我仔仔今年4歲半, 由bb 開始都係我同老公輪流陪伴訓覺. 一般訓覺流程係, 去洗手間, 刷牙, 揀圖書, 然後入睡房. 我地由細習慣左每晚會講故事同傾計. 通常會等佢訓著左先離開間房
之前細個啲大約30-45分鐘訓著. 隨住年紀越黎越大, 需要訓著嘅時間都幾長, 而家有時要搞成個半鐘, 甚至2個鐘先訓著
我地明白呢段時間陪伴都係親子時間嘅一種, 但晚晚都係咁, 一黎有時夜晚我地仲要做野, 唔夠時間. 又或者陪伴過程自己訓著左, 就影響之後睡眠. 真係好唔想好唔想炆憎, 破壞大家嘅關係
請問經歷過呢個階段嘅爸爸媽媽你地係點處理架呢? 通常幾歲唔需要再陪? 又或者點樣慢慢由陪到訓著, 到講完故事就離開房間, 佢自己繼續訓?
多謝分享
陪成個半鐘咁咪搞到好夜？
小朋友仲有無午睡？如果有就考慮cut左佢，如果無，就要再做多啲野放佢電。
我自己做法係盡量避免同佢喺床上傾偈，傾吓傾吓真係唔使瞓喇（女仔），有咩傾就食飯/其他時間傾晒佢。
同埋佢心知道一瞓著daddy媽咪就會走，就更加唔肯瞓。喺佢清醒時就say goodnight 係最好，當然小朋友一定唔想，要家長自己睇時機去train佢，講一次唔得，就講100次。比佢知道朝早一瞓醒，一叫媽咪，媽咪就會黎攬下佢。
不過失敗經驗都好多，始終大人未瞓佢會心野，我地最常用做法係連大人都同一時間熄燈瞓晒
睡前傾下計我覺得係好
比小朋友講返有咩特別野想同父母講，一個好重要既時刻！
但時間要控制，講完就應該bye bye訓教
唔可以再等佢訓著先離開
流程最後唔等佢訓著，直接同小朋友講大個仔自己訓。我囡囡都係咁嘅年紀，2/3歲開始自己入睡。咁大個聽得明。你同爸爸都應該有me time
我都係咁
先減少午睡 （我大仔係唔鐘意訓，好細個已經好少時間午睡）
上床講完故事，大約3歲左右就熄燈叫佢自己訓，佢會響床到碌，玩下公仔就攪掂
8點半上床講故事，大約15分鐘，通常9點半前會訓著
即係幾點瞓？搞咁耐先瞓即係唔眼瞓。
多謝大家回覆
補充, 小朋友返全日制, 學校有午睡時間. 會嘗試同老師商量一下時間上有無空間調節
放學大部分時間會用行路代替搭車 (大約20分鐘路程), 再去一陣公園, 就係為左放電
會同爸爸商量故事, 傾計完就離開, 比佢開始自己訓
一路都係你咁嘅時間, 8點半開始故事, 訓著9點半可以離開, 係最近呢兩個星期越搞越耐
係時候要做啲改變
咁就減少佢午睡時間.
然後, 晚上佢點碌都唔好理佢, 總之響床上面.
補充下：我囡囡有時都會喺我離開房間後喊要水呀，餅呀，去廁所呀，好多要求，有時唔知係藉口還是真需求。適當地回應咗就ok，盡量唔好拖長時間：）
大仔一開始都唔肯訓，後黎電話set 8點響，一響就知道就黎訓喇，開始時都有陪訓，後黎大個左俾佢訓上格床超興奮就梗係唔駛陪訓
細囡一樣都係訓練佢早訓，可能有哥哥一齊玩，未到兩歲就應該停左午睡，夜晚可以未到八點就話眼訓自己上牀訓
但點都好，全屋熄燈熄電視!!!
大人只係拎本電子書睇，唔會太光無聲，小朋友睇到都無興趣，黑媽媽我睇佢唔訓有咩做
