想離婚，但之後生活質素一定會下降，
覺得好似虧欠咗仔仔，
要跟住阿媽捱…好驚佢大個會怨我。
我係度諗其實係咪為咗個仔委屈自己落去就可以無事。
有冇媽媽有經驗可以分享下？
咩事要離婚？
1個讚
老公出軌，動真感情嗰隻
或者有無多少少可以講下?
仔仔幾大? 知唔知爸爸出面有第二個?
你老公點同你講? 佢有無提出離婚?
你宜家有無做野? 如果分開, 你同阿仔有無地方住? 你番工時阿仔邊個睇住?
會下降成點？
唔計學嘢
如果係由有樓住有工人有得車出車入
轉去冇工人搭巴士地鐵住公屋，咁我唔會諗即離
但大前題小朋友接唔接受到爸爸媽媽分開？小朋友接受唔到要慢慢部署……同埋男方又點諗？
出軌…真係可以咁委屈同原諒？
你有冇工作能力先
1個讚
識人同你一樣
分居中，冇離婚
生活靠老公比錢，佢自己一個湊住個仔都好難做長工
睇返樓主2020年既POST，果時你仲大緊肚…
假設無野改變，咁個生活質素都唔算好好，
最多咪無工人同靠贍養費生活。
4個讚
多謝大家回覆，我統一咁答：
仔仔而家3歲，未知發生咩事。
我同老公無傾、無攤牌，佢唔知我知。
娘家無地方住，搬出去只夠負擔到劏房再等申請公屋。
我返工時媽咪可以幫到手照顧小朋友。
除咗佢出軌之外，
其實一路以嚟都積落好多嘢令我好心淡同攰，
溝通已經解決唔到，所以先想離婚。
不過又驚連累咗小朋友，因為真係會私樓變劏房。
但要忍落去真係好辛苦好辛苦。
平時已經對我唔係好，錢亦無俾我，而家加埋出軌…
但佢對小朋友係好好嘅，糾結嘅位就係度。
我應唔應該為咗小朋友去啞忍當無件事咁繼續扮演落去…
2個讚
咁佢住邊？老公肯俾幾多佢？
有但唔高，唔係專業人士。
出去搵最多我諗都係搵到20k
返娘家住
我唔知實數，不過夠生活、直資學費、興趣班
如果係咁，我唔會離婚住，自己出去返工，儲錢，有一定經驗能力就走
2個讚
你好細心, 搵埋佢之前出過乜野post 
樓主, 你大肚時, 個男人已經咩都老爺大曬, 嗌交離家出走兩日都唔搵下你。宜家個仔三歲, 已經又唔俾錢你, 又出埋軌。
加加埋埋都想像到呢三年幾委屈。 
7個讚
我覺得趁早離婚
一來小朋友仲細，根本唔知道發生咩事，
如果小學先離婚，傷害仲大，
而且錢係唔會儲得完，收集出軌證據，
等佢唔好同你爭B
6個讚
你個CASE離婚啦,我估你仲後生,點忍成世
1個讚
早走早著
既然佢對小朋友好好，就俾返個仔佢湊，你淨身出戶，將來仲有一片天，唔使為呢個男人毀自己一生
5個讚
我無辦法認同為左小朋友而唔離婚呢套說法 （當然都要睇下係衰咩既，但如果對方動真情。。。咁。。。我覺得有d難）
我一直相信，小朋友再close 到16，17，18歲就唔會再痴住你，唔會再monk衫尾，佢地總會離開自己
我覺得，我下半世既幸福更加緊要，一個對的人先係我要盤算既事。
我2個細路，離婚時一個讀緊幼稚園一個初小
我算幸運，我有經濟能力 有工作，父母肯幫手
但我都影響左小朋友既生活質素，我都有內疚
以前要死慳死抵，主要係無晒安全感，好想要多d錢，所以用錢好小心，但反而咁樣比我2個小朋友都會慳錢樣樣野都覺得貴，會諗下先消費
我對2個小朋友付出都盡心盡力，陪打機（同佢地有話題），陪讀書，慳埋d錢買車，每日送返學，到現在細果個我都仲車緊佢返學，每年去旅行，每件事都以佢地為先，雖然我窮但我自問我對得住我2個小朋友，我已經將我手上最好既比晒佢地
現在 佢地已經唔再跟我喇，17歲，15歲。。。大果個…2024年暑假旅行都可能唔再跟我喇。。。好唔捨得，但我證明左我自己睇法係正確。
我終於要面對自己人生既下半場，寂寞架，唔慣再無2個裙腳仔跟住我架，但最緊要自己過得開心
P.s.我幸運地搵到個老伴，陪我一齊行
32個讚