我女細細個就好鐘意玩彈波波機，所以無論去到邊一區見到有彈波波機都會玩幾次
話說今日放假入元朗，水邊圍街市天橋底個頭，見到有間士多仔出面有擺放彈波波機，我女係士多鋪玩彈波波機，中獎換禮物後就出左門口，幾分鐘後發現個玩具漏氣係爛的，於是要求老世更換，老世就話貨物出門不退換，又話已經有得玩過就算，唔包獎品的好壞，態度十分差，重複表示1蚊嘢都要求多多，比乞衣都唔止。
事後我老婆同啊女同我講返，我就自己返去理論要求道歉。 暴躁士多鋪老世依然堅持自己有道理：不停強調玩彈波波機禮物係價值1蚊唔包好壞，而且貨出門不退換，責任不在他身上。
期間不停大聲講嘢，並以高度優勢壓迫我，然後隨手在貨架上面塞左兩包嘢入我身上，話：e度係私人地方，你入來偷嘢。 店鋪裡面有監控，拒竟然可以咁樣屈我偷嘢，跟著就推左我出門口，隨手丟左十幾個硬幣落地下話，乞衣，你係唔係要錢啊？執啦！
於是我報警恐嚇我，誹謗我，當時唔知身體受傷打算自己消氣就算無去檢控對方，之後發現頸部受傷了比嘢界傷左
首先，暴躁老世夫婦話彈波波獎品唔包好壞，小朋友玩完開心就算。 玩完中獎拎個爛的禮物如何開心？如果咁都講得過去，冒險樂園玩完唔出票係唔係都合理？係因為有中獎機制小朋友先想玩，根本玩同獎品係屬於同一商品設定。
第二，暴躁老闆話，1蚊ge嘢唔好要求咁多。我想講，根本唔係錢ge問題，係處理手法同態度問題，換左禮物幾分鐘就發現爛，你就話小朋友整爛，根本都未玩，幾豪紙ge淘寶貨仲同一個小朋友計較。 而且，你件貨唔係包中獎，假如我玩左幾百蚊先中一次獎，咁你個獎品係爛ge，先可以要求換？
第三，到暴躁老闆講唔掂就用貨物出門，並不退換來壓我。 店鋪裡面從來沒有在當眼處寫明這個條款，也沒有口頭告知。 試下生果鋪，肉舖，如果買左爛嘢返到屋企先發現，都可以換啦！
第四，撇開貨物問題，單純評論暴躁老闆夫婦人品。 鋪頭裡面自己有監控，竟然可以隨手執兩包嘢塞入去我上身，陷害我偷嘢。不停以私人地方理由壓迫我出門口。
仲丟錢落地下叫我執，這種人真係無所不用其技.期間仲話會擺我上網。
最後報左警，警察了解左成件事先話換返比我，當然唔會要 而且對方完全無誠心道歉，奈何我息事寧人，最後無保留追究ge權利落案起訴士多，之後返到屋企就發現頸部被暴躁老闆塞過來誣衊的貨界到出血
我係小事化大？ 但屋企人受到不合理對待同辱罵我條氣好唔順先返去要求道歉，純碎發洩一下
我都會一樣，兼同小朋友講埋，下次人地俾野你記得可以檢查清楚有冇爛冇冇過期先收