老公做野,返黎仲要煮飯洗碗,星期六日要做大清潔,因為老婆有潔癖,負責所有買餸、掉垃圾,維修、揸車出入、買家居日常生活大小事務野。
老婆無做野,只係跟仔女功課。
黎我地屋企打邊爐後,個老婆只係出聲叫老公幫手執,自己走去睇仔女(但之前一直無睇過,而啲小朋友已大個唔需要睇)。其實一直知佢乜都唔做,但無諗過連扮都唔扮
知係人地家事,一個願打一個願捱,佢地happy就得(個老公仲要係好怕老婆)。但我真心想知你地或身邊有無呢啲組合?咩原因會一個咩都唔做另一個又會ok?
老公做野,返黎仲要煮飯洗碗,星期六日要做大清潔,因為老婆有潔癖,負責所有買餸、掉垃圾,維修、揸車出入、買家居日常生活大小事務野。
老婆無做野,只係跟仔女功課。
黎我地屋企打邊爐後,個老婆只係出聲叫老公幫手執,自己走去睇仔女(但之前一直無睇過,而啲小朋友已大個唔需要睇)。其實一直知佢乜都唔做,但無諗過連扮都唔扮
知係人地家事,一個願打一個願捱,佢地happy就得(個老公仲要係好怕老婆)。但我真心想知你地或身邊有無呢啲組合?咩原因會一個咩都唔做另一個又會ok?
我聽過一個case係仔女都大,唔使湊,個老婆唔工作唔煮飯唔洗衫唔做家務,個男放工返嚟做埋
識個case係家務全部老公做晒,包括買餸煮飯,老婆冇做野,仔女剛上中學,唔使點湊又未至於可以甩身。不過個老公好厭尖,可能做咗都會嫌做得唔啱佢心水,整整下個老婆索性乜都唔做
做家務可以減底患病風險,教仔女易患病(激到高血壓)
我都係老公做家務但我唔洗做既。不過佢唔洗洗衫煮飯。佢會洗碗,倒垃圾,維修,揸車。
奶奶就買餸洗衫煮飯,因為結婚前都一直係奶奶做。無理由娶我返去係代替佢做家務嫁嘛。我地住複式樓上樓下。但之後奶奶都請左工人。
我覺得咩原因會ok係因為結婚前老公都知我唔係會做家務既人。我老公有做開家務,佢做會做得好同快過我。同都有錫老婆既成分。
我身邊有聽過類似case,係朋友嘅朋友
女嘅高身厚職,負責晒全家嘅開資,家務請工人做,但放工後都仲要跟小朋友嘅功課
男嘅柴一條,冇返工,唔洗做家務,唔多湊細路,仲要最x街係出去偷食,而且已經唔止一次比老婆發現
然後老婆都係一次又一次原諒佢,繼續養住佢,真心覺得呢啲先係癈人
原因?女嘅自己都講唔出,除咗前世欠左佢,我諗都冇其他解釋
我覺得一個煮飯,另一個洗碗係norm,我及其他大部分家庭都係咁。如果一個做晒,煮完仲要洗,真係會對煮飯呢件事好burn out
我嘅睇法:只要唔請工人,任何household member都要做家務,只係多少。例如返工嘅做少啲,仔女忙或者太細都做少啲等等
當然又冇話準則嘅,但我絕對唔接受老公乜都唔做隊晒比個老婆,反之亦然
但我爸退咗休之後佢都係又煮又洗碗,佢又好似無咩嘢。但佢哋食得簡單,唔會好多餸,除非我返去食飯。但我媽都有做下執屋個啲。佢哋未退休個陣就有請工人。
不過我都見好多係一個煮,一個洗。
我爸都係,但佢係好似上面一個reply,太醃尖腥悶,我媽煮乜都話唔啱食,洗乜都話唔乾淨,所以先自己做晒。而且退左休,唔忙嘛
但我上面個朋友case, 係個老公好怕老婆
Btw 想問下如果唔係同奶奶同住,咁你會俾埋洗衫煮飯俾老公定自己做(假設你去左英國無工人因為見你話會係英國生B)?
假設得我同老公,開洗衣機我都ok既但煮飯都會俾老公做因為都真係佢煮得好食啲。同埋我都會睇佢眉頭眼額既,我見佢burn out 個陣會幫佢,但無事無幹個陣就老公做再讚下佢。
生B我爸媽都有跟去英國幫我,所以宜家洗衫煮飯係我爸媽做。洗碗就有洗碗機。
咁你應該會係同post入面嘅老婆一樣了 生完你會好忙,到時只係攬住個B餵奶應該連開洗衣機都會叫你唔好做,我經歷過
到個仔一歲半時,發覺無B可抱黎做excuse, 覺得自己太廢(我都係婚前乜家務都唔做嘅人,但唔想個仔學左),爭住做返
我都係,其中一個原因係老公做得好同快過我。我地決定結婚時,我父母同佢講,佢完全唔識煮㗎,菜都唔識炒,你預咗無啖好食
未有小朋友前,我真係冇乜入廚房,自從有小朋友就開始學煮,係唔enjoy不過覺得呢個係自己責任
依家係外國住,我要返工時家務多數係老公做,我放假時會主動幫手做返。其實好多家務都輕鬆咗,有吸塵機械人、洗碗碟機,係清潔廁所最花工夫
所有廚房嘢我做,買煮洗及清潔
老公做其餘範圍清潔及洗衫,我打死都唔做,有都唔會郁,啲衫臭我都唔會洗;幫佢做得一次佢以後一定借啲意比我做,男人唔好信
我已經分配好左所有人工作,生左我老公湊B餵奶粉,我爸媽做煮飯家務。想好好坐月啊。
不過我無惡我老公同佢唔驚我,只不過佢係好抵得諗 佢以前都係自己生活自己住,一個人做哂所有家務,同我一齊都係比以前多幾件衫,多小小飯
其實我係識煮既,當然唔係叻,但都可以上網搵食譜跟住無炒車,但我唔會主動煮之前老公病咁我就照顧返佢。但無事無幹咁咪老公做。
而家好多男人都肯做曬家務,而個女就乜都唔識做….我都識幾pair係咁!
我仔都係好肯做家務煮野食嘅男仔,我諗緊係咪要教佢唔好做得太好,攬太多上身 搞到佢變M底咪死!
應該有
不過如果老婆仲要加埋呼喝老公就唔ok了
願打唔係大曬
無無無,佢老婆人前好斯文
我諗係敬老婆而唔係怕老婆嘅(不過我地背後都係用怕老婆呢個term, 我老公話好多年前佢地打緊最愛嘅fifa中途,佢都會走去打電話報到 etc)