阿女10歲，中咗流感，已經食緊退燒藥，但係都係咁枕住發燒，同埋好多鼻涕又勁咳，好似食西藥都唔係好幫到咁，我好擔心 
醫生有冇建議食特敏福？
之前我一家都中晒，我就冇燒，但周身痛、喉嚨痛、咳，我老公都燒到39.x，食咗退燒藥都唔退，抖幾日先至好返啲
我兩個小朋友就慘，燒咗好多日，低燒高燒唔停，入咗醫院，要食特敏福
我哋一家中過COVID，覺得中流感仲辛苦
食藥都係幫輕症狀，最後都係要靠自己抵抗力打贏仗先會好番
我小朋友以前中過流感,特敏福好似48小時內食先最有效(唔記得24定48小時,總之越早食越有效)
佢嗰陣一驗到流感即食, 好快退燒,但咳嗰啲都要7日先停
第二次再中流感,嗰次發現得遲,無食特敏福,食退燒藥,藥力一退就即刻燒番,足足玩左5日先退燒,都咳左10日先好番
唯有飲水,準時食藥, 休息休息,流感真係好辛苦,如有懷疑及擔心及無乜好轉,要再睇醫生
持續發燒即係身體仲打緊仗,要飲多啲水
西藥食咗幾耐？如果冇效真係可能要轉醫生，或者試吓睇中醫
都食咗成個星期，叫做好咗少少，開頭兩日係發高燒，呢幾日係微燒囉
小朋友幾年前中過，又燒（高燒）又停一個星期後先發現係流感，第二星期入醫院住咗四、五日打抗生素，真係好令人擔心。
不如帶阿女去睇中醫, 成日食住退燒藥都未必係一件好事, 中藥比較溫和, 對身體冇咁大傷害
有機會唔同一時間只中咗一種菌／病毒，你可以買啲幾合一檢測棒check check，不過就算係通常都係食藥減低病徵，最主要都依靠自身抵抗力，要啲時間慢慢好（一兩星期）。
香港醫生通常都會開消炎葯
飲水降溫
我仔要食特敏福先至降溫
西藥食到小朋友好燥熱，我個仔仲食到成口都係飛滋，去咗位x堂睇，飲咗中藥一個星期，已經差唔多好返晒，個陣有得claim埋保險，不過唔知係咪間間都得
我之前係用公司醫療咭去呢間睇, d醫師都幾細心
該主題在最後一個回覆創建後180天后自動關閉。不再允許新的回覆。