同6299住唔想再做ftm,如果係自己住做ftm無問題，因為同佢地住做ftm真係吃力不討好，佢地永遠覺得自己個仔收工最累，我做得ftm就咩都要做哂佢，但佢地又唔肯湊，老公俾我放幾日假去旅行散心，佢地叫老公唔好俾我放，即係佢地角度做ftm只有屋企家務同小朋友，唔好有個人興趣，自由都無埋！
其實做working mum都係咁上下，大家一般印象就個女人=負責下一代所有嘢，無論你有冇做嘢，有咩事都係話個呀媽。
13個讚
10萬級同意。如果6299係咁諗野，even working mum, 佢地都覺得你唔應該去旅行，佢地個仔係最累，唔應該爸爸留港睇小朋友。
同6299住就會係咁，唔想但都要就住佢地諗法，好難話唔理就唔理
2個讚
呢個係同住嘅問題
3個讚
同習慣干涉別人的人同住, 無論你係唔係mother都會被認為有錯.
4個讚
同住真係返工好過…
3個讚
咁你老公撐唔撐你？撐你易搞好多。
其實我覺得就算同住都無話就要驚左佢哋。前提老公重視你。如果我條氣唔順就會出聲嘈，佢想成日家嘈屋閉咪繼續咁囉。再唔俾你去散心就話佢哋搞到你產後抑鬱。越懂事既人就受越多委屈，佢又唔係幫你湊又唔係俾錢你，都唔洗睇佢頭。
不過唔想對住都要諗搬或者搵工。
依句說話真係好認同
亦都搞到好多人有抑鬱
5個讚
如果唔同老爺和奶奶住都可以做 FTM 咁咪唔好同住,
聽你咁講佢地好傳統思想, 就係個新抱要係要屋企就係
要負責晒打理家頭細務. 咁無謂再同住落去, 最多住近啲
咁你老公可以成日返去睇下兩老.
2個讚
ftm同唔同住都會被老爺奶奶話，分別係聽到同聽唔到
個新抱搵到錢或娘家硬淨就一定冇人恰，我話嘅
識朋友搵錢係老公五倍，一隻碗都唔洗，老爺奶奶出名麻煩都當佢神咁拜，個老公大聲一句都鬧個仔咁好咁對老婆。人就係賤，關咩傳統事
自己做ftm做得ok，老公支持就唔使理啲人咁多
5個讚
好慘
比著我6299咁同我老公我實嬲爆佢地
我都咁話
以我經驗，新抱搵唔到錢又無娘家後台，係比姑奶恰，唔知點解，有時姑奶仲惡過奶奶
3個讚
你覺得何超瓊當年嫁比許晉亨有冇人會比半句說話佢聽？好現實，一係靠錢一係靠能力
當然冇話因為個新抱冇錢冇後台而恰佢就啱，係人都知唔應該，不過事實係要講出嚟，做得ftm預咗，無論係個老公點支持，個奶奶就係睇唔順眼。只要老公撐理L得佢，但老公唔撐就另話
working mum? 搵得多過個老公99%唔會比奶奶話
返工都係啦
你屋企有錢啲，同事都唔會揀你黎恰
有錢個人氣場都勁啲
諗多左，都會俾奶奶話掛住番工唔顧家，識生唔識湊bb，揾錢大哂咩。
一個衰既奶奶係咩都有說話講。
2個讚
係嘅，不過講少同mild好多，我身邊case冇一個係個老婆搵得多會比奶奶話，可能係咁啱啦
響屋企唔做家務，奶奶上親嚟大部分時間見我玩電話，都冇比佢講過半句
關鍵係我雖然搵得少過老公，但收入夠自給自足；工人份糧係我出嘅；個女響咁多個孫入面發展算最全面均稱，加上性格又好，而全個家族都知教育著緊9成係我負責；再加埋少少氣場，奶奶次次想入我都比我暗暗反擊。
雖然有神隊友好重要，但講到尾打鐵還需自身硬，只有自己係最可靠
同奶奶相處過程中可以讓步我都會妥協，就係唔想老公做磨心，亦提醒佢要點對返我娘家；只有去到某啲位我都頂唔順先會反擊。咁多年嚟試過幾次，最後同奶奶算「搵到共識」，協調到點共存
3個讚
有病，搵到個搵到又肯生嘅新抱執到啦。
奶奶夠膽係我面前講呢啲嘅話，
我會當佢面同老公講原來搵錢唔係大晒，我聽日係咪可以辭職湊bb，記住月頭入番我宜家份糧俾我。
以後佢叫親食飯應該都唔得閒出席。
老公其中一個表嫂搵得少，又冇時間湊仔，佢奶奶應該成日響我奶奶面前數個新抱，因為我奶奶上親嚟我度都會講下親戚是非，呢個表嫂次次都比佢講一餐。真係好慘。
x2 ，我身邊都有case，老爺奶奶潮州人，多聲氣乜都唔滿意，細嗰個俾佢鵝到離埋婚，又話要揾返潮州人做新抱，女人乜都要做曬等等。
到大仔娶老婆，個老婆強勢，有自己事業，唔會做家務，唔係潮州人，屋企請工人搞掂，老爺奶奶一樣當佢神咁拜，之前要求唔見曬
1個讚