如谷友提議, 出個post講點同大男人老公相處, 請問各位有大男人老公, 或自己係大男人嘅各位會點?
人夾人，同自己要係小女人。但我只接受到真係叻，有料既人做大男人。
有時啲嘢好自然，例如你話個男人係ceo黎嘅，好有領導才能，識好多野，教到你，咁你自然就會仰慕佢，做啲小女人既行為。
要格硬配合一個大男人而佢無特別叻，有啲違反常規。
2個讚
大男人係伴隨住有責任感, 會照顧弱小, 有擔帶。現今好多所謂的大男人唔算。
8個讚
只有大男人脾氣
但冇大男人嘅優點
9個讚
一定要揀大男人既 …
會選擇思考型既大男人 唔要一隻牛果D
會選擇十次中有幾次會反醒既大男人(思考型多會反醒) 唔反醒既以後唔好相處
會選擇反醒過後有一次半次會改 改完令你無咁傷心既大男人 一次都無改既唔會有以後了
一隻牛果D 不碰為妙 會俾佢撞飛
2個讚
我個有，但脾氣大到不得了。
前十年係日日炒，以家老左好好多了
希望我嗰個唔會越老越難頂啦
我家大男人話有時好自卑，覺得自己好無用，怕老婆
但其實我最怕佢黑面，成日有說話我聽… 亦唔會覺得人地係成日就住佢
呢期裝修搬新屋，因為係dining kitchen，佢覺得係"見客"空間，所以連廚房都要管埋，已經兩日，kitchen paper 放邊都未答我 (佢否決咗我建議)
佢要我放洋蔥同薑入櫃，因為唔好睇…