請問有無bb言語治療師推介？bb 而家18個月，聽指令完全無問題，都識好多生字(即係例如你問佢某樣野係邊，佢指岩曬) 但未識講任何單字，所有野用只會用”ba ba”音黎形容，都識發其他音，但大部份情況教佢物件點形容，佢唔會跟你的發音，只會話”ba ba” 健康院姑娘只係話兩歲返去再覆診。
我想早少少尋求專業意見，thank you!
1個讚
各大ngo都有言語治療，但全部都要排隊，自費約$600/堂起
第一堂會見ST做評估，之後再制定治療方案
理大、協康會、耀能、扶康會、監護者，都有訓練班上，可以大包圍全部排晒隊先，邊間快就報邊間，見咗ST攞咗意見先
私人機構都有，但我問過兩間，一樣都係要排隊，你可以網上搜尋下
1個讚
言語治療都要家長配合，家長上堂學左技巧在家繼續做先有效，唔係去一堂就會好轉，只係曬錢，最好係每堂照顧者一齊去，返去都要做訓練
機構等要排好耐，而且可能好多係fresh grad
有經濟能力可以去私人，以前去油麻地有間姑娘好用心，俾好多意見教家長點做，童言童語
1個讚
18個月只係歲半, 有好多小朋友都未掌握到點講野, 呢啲時間你地係屋企盡量同佢講多啲, 引佢講多啲
佢地一起步就會講得好好
我仔當年又係歲半過唔到, 但一開口就收唔到 
1個讚
你可以試吓拎d佢鍾意嘅嘢引去講
例如：佢鍾意車，你可以試下拎住架車，你先示範講車/要/俾，引佢講車/俾/要，可能最初未必完全發音正確，只要差不多音都可接受
如果你小朋友唔會好扭計，可以鼓勵佢講多一、兩次至俾佢
同埋你口型誇張少少，等佢可以模仿口型去學講嘢
多謝大家的意見！
我地都好心機放時間一步一步教，只係見佢其他發展都on track，係講野呢一環無咩進步想早啲尋求專業意見。想請問下有無人用過邊間私人機構覺得幾好？謝謝