴。
最近我由頭到尾諗一次成件過程，
發現我一直卡左係可以出院度，我
一直都認為知道左媽咪有 Cancer
都知佢情況嚴重，無咩可以做到就
等佢可以舒服咁到尾，加上醫院都
曾經話準備出程仲教我點照顧媽咪，
而我就覺得點都仲有兩三個月時間，
但點知係無。可能咁樣我接受唔到
佢咁快走左。但而家諗返轉頭媽咪
唔使辛苦都唔係一件壞事。而家好似
諗通左，自從咁諗後開始瞓得好左無
再成日瞓唔到或瞓得短。最近再諗起
媽咪係會傷感但感覺無咁痛。
祝大家身體健康，珍惜身邊每一個愛你既人。
希望你新一年能釋懷。
我今年心情同健康都大有改善，有回流
，有旅行，有得忙，同家人及朋友維繫得唔錯，都可以嘅。來年繼續努力
今年嘅心得係＂山不轉路轉，路不轉人轉＂，走出comfort zone，原來前面有更好嘅風光。祝福大家2024年，前途光明
仲有計劃趕不上變化 
多謝你，時間我會慢慢一點點咁消化
成件事慢慢可以放低。
謀事在人 成事在天 
take care
慢慢放低，好好生活
多謝你嘅祝福
年紀越大，越覺得身體健康係最重要
可能你冇心理準備媽媽嘅情況會急轉直下
但好似你咁講，起碼佢唔使長時間承受咁大痛苦
希望你可以慢慢從傷痛中走出嚟
之前你潛咗水一排
而家返返嚟吹水，而且聽到你話情況好咗，太好了
今年係變化莫測嘅一年。
2023年為自己訂咗幾個目標，勉強算達成，對自己亦有交代。2024年目標唔敢定得太高，要回一回氣。
開返關取消限聚令，終於可以約返朋友團聚，亦可以同屋企人去返旅行。事隔幾年再旅行，心態好明顯唔同咗，唔止繼續享受漫活，而且更享受同屋企人響陌生城市冇計劃冇預計行程咁隨機自由探索。呢種旅行態度推動到阿女都嘗試了解當地文化歷史，主動接觸當地人，同思考人哋同自己有乜唔同。所以每次旅行完更覺小朋友嘅成長。感恩我仲有能力比呢啲成長機會阿女，希望佢繼續學習換位思考，同做一個有分析力嘅人。
有位好朋友今年離開咗。到咁嘅年紀漸漸要面對生離死別，要學習調整心態。好老土不過係事實：珍惜眼前人。我依家唯一可以做嘅，就係善待同支援佢嘅遺屬。亦願佢可以安息。
工作上有變動，表面升職加薪，但實際唔係我想做嘅崗位，揹咗好多責任。點都好，既然take咗就盡力去做。經濟環境唔好，諗緊嚟緊team嘅發展方向。要求唔高，依家只係想未雨綢繆，盡量maximise 同事戰鬥力，幫大家避過裁員潮。
呢幾年嚟好多事發生，人又大咗，好多以前會執著嘅嘢呢一兩年漸漸學識放手，所以面對今年生活上發生嘅好多起伏，情感上精神上都可以應付過嚟。嚟緊希望生活上繼續過得低調，同屋企人繼續順逆境都一齊面對。
係啊，多謝你記得，嗰時係好黑暗，吹水都唔想，但恐怖嘅係其實冇特別事發生，係心情，諗所有嘢都係負面消極，人生就算結束都冇所謂，唉
而家又開心返，喺呢度多好朋友，多啲笑下咁，會努力
我都有留意你，希望你心身健康
你之前鼓勵過我，我好欣慰，所以不要小看你自己的留言
哇有咁嘅事？多謝你，好呀好呀，我會繼續上嚟吹水，互相扶持 
感恩有 BD 呢度和你地，就算看似簡單
既一句說話已經令到我感覺窩心。
係㗎，呢種心結要解開，亦要時間，慢慢嚟，一日唔放棄，幸福會喺你身邊
無錯，我會慢慢解開個心結，
多謝你既鼓勵
賣咗樓,辭咗職,移咗民
過去三十幾年人生無諗過會有突變
幾有挑戰性 