有一份人壽保險， 16歲時阿媽幫做保險嘅舅父買，亞媽做保單持有人，但我供就我自己供，供咗20年，已經供滿。
最近阿媽見自己年紀大，唔同我講，就將份保險嘅受益人轉咗去阿哥個名，我係有啲不滿嘅，但份保單持有人個名又唔可以轉。如果而家cut 保險，淨係攞返幾萬蚊出嚟，白白送咗啲錢俾保險公司又唔抵，但如果唔cut，我又有啲唔服氣，都唔知點樣，有啲唔開心。
- 保單持有人擁有呢份單嘅所有控制權，包括轉受益人，拎錢，退保
- 因為你唔係保單持有人，你只係受保人身份，所以你係呢份單上無任何話事權
- 保單持有人係可以轉，但要你媽肯先可以轉俾你
請問我係受保人，保單持有人個名可以轉返比自己？
可以，但要原先保單持有人同意，即係要你媽簽名轉你做保單持有人
謝謝！我再問下先，因為之前問過唔同既人，都話保單持有人唔可以轉名比受保人，我再問下先
我老公份人壽，都係我供，收益人都係我。
如果同你講唔可以嘅，一定係對保險無認識嘅人，反而受益人係唔可以同時係受保人，同時保單持有人需要同受保人有可保權益先得
可以架，我細個嗰時阿媽都係幫我買咗份人壽，佢係持有人，受保人係我，到我夠18歲之後，就轉返持有人比我自己處理返份保險（即係比錢供
）
未結婚之前一直都係寫阿媽係受益人，到結婚之後有仔女，就將受益人轉左老公名，第時我瓜左啲錢就留比啲細路仔
同埋而家轉受益人（唔係持有人）好簡單，上網就可以自己攪掂，唔洗搵agent填form簽名，好方便