想問有經驗媽媽，請問女仔幾時先有「儀態」的概念？
大女7歲，雖然已經由細教到大，我本身亦頗為注重「儀態」，但小朋友越大越衰，到左外地後更加「自由奔放」，好多行為我睇見真係眼冤，但講多兩次佢又唔高興（我示範過俾佢睇佢無儀態的行為，佢同意係唔好睇/肉酸，但每次哦完依然故我）
我眼冤的行為包括
1「mark」大腳/戙高腳坐，如果睇書做功課睇電視時做，我覺得係佢自由時間，所以只會提點下，但食飯時我係由細到大都嚴禁（我指示已經好清晰, 大腿連埋pat pat坐喺張櫈上面）
2 落住條裙喺攀爬架上玩倒吊，成條打底褲連埋肚臍都見埋，或者又係mark大腳將兩隻腳繞住兩邊扶手咁，同佢講過咁做我唔接受（著褲咁玩我ok，但放學時經過公園，我有時會容許佢玩10分鐘）
3 唔合埋口食野，食野食到「接接」聲
4 食完野唔洗手，一野抹落件衫度，或者fing fing fing ，有次佢有啲牛油果醬痴住手，佢好順手就fing，結果剛好fing到我成面都係，嬲到震（餐枱面已經有紙巾，每次開飯前都會放定一張俾佢用）
我想知道呢個歲數以上行為係咪正常，大啲會唔會突然有日注意到，係嘅我慳返啖氣唔再哦佢
（正如我之前問過大家執玩具問題，大家提點左我後，我放手左無捉得咁緊，佢又真係突然有日開始自己主動執）
貪靚的幼稚園已經有. 我幼稚園時坐凳一定雙膝合攏, 唔會喺人前撩鼻, 會留意指甲剪得靚唔靚, 得閒就照鏡梳個冬菇頭, 玩媽媽d耳環同化妝品. 冇人提冇人教, 自己好注重外表儀態
你女女似係求其lair fair類. 佢自己唔care可能大個都唔會改
1個讚
其實都只可以提醒佢，唔可以控制佢，又唔可以罰佢，提得多又唔鍾意，只好希望佢快啲大個到開始在意嘅年齡。
Fing真係唔掂呀
畢竟影響到其他人，我情願佢抹落衫度…
講起撩鼻，佢都有
佢又好貪靚架，鍾意化妝油指甲著靚裙
不過會著住條裙踎喺度之嘛
我會話佢核突，然後話我唔會同核突既人行咁埋／坐一齊，然後行快2步／離開房。
玩遊樂場個度，可以玩前講定佢著裙就唔玩得邊d, 如果佢唔制就換褲玩，唔好比人衝入去但又勒住佢。
1個讚
我見到就會提佢, 直接話佢咁做好肉酸或者污糟
佢唔停止我會一副嫌棄樣叫佢唔好掂我
講起儀態，我屋企小朋友都有un腳問題，我就同佢地講「人搖福薄，樹搖葉落」。佢地未聽過，我就繪形繪聲咁同佢地解釋。有一日，我女竟然話我講既「人搖福薄，樹搖葉落」係真。我問：係真？咩野真？
佢解釋：今日小息我地玩猜皇帝，我好想贏所以坐得好直！身同腳完全唔郁！之後，我真係連贏5鋪呀呀呀！！！
嘗過甜頭後，小朋友坐得非常定了，因為佢想要多d福氣多d luck
樓主，趁小朋友仲係天真好易扼時，要諗諗計了。
3個讚
見到呢個post我想分享我老公，尋日我去試粉底叫佢去幫下眼，點知佢見到男士化妝品系列就同個SA講佢都想搽嘢去塊面嘅斑 
貪靚係不分男女
利申我唔係有經驗媽媽
只係本身都係粗魯啲嘅女仔
你囡會唔會本身都係活潑好動啲嗰type? Sporty啲嘅？
尋日睇咗篇外國育兒文章，係講喺小事上control少啲，例如擘大脾坐如果喺屋企就由佢？只要出街識坐返好就ok？粗魯底盡量著褲出街，避開個衝突位？
佢個theory係冇人會想比人control得好緊，如果樣樣都管，就會好想反叛；反而有啲位放鬆返，喺真係緊要嘅事情上堅持，咁佢嘅「控制quota」就可以用喺嗰度。我都係反叛粗魯底，對我嚟講咁樣係work，如果唔係我會全部嘢都一鑊過唔聽教，因為覺得好煩。
我諗起我細個去遊樂場玩係玩到要跟側邊啲男仔裸上身玩 嗰時都應該有七歲⋯ 同細個有一排真係好中意撩鼻屎，諗返都覺得核突，不過再大少少真係比較識「知醜」，唔知邊個moment聽到人講話咁樣其實好核突，自己諗諗下都覺，就冇再咁做。
3個讚
多謝你即係捱到中學就有轉機啦
佢就係知肉酸呀，有時我扮笑佢，佢會自己傻笑埋一份
但如果我好認真提佢，佢面皮薄就會嬲
係超活躍好動，永遠坐唔定，我理解佢性格知道唔可以管太多
我同意屋企可以奔放啲，但出街/有客人嚟唔該斯文少少，真係少少就夠
咁佢去到其他人屋企係比較乖巧文靜嘅，我朋友覺得係佢只想喺我面前表現最真實的一面，因為知道我無論點都會包容佢
我都有呢個習慣而且仲會…食。其實基本上只有自己知家人知。
當然我老公仲係BF係唔知，但有一日我知我老公知道咗。因為有晚我瞓瞓吓覺撩鼻屎同食。 
。
