話說我有高血壓。。。。我食左N年口服避孕藥，應該都關事
然後年紀大開始有高血壓，14x/9x （有時會去到160/10x），仲成日頭痛，就開始睇醫生同食降血壓藥
然後我轉左用藥性子宮環，當時開始發現我血壓開始無禁高，但都未合格
早幾個月睇到d偏方youtube 教補維他命同礦物質
我就開始補充supplements
再加埋行168斷食，戒甜
然後我最近血壓，響我好relax既睡前情況下量，仲要無食藥，晚晚都合格，少於120／80
剛剛量一量 左手102/75。。。眼花？
再量右手108/87。。。咁我今晚仲食唔食降血壓藥好呢。。。。。。。食既會血壓低。。。
下次覆診係出年1月呢
有咩補充supplements可以降血壓?
礦物質：鎂 （因為想放鬆睡眠所以試左一排）
維他命：B雜 （剛食左無耐，萬寧女士配方，入面仲有維D維K, 都話有幫助）
仲加強食物中補鉀
我都係睇左好多有關維他命既youtube channel，膽粗粗試下架咋。。。我都唔知係咪叫做work
我會減一半藥先，不過都要Mon住。
恭喜你呀
最準確升壓係早上起身後，坐低安靜休息約 5~10 分鐘量度。你臨瞓前度係唔準確，因為你日頭已服降血壓藥，藥效係一直維持到早上，所以你臨瞓前量仲係藥效早期，血壓較低係正常。
正如量度血糖都係起身、及未食早餐前量度，唔會臨瞓前量度的，你唔信最好下次覆診，問清楚護士或醫生。
我習慣係夜晚食降血壓藥
我係坐響到量度呢
今早起身再量 108／78
琴晚我無食藥，我驚食左血壓低
我唔敢肯定關唔關事。。。因為我整體調整左自己生活習慣
我琴晚無食藥呢。。。我都有忐忑
食半粒都係一個方法，捱到再覆診
食supplements我覺得係幾好,食左起碼我自我感覺良好 
但係你168 減左幾多體重？
因為改善身活習慣同體重都可以降低血壓
我都係，自我感覺良好
無咩點減到，因為我只可以返工既日子行168
胸。。。係第1時間細左。。。。。。。。。。。
心理上係好似覺得自己健康左
星期6，日，正常3餐，因為要同屋企人一齊過，唔食野會好唔入群，只能食少d
返工日子裡。。。每早一杯齋啡，11點會開始餓有時會食1小包梳打餅頂肚，1點食lunch，7點半前食完dinner （其他時間基本上唔食野只飲水，無零食）
但我戒唔到飯麵，真係好唔得會手震，屋企都唔會為我蒸紫薯果d，但我有盡量食少d
盡量戒晒d糖同甜，星期6，星期日可能會食一次糖水
我覺得我已經好盡力架喇
我其實好多樣改善工程一齊做，所以我都唔肯定係邊樣，我本想為個肝好 （我有乙肝同輕輕脂肪肝） 但竟然變左血壓正常返。。。。。
你有冇做帶氧運動，例如跑步踏單車之類
無，本來有跑樓梯15分鐘，但整到腳後就停左，懶。。。。
其實，運動多啲有好大幫助
介甜係好難，我好鍾意食甜食
戒甜主要因為個肝
糖好傷肝
你好好運，有咁好效果
我一路有食mg (其實大肚婆唔食個血壓藥，西醫臨床係會用鎂架！)
亦有食B (對stress 有幫助)
仲有食一大堆抗氧化劑，我只係去到 “唔駛加藥”，叫隱定狀態
發揚光大
我試過唔使食supplement ，只係戒糖同唔食所有澱分質，生酮飲食一個月
血壓巳降到正常水平，高血壓原兇其實係糖同澱粉質
可能我係食避孕藥食到高血壓
我一轉用藥性子宮環，其實已經好明顯有改善，只係仍然超標
可能一食維他命+斷食就調返正。。。
今早116／81
我好糾結地。。。食左半粒降血壓丸