我知道奶奶好錫個孫，但佢係咁買啲bb衫俾我，我覺得啲衫唔靚，唔係平野黎既但就係唔靚。
其實好多人好錫bb我都好感恩，之前我揀左啲stokke bb床，都係佢哋出錢。生bb老爺奶奶都有出錢出力。
我哋已經買左好多衫俾bb，由幾個月到一歲都有存貨，都係有牌子我哋覺得靚既，但奶奶都仲要買。
我都知到時可以唔著既，但唔知係唔係我有左bb太敏感呢，我都知有人錫bb好過老爺奶奶唔理。
品味冇對錯，咪見佢果時著下囉
12個讚
但成日都會見到奶奶，同佢會幫手睇住工人。想個仔著我啲衫，好似好低能
可能只因係老爺奶奶買，所以你唔like, 唔鐘意未係屋企著囉，BB衫好快唔啱，著幾著就唔啱，到時送俾人囉！
4個讚
bb衫會幾低能？
我係話我咁諗好似好低能
但我自己諗，其實老爺奶奶一直都對我好好既。基本上我話生bb要點都盡量滿足我。我諗緊自己係咪有護子心態，所以諗埋一邊。
撈嚟著啦
1個讚
我阿媽taste都麻麻哋，佢都成日買衫比孫，同佢出街果時咪攞嚟著囉，著佢買啲衫，再襯我買嘅褲咁
你買定啲淨色啲上身/下身衫褲，無論奶奶買啲衫啲款有幾老土，只要配番件淨色上身/下身就會平衡返
下身可以買多兩條牛仔褲，上身襯咩都會變得好睇
2個讚
係啦。其實都係長輩心意
可能有人想自己老爺奶奶錫自己小朋友都難
又或者淨係佢哋嚟探BB或者同佢哋出街先著囉
其實bb衫真係好快唔啱著，而且又屎又嘔會好易有 污漬。你係咪等一胎？我第一胎果時都好似你咁諗，老人家買d bb衫多到第二胎都著唔完，後來我睇化左，自己買d靚衫比bb出街著，其它就在家著。
而且自己買少d衫，儲黎將來比小朋友讀興趣班或買故事書都好。
最慘係bb仲細，啲款都係連身衣。不過可能我買啲靚啲既包被包住啦
係呀，第一胎。所以其實個個都好緊張bb同已經買左大量野俾bb。
同又唔知個bb大得幾快，買左好多唔同size。我到宜家都未知邊啲著到邊啲要遲啲先可以著。一見到得意既衫就忍唔住。又想佢新年或者滿月著得靚仔。
係，生完之後d hormones 影響，覺得阿媽呢個地位被動搖 / 不被尊重。
It’s ok，認識自己點解會唔開心，盡量adjust 自己心態，睇開d就好。
哈哈，依d無底深潭黎架，尤其係for bb女。衫真係唔駛買太多，如果老人家鐘意買，由佢買啦，自己買d靚嘅for聖誕新年果d。有時買左d有牌子又靚嘅，都係著果兩、三次就唔啱啦，都會覺得唔化算。
你明就好啦，其實大家都一樣買上癮
都係一番心意姐
同意樓上，見佢哋咪著比佢睇囉，
都可以友善地反應意見，例如「太熱喇，唔洗再買包腳仔連身衫，有時出曬汗」
小問題
如果老爺奶奶係錫孫而又開明派
我會直接同佢地講bb著開邊個邊個牌子，叫佢地去買
老人家想表達自己心意，無人話俾佢知點做，佢地咪自由發揮小宇宙囉
我奶奶都好錫啲小朋友但又唔知點做
佢唔識買衫，咁我就會特登同奶奶講小朋友鍾意食咩
每次返去食飯，奶奶就會煮小朋友鍾意食嘅嘢
我會教小朋友多謝嫲嫲，因為嫲嫲知你鍾意食特登煮俾你
咁樣奶奶聽落舒服覺得自己有貢獻，小朋友又感受到嫲嫲的愛，一舉兩得
2個讚
自己父母就唔會
有血緣未必相處到，冇篤眼篤鼻
當年姐姐回鄉後送咗套印尼嘅t shirt短褲俾我小朋友，真心覺得嘥錢又肉酸
咪係屋企當睡衣著囉！唔會掉咗佢嘅